Jeremias 48:44 - Biblia Dc en Mixe de Quetzaltepec

⁴⁴ Mëti'ipë ënety kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënety jutjoty pëtsëëmpën, jam nëjkx nyaskääkë ma yajxokyën, jä'ä koos ënety jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Biblia Mixe de Quetzaltepec

⁴⁴ Mëti'ipë ënäty kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënäty jutjoty pëtsëëmpën, jam nëjkx nyaskääkë ma yajxokyën, jä'ä koos ënäty jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Jeremias 48:44 ပူးပေါင်းရင်းမြစ်များ

1 Reyes 19:17

Jëtu'un'äämpy ko pën jyakä'äka'anëty ma ënety ja Hazael yaj'ooka'anyën, yë Jehú yë'ë yaj'ookëtëp, e ko ënety pën jyake'eky ma ja Jehú, yë Elisejë yë'ë nëjkx yaj'ookyë.

1 Reyes 20:30

E ja mëti'ipë ojts jyaakwë'ëmtën juuky jam ojts nyaskääkëtë ma ja Afec kajpnën, je'eyëp ko ja kajpn napots ojts kyëtäy ets nyijijtpäjtaaytyë ja ni''i'pxmilpë ja sirië ja'ayëty mëti'ipë ënety të kyä'äktën. Ja Ben-adad ojts näjyëtu'un kye'eky ets jam jyä'äjty kajpntum, winjëën wintëjk ojts jyaaknäyu'utsyë.

Isaías 10:3

¿Tii mtuunta'akantëp ko ënety pën myajtëwëtë mëti'ipë mtuuntëkooytyëpën, ets ko ënety mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Isaías 24:17

Ja naaxwiinyëtë ja'ay jëtu'un nëjkx yajpajëtitë tä ja'ay aayjëyujk ujtsjëyujk tpajëtityën, ets tä jam tyimka'ajanë ma të yajxokyën.

Isaías 24:18

Mëti'ipë ja käkpën jutjoty nëjkx kyukääkë, e mëti'ipë jutjoty ja pëtsëëmpën jam nitëyë nyëjkxa'any ma të yajxokyën. Mëk komtuu jam tsajpjotm tsoonaanp ets nëjkx ja naaxwiinyëtë y'ëtëtstä'äky.

Jeremias 10:15

ka'ap nitii tsowajtën tmëëtëty ets ëxëëk oytyukxiknë yaj'ixy. Ko ënety ja Wintsën tii tnipaye'ey, jää tyajkutëkoyä'äny yë awinax.

Jeremias 11:23

Miitsëty Anatot ja'ayëty, nitu'uk nëjkx mkawë'ëmtë juuky, jä'ä ko pyätyp ja xëëw po'o maas npaye'eyä'änyën ja mtuuntëko'oy mkajpxtëko'oyënëty.

Jeremias 16:16

Ëjts Wintsën jëtu'unës n'ëna'any: Nyajminäämpyës ja'ay mëti'ipë nëë jëyujk majtstëpën ets tmatstëty ja Israel ja'ay. Ok nyajmina'anyës nimay mëti'ipë aayjëyujk ujtsjëyujk y'ijxtaaytyëpën ets tmajtsmuktëty ja Israel ja'ayëty tunkëjxmëpë kopkëjxmëpë tsyëënëtën.

Jeremias 23:12

Paatykyëjxm yë nyë'ë tyu'ujëty ma ye'eytyën nyaxtën, jëtu'un y'ita'any tä jeexyë y'akootstuuyëtyën ets nyoktsëtyën. Ëjts nyajkutukäämpy ets yajnajtstijëtëty ets kyëtawtëty. Koos ënety nyajtëwtë tii të tuntë, ëyo'on jotmayës nëjkx ntuk'ixtë. Ëjts Wintsën, ëjts ënaanp.

Jeremias 46:21

Ja tsyiptuunpëtëjkëty mëti'ipë mëjuy tuuntëpën, ni'kxëty ets mëjjëty jyayaj'ixtë, yë'ëjëty je'eyë kyä'äka'antë ets ka'ap tmëmëta'aka'antë ja ëyo'on jotmay, jä'ä ko yë'ë miimp wiinkoonp ja ëyo'on ma ëxëëk jyata'antën ets yajtëytyuna'antë.

Jeremias 49:8

Miitsëty Dedán ja'ayëty, nëjkx mnäyu'utsëtë. Jä'ä ko nyajkutëkoyäämpyës yë Esaú kajpn; tëë tpaaty ja xëëw po'o jëna'ajës ntëytyuna'anyën.

Jeremias 50:24

Mijts Babilonyë, kë'ëm të xynyipëjktaakë yë m'o'ktakn yu'utsypë, ka'ap të xyjyawë ko jam o'këntum të mka'ay. Jam wë'ëm, jam ku'ëtuky yajpaat mëët ko të xykyamëtoowkukë yë Wintsën.

Jeremias 50:27

Yaj'o'ktaayëtë yë tsyiptuunpëtëjkëty, jam käjxta'atë ma o'ktaknën. Janty mon janty tuk yë'ëjëty yajpaatë, tëë nyija'tëtë ja xëëw po'o ma yajtëytyuntëtyën.

Jeremias 51:18

ka'ap tsyowpaaty, oytyukxiknë yaj'ixy; yë Wintsën yajkutëkoyäämpy yë'ë ko ënety ja nipaye'eyë tuny.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënety ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Lamentaciones 3:47

ëtsë'këtyëp, yaj'ookantëp, yajkutëkoyantëp ets xit ko'ow ëëts je'eyë të xytyuunta'atë, jëtu'unës njat të nkëpätë.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Amós 5:19

Jëtu'un nëjkx jää jyäty kyëpety tä ja'ay tkuke'ekyën yë kaa ets twinkuja'të yë osë, ëkë ko pën tyëkë tyëkoty ets jam kyëxajy ma tu'uk yë tsa'anyën ets tsyu'utsyë.

Miqueas 7:4

Mëti'ipë oyjyä'äy yaj'ijxpën jëtu'un tä tu'uk yë äpnyën; mëti'ipë mëtëy tu'uye'epyën jëtu'un tä paxnteenyën. Je'eyëp ko miimp wiinkoonp ja xëëw po'o jëna'a ja nëë poky yajnipaye'eyëtyën, ja xëëw po'o mëti'ipë ojts tnikäjpxyën ja këwent'ajtpë.