Jeremias 48:42 - Biblia Dc en Mixe de Quetzaltepec

⁴² Yë Moab kajpn ka'ap nëjkx y'ëk'yajtijnë Moab, jä'ä ko të xymyëtëkoyës ets të xynyipëtë'ëkyës maajës nxëëwatyën Wintsën.

Biblia Mixe de Quetzaltepec

⁴² Yë Moab kajpn ka'ap nëjkx y'ëk'yajtijnë Moab, jä'ä ko të xymyëtëkoyës ets të xynyipëtë'ëkyës maajës nxëëwatyën Wintsën.

Jeremias 48:42 ပူးပေါင်းရင်းမြစ်များ

Proverbios 16:18

Ko yë ja'ay nyämyëjaw nyäjyääntyjyawëty, jää jëtu'un tyu'utëkoy; ko yë ja'ay mëj këjxm jyä'äy'äty, jää kyujënäky.

Isaías 16:14

Jëtu'un ja Wintsën y'ënä'äny: Tëkëëk jëmëjt yajmëtyowa'any, tä tu'uk yë mëtuunpë tmëtyoyën yë xyëëw jëna'a yajmëjuyä'änyën, pyatäämpy ja xëëw po'o ma ja ja'ay ka'ap t'oy'ixtëtyën ja Moab ja kyutujkën, tyam oy jënu'un jyayaj'ixy mayjyä'äy yowë myëët'ajtyp pyatäämpy ja xëëw jëmëjt ma wäänë jyä'äy wyë'ëma'anyën ets nitii nëjkx tkatuny.

Isaías 37:23

¿Pën xyjyëjp'ixy të xynyëxi'iky të xytyukxi'iky? ¿Pën xyjyëjp'ixy wyintsë'kën të xyajtëkooyë ets mëj këjxm mnäyajnaxyë ma yë'ëjën? Yë'ë Dios, Wa'atspë yajpaatyën ma Israel kajpnën.

Isaías 7:8

Jä'ä ko yë Siria ja'ayëty timjëtu'un yë tyu'unënëty kyajpxënëty tä yë Damaskë ja'ayëty y'ijtën, e yë Damaskë ja'ay yë'ë ënä'ämëtëp yë Rezin; e yë Efraín ja'ayëty je'eyë jyaak juuky'ata'antë ja tëkë'px mëkoxk jëmëjt tääts ja nyaax kyajpn kyutëkoya'antë.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

Jeremias 48:2

Tëë kyixy nyäxy ma mëj'äämpy të y'ityën yë Moab. Jam Hesbón tam tnipëjktaakëtë wi'ix yë Moab kajpn y'atëkoyëtyën. Mits Madmén näjyëtu'un mkutëkoyä'äny ets ja tsip ka'ap m'ëxmatsa'anyë.

Ezequiel 35:13

Mijts nëkooyë ojts m'aaw xyajwä'kxy koos ojts xytsyipwinkajpxë ets wi'ix kawi'ixëty ojts xynyikäjpxy xynyimëtyä'äkyës. Ojtsës nmëtoowta'ay.

Daniel 11:36

Ja yajkutujkpë ja anëkëjxytsyowpë. Mëj këjxm nëjkx ni'ik nyäyajnaxyë këtiinëm ja tiostëjkëty ets nëjkx nëkooyë tni'ojënë ja Dios mëtëypyë; ets aak'oy nëjkx winë wyimpëtsë'ëmxëty, koonëm nëjkx ja Dios tyuknikexyë ja tëytyu'unën; jä'ä ko mëti'ipë yë Dios të tuknipëjktaakën tyunäämpy yë'ë.

Mateo 7:2

Jä'ä ko yë Dios näjyëtu'un yë mpoky mtukwinmëtowa'anëtë tä ja mmëku'uk ënety ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

2 Tesalonicenses 2:4

Ya'atë jëtu'un mëtsip'ajtp mëti'ipë y'ëxëëk'ijxypyën tëkokyë mëti'ipë Dios jyä'ä'ajtypyën ets mëti'ipë yajwintsë'ëkëjaanpën; yë'ë tsyojkpy ets yajmëjpëjkta'akëty këtiinëm ja wiinkpë. Jampaat jya'ta'any ma ja Dios ja myëj tsajptëjkën ets jap yajpaata'any nyätyija'anyë ko Tyiosëty.

Apocalipsis 13:6

Jëtu'un tjantytyuuny, myëkajpxtëkooy ja Dios ets tni'ojëy ëxëëkjaty ja jyëën tyëjk ets mëti'ipë tsajpjotm ijtëpën.