Jeremias 48:28 - Biblia Dc en Mixe de Quetzaltepec

²⁸ Moab ja'ayëty tim pëtsëëmta'atë jap kajpnjoty; nëjkx jam mtsëënëtë tsaakopkëjxm ets jëtu'un jam muum mnäkyukonëtëty tä joon jëyujk pyä'än t'oytyunyën tsaakäätswiiny.

Biblia Mixe de Quetzaltepec

²⁸ Moab ja'ayëty tim pëtsëëmta'atë jap kajpnjoty; nëjkx jam mtsëënëtë tsaakopkëjxm ets jëtu'un jam muum mnäkyukonëtëty tä joon jëyujk pyä'än t'oytyunyën tsaakäätswiiny.

Jeremias 48:28 ပူးပေါင်းရင်းမြစ်များ

Génesis 8:12

Ënet ojts nän ja wëxtujk xëëw jatëkok jyaakëwxity. Tää ja pak tnajtsmajtsëy. E ko ja pak tnajtsmajtsëy tu'ukyë ojts nyëjkxnë, ka'ap ojts y'ëkwinpijnë.

Cantares 2:14

Ja muuxy tsaajotypë tsyëënën, mëti'ipës njä'ä'ajtypyën, mëti'ipë muum këjxm näpyëjktakëpën; ets yu'utsy muum yajpaaty, pëtsëm wä'änës n'ëk'ixy mwiin mjëjp, wä'änës nëkmëtoy m'aaw m'ayuk. Janty oyës näjyawëty ko n'ixy. Janty pa'akëm njawës jyotkëtä'äky koos nmëtoy m'aaw m'ayuk.

Isaías 2:19

Ko ënety ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënety ja myëj'ajt y'oyajtën tyaj'ixyë.

Jeremias 48:9

Jam këxja'atë tsaakëjxm ets xytyuknijawëtëty yë Moab ko kyutëkoyä'äny, ko xit ko'ow yë nyaax kyajpn jyata'any ets ka'ap jam pën tsyëënëja'any.

Jeremias 49:16

Tëë mnätyukwin'ëënyë ko mnämyëjjaw të mnäjyääntyjyawëty, je'eyë ijty m'ëtsë'ëk m'ajawë. Tyam jam muum mtsëënë tsaa yuukjoty tsaakäätsjoty. Jam muum m'ity tunkëjxm kopkëjxm. Oy jënu'un m'ijtakn mtsënaaytyakn këjxm xynyipëjktaakëty jëtu'un tä witsn pyä'än muum t'oytyunyën këjxm ma ka'ap npatmëtyën, nëjkxëp jam nyajjënäky. Ëjts Wintsën, ëjts ënaanp.

Jeremias 49:8

Miitsëty Dedán ja'ayëty, nëjkx mnäyu'utsëtë. Jä'ä ko nyajkutëkoyäämpyës yë Esaú kajpn; tëë tpaaty ja xëëw po'o jëna'ajës ntëytyuna'anyën.

Jueces 6:2

E jä'ä ko yë Madián ja'ayëty ëxëëk ënety tuntë yë Israel ja'ayëty, paaty yë Israel ja'ayëty ojts yë naaxwiinyëtë t'ixta'atë ma twinkuyu'utstëtyën yë Madián ja'ayëty, ojts tajtë yë jut jam kopkëjxm ets aank ma ka'ap pën pyaatëtëtyën.

1 Samuel 13:6

Yë Israel ja'ayëty mëj jotmayjoty ojts nyäyjyawëtë, jä'ä ko ja filistejë ja'ayëty jëtu'unyë tyukpëtijtmujkëtë. Paatykyëjxm ojts jap muum jyaak näyu'utsëtë aankjoty, jutjoty, wokjoty ets tam mëti'ipë muum mo'ontsjoty näyu'tsëtën, tääts jyaak näyajtsokëtë.