Jeremias 48:27 - Biblia Dc en Mixe de Quetzaltepec

²⁷ Mijts Moab je'eyë ijty xynyëxi'iky tyukxi'iky yë Israel ja'ayëty ets ëxëëkëty ijty xymyëkäjpxy, jëtu'un ijty xy'ixy toonpë mä'tspën, ¿këtiijë?

Biblia Mixe de Quetzaltepec

²⁷ Mijts Moab je'eyë ijty xynyëxi'iky tyukxi'iky yë Israel ja'ayëty ets ëxëëkëty ijty xymyëkäjpxy, jëtu'un ijty xy'ixy toonpë mä'tspën, ¿këtiijë?

Jeremias 48:27 ပူးပေါင်းရင်းမြစ်များ

Job 16:4

Ko jeexyë miits jëtu'un m'ëk jat m'ëk këpätë tääjës yamën, näjyëtu'unës jeexyë nkäjpxy tä mkajpxtën; je'eyës jeexyë nkëpajk njëpipy etsës jeexyë n'axiktu'uty, nëkooyës jeexyë n'ëëwnë nkajpxnë,

Salmos 44:13

Jëtu'unës mijts të xyaj'awinpijnëtë tä i'kën mëti'ipë je'eyë yajxik yaj'ëwë'kpën; yë nmëtëjkës ëxëëkjatyës xy'ënëëmëtë ets xynyëxi'ik xytyukxi'iktës.

Salmos 64:8

kyë'ëm aaw kyë'ëm ayuk nëjkx tyiytyunëtë, e ja ja'ayëty mëti'ipë ijxëtëpën je'eyë nëjkx nyëxi'ik tyukxi'ikëtë.

Salmos 79:4

Tyam je'eyë ënät ëëtsëty xynyëxi'ik xytyukxi'iktë ja naax kajpn mëti'ipë yajmëwinkon'ajtpën; tyam yajja'ayxyiktëpës je'eyë ma ja ja'ayëtyën mëti'ipës xywyinajx xywyintëjkëtyëpën.

Jeremias 18:16

ets anë'ëk tëëtsë'ëk ja nyaax kyajpn të tyaj'awinpity, je'eyë yajnimony yajnituky. Ko ja'ay jam nyaxtë, je'eyë kyëpajk tjëpiptë jä'ä ko ka'ap tja'akyukëtë tii ko o'ktëy ja naax kajpn jyajnë.

Jeremias 2:26

Jëtu'un tä tu'uk mä'tspë tyëkoypyetyën ko yajkupaatë, jëtu'un yë Israel ja'ay jyata'any yë nyaax kyajpn, yë yajkutujkpëtëjk, kopktëjk, teetyëjk ets käjpxynyajxpëtëjkëty;

Lamentaciones 1:12

Mëti'ipë në'ëye'ey tu'uye'eytyëpën ets mëmay mëtajtë pën mpëjkëtëp m'ijxëtëp tääjës ëjtsën ets jëtu'un m'ëyowtë. Yë Wintsënës xy'ëyo'onmo'oy koos të xytyukjoot'anpëky.

Lamentaciones 1:7

Yë Jerusalén kajpn tja'amyejtsy ko ojts wyi'imy nätyu'uk mon tuk; jyä'ämyejtsyp ko ojts matsy wit meeny tmëët'aty; tja'amyejtsy ko ojts myëtsip myëmëtä'äkyë ets ka'ap pën pyutëjkëyë, ko ja myëtsip y'ijxëtë ets nyëxik tyukxikë ma ënety o'ktëy jyätyën.

Ezequiel 25:8

Ëjts Wintsën jëtu'unës n'ëna'any: Moab ja'ayëty ets Seir ja'ayëty jëtu'un y'ëna'antë ko yë Judá kajpn näjyëtu'un yë'ë tä wiinkëtypë kajpnën.

Ezequiel 35:15

Mijts ojts mxoontä'äky ko kyutëkooy ja it naaxwiinyëtë mëti'ipë yë Israel ja'ayëty yajmooytyën ets tjä'ä'atëty, je'eyëp ko mijts nän timjëtu'un mjata'any: Mijts Seir kopk aanë'ëk tëëtsë'ëk mkawinpita'any, mëti'ipë Edom jyä'ä'ajtypyën. Ënätnëm xynyijawëtëty ko ëjts Wintsën.

Ezequiel 36:2

Ëjts Wintsën, jëtu'unës n'ëna'any: Yë Israel ja'ay yë myëtsip, jëtu'un nyäyjyawëtë yë'ë yowë nyiwintsën'ajtëp yë tun kopk xëmëkyëjxm.

Ezequiel 36:4

E miitsëty tun kopkëty mëti'ipë Israel yajpatëpën, mëtoow'itë wi'ix ja Wintsën t'ënëëmën ja tun kopk, nëë wok käätswok ets ja joyjyot; näjyëtu'un ja tukpotsykyopk ets ja naax kajpn aanë'ëk tëëtsë'ëkpë mëti'ipë jam Israel yajpatpën, mëti'ipë të myeetsyën ja myënaax myëtsëpa'an ets je'eyë të nyëxi'iky të tyukxi'ikyë.

Sofonías 2:10

Jëtu'un nëjkx ja Moab kajpn ets Amón kajpn tkëpätë ko ënety je'eyë ja nnaax nkajpnës të tnëxi'ik të tukxi'iktë, mëët ko ënety mëj jaanty të nyäyajnaxëtë, ko ëxaty të tuntë ja naax kajpn mëti'ipë Dios jyä'ä'ajtypyën mëti'ipë maaytyääyëpën winë.

Sofonías 2:8

Jëtu'un yë Wintsën të y'ënä'äny mëti'ipë maaytyääyëpën winë, mëti'ipë Tyios'ajtypyën yë Israel ja'ay: Tëës nmëtoy wi'ix yë Moab ja'ayëty nyëxi'ik tyukxi'iktën ets wi'ix yë Amón ja'ayëty ëxëëkjaty kyajpxtën. Yë'ëjëty tëëjës yë nnaax nkajpn t'ojtë tya'axtë ets të tpëjkëtë nyaax kyam. Ëjts jëtu'unës yam n'ëna'any ets njuukyajtënës ntukajpxpejtyp ko yë Moab ja'ayëty jëtu'un jyata'antë tä yë Sodomë kajpnën ets Amón ja'ayëty tä yë Gomorra kajpnën; äpny nëjkx jam yoontä'äky ets kaanjoty y'awinpitëty, ni pën jam kyatsëënëty, tukwa'ats nëjkx y'awinpity. Yë nnaax nkajpnës yë'ë nëjkx myä'tsta'ajëtë ets jatëkok tpaatëty yë nyaax kyajpn.

Mateo 26:55

Näy jää ja Jesús ja mayjyä'äy tyajtëëy: ¿Tii ko xynyimintës mëët yë tëypyujxn ets kepy, ijxtëm jeexyë ëjts nmä'tspëtyën? Jëpom jëpomës ijty nyaj'ijxpëky jap tsajptëkoty ets ka'apës jää të xymyatstë.

Mateo 27:38

Ojts näjyëtu'un mäjtsk ja mä'tspë kyëruutspätë mëët yë Jesús, tu'uk a'oytsyow ets tu'uk anajnytsyow.

Mateo 7:2

Jä'ä ko yë Dios näjyëtu'un yë mpoky mtukwinmëtowa'anëtë tä ja mmëku'uk ënety ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.