Jeremias 48:14 - Biblia Dc en Mixe de Quetzaltepec

¹⁴ Këtiipë y'ëna'antëty yë Moab ja'ayëty: Ëëtsëty jotmëk, tsip'ixy, ka'apës nyajmëta'aktë yë nmëtsiptëjk.

Biblia Mixe de Quetzaltepec

¹⁴ Këtiipë y'ëna'antëty yë Moab ja'ayëty: Ëëtsëty jotmëk, tsip'ixy, ka'apës nyajmëta'aktë yë nmëtsiptëjk.

Jeremias 48:14 ပူးပေါင်းရင်းမြစ်များ

Salmos 11:1

Ëjts jamës n'ixta'ay yë kuwa'anën ma Wintsënën. Oyës pën xyjya'ënëëmë: Kä'äk, nëjkx jam kopkëjxm tä joonën.

Salmos 33:16

Nitu'uk yë yajkutujkpë kyatso'okëty oy jënu'un ja tsyiptuunpëtëjk jyanimayëty, ets oy jënu'un yë ja'ay jyotmëkëty ka'ap myëta'akëty mëët yë myëk'ajtën;

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Isaías 10:13

Yë Asiria yajkutujkpë jëtu'un të y'ënä'äny: Ëjts nimëjaawës winë të npaaty; mëët koos nwijyëty yajxonës winë të ntuknipëjktaakë. Tëës nyajtëkatsy ja tsëpa'an ets tëëjës mëj këjää wit meeny npaaty, ets koos njotmëkëty, wa'atsës të nmëmëtakta'ay ja yajkutujkpëtëjk.

Isaías 10:16

Paaty ja Wintsën mëti'ipë maaytyääyëpën winë, yajmëjaawkukëxëjäämpy ja ja'ay mëti'ipë mëk näjya'awëyëpën, yë'ë yajminäämpy mëk jëënpa'am ets toopyëm ja jyot nyini'kx tjawëtëty.

Isaías 16:6

Wa'ats yajnijawë wi'ix yë Moab jyä'äy'ätyën, mëj këjää të nyäyajnaxyën amëj akëjxm të jyä'äy'äty, je'eyë të tyäty myëtyä'äky, nitii oy të tkatuny.

Jeremias 49:16

Tëë mnätyukwin'ëënyë ko mnämyëjjaw të mnäjyääntyjyawëty, je'eyë ijty m'ëtsë'ëk m'ajawë. Tyam jam muum mtsëënë tsaa yuukjoty tsaakäätsjoty. Jam muum m'ity tunkëjxm kopkëjxm. Oy jënu'un m'ijtakn mtsënaaytyakn këjxm xynyipëjktaakëty jëtu'un tä witsn pyä'än muum t'oytyunyën këjxm ma ka'ap npatmëtyën, nëjkxëp jam nyajjënäky. Ëjts Wintsën, ëjts ënaanp.

Jeremias 8:8

¿Wi'ix mijts m'ëna'ana'antë ko m'ijxpëkyjyä'äy'atë ets ko mmëët'ajtëp ja Wintsën ja y'ënä'ämën tyiyajtën? Tëës yë jääpyëtëjk tyajma'ta'atë ja n'ënä'ämënës ntëyajtënës.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Ezequiel 30:6

Jëtu'un yë Wintsën y'ënä'äny: Mëti'ipë pyutëjkëtëpën yë Egiptë kajpn, tsipjotm nëjkx y'o'kta'atë, tsyo'onta'akëty jam ma Migdol kajpnën ets jampaat ma Asuán kajpnën. Ja myëj'ajt kyëjxm'ajtën ja Egiptë o'ktëy nëjkx jyäty. Ëjts Wintsën ëjts ënaanp.

Sofonías 2:10

Jëtu'un nëjkx ja Moab kajpn ets Amón kajpn tkëpätë ko ënety je'eyë ja nnaax nkajpnës të tnëxi'ik të tukxi'iktë, mëët ko ënety mëj jaanty të nyäyajnaxëtë, ko ëxaty të tuntë ja naax kajpn mëti'ipë Dios jyä'ä'ajtypyën mëti'ipë maaytyääyëpën winë.