Jeremias 46:6 - Biblia Dc en Mixe de Quetzaltepec

⁶ Ka'ap tjëkyepy kyä'äktëty mëti'ipë pe'tymyëtyën, ja'ay mëti'ipë jotmëkëtyën ka'ap tjëkyepy maa nyëjkxtëty. Jam anëkëjxmtsow ma Éufrates mëjnëëjën, jam të y'anäpëtë ets të kyëtawtë.

Biblia Mixe de Quetzaltepec

⁶ Ka'ap tjëkyepy kyä'äktëty mëti'ipë pe'tymyëtyën, ja'ay mëti'ipë jotmëkëtyën ka'ap tjëkyepy maa nyëjkxtëty. Jam anëkëjxmtsow ma Éufrates mëjnëëjën, jam të y'anäpëtë ets të kyëtawtë.

Jeremias 46:6 ပူးပေါင်းရင်းမြစ်များ

2 Reyes 23:29

Jää jëmëjt ma ënety yë'ë jyaak tunyën, jää ojts nyipëtë'ëkyë yë yajkutujkpë japë y'ëne'emyën Egiptë; jä'ä xyëëwajtyp Necao ets jam myiiny Éufrates ma tputëkëja'anyën ja Asiria yajkutujkpë. E ja Josías ojts tnitsoony ja myëtsip ets tjëjpkuwa'akëja'any; ko ja Necao y'ijxpatë jam Meguido, ënätyë tyimnäyaj'o'kë.

2 Reyes 24:7

Ja yajkutujkpë mëti'ipë jap tuunpën Egiptë ka'ap ojts maa y'ëknëjkxnë, jä'ä ko ja yajkutujkpë mëti'ipë jam ënä'ämpën Babilonyë tëë ënety ja naax kajpn tniwaanta'ay mëti'ipë të tnitsiptunyën; jampaat ënety të tjä'äpëky ma ja wokën mëti'ipë Egiptë ja'ay jyä'ä'ajtëpën ets tyimja'ty ja ma ja mëjnëëjën mëti'ipë yajtijpën Éufrates.

Salmos 27:2

Yë ëxëëkja'aytyëjkëty mëti'ipës xymyëtsip'ajtëpën, tëë tjakäjpxy'atë koos xyaj'ooka'antë, je'eyëp ko kë'ëm y'anäpëtë ets ëxëëk nyäyaja'tëtë.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Isaías 8:15

May nëjkx jam kyunäpëtë ets y'ooktëty, may nëjkx jam wyë'ëmtë ets ka'ap nijawëtëty tii tyuunta'aktëpën.

Jeremias 1:14

Ënet ja Wintsën xy'ënëmaayës: Jamtsow anëkëjxmtsow myina'any ja ëyo'on jotmay mëti'ipë pyaatan y'ixantëpën nitëkokyë ja'ayëty mëti'ipë tsënaaytyëpën ma ja kajpnën.

Jeremias 20:11

E mijts Wintsën, mijts myajpatp mëët ëjts, mtsip'ixy mijts ets ni pën mkamayë; mëti'ipës xyjya'ixjëtijt xyjyapajëtijtpën ka'ap myëta'aka'any ets ka'apës xymyäyëty; ka'ap wyimpëtsëma'any oy mëti'ipë jyamaay jyatajtëpën, tsëtyu'unmëët wyë'ëma'antë, o'ktëy jyata'antë ets ka'ap nëjkx yajja'atyëkoy ko ënety o'ktëy jyatë kyëpätë.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 4:6

Yujktëytyë yë mwit wintëyëty ets jam ma Sión kajpn xyajnajts'ixëtëty; ixta'atë maa mkäktso'oktëtyën, këtii mpo'kxtë. Jä'ä ko nyajminäämpyës jam anëkëjxmtsow yë ëyo'on jotmay etsës winë nyajkutëkooytya'aja'any.

Jeremias 46:10

Ya'atë xëëw jëtu'un xyëëwajtyp, Wintsën mëti'ipë maaytyääyëpën winë, ya'atë xëëw tuunwinpita'any ijxtëm yë myëtsip të tyunyën. May yë ja'ay kupuxy y'ooka'any koonëm kyu'uxëtëty, koonëm myu'ukëtëty. Yë Wintsën mëti'ipë maaytyääyëpën winë, yaj'ookäämpy yë ja'ay.

Jeremias 46:12

Yë naax kajpn tëë tnijawëtë ko mijts o'ktëy të mjaty të mkëpety, naaxwiinyëtë apëtsëmy të yajmëtoy ko të xymyëyä'äxy ja ëyo'on jotmay.

Jeremias 46:16

Yë mtsiptuunpëtëjk je'eyë y'anäpëtë ets kyëtawtë, nixim niyam nyäy'ëna'anëtë: Tsojk nkäkëmë, nikë tim ja'amënë ma nkajpn'ajtëmën, tsojk tsip ntimkyukäkëmë.

Jeremias 50:32

Naax kajpn mëti'ipë kujuunën, je'eyë mkunäpëja'any tääts mkëtawa'any, ni pën mkayajpëtë'ëka'anyë. No'kta'ajäämpyës yë mkajpn, tääpë jëën yë'ë yajkutëkooyäämpy tëkokyë mëti'ipë yajpatpën na'ëwtity ma mijtsën.

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Daniel 11:19

Nëjkxëp ja yajkutujkpë anëkëjxytsyowpë jam tsyo'onë ets niwinpitëty ma ënety të tsyoonyën; je'eyëp ko ëyo'onjoty nëjkx kyuye'eyë ets ja jyuukyajtën yajpëkëty, ka'ap nëjkx nijëna'a y'ëkyaja'amyäjtsnë.

Daniel 11:22

Yajkutëkooytya'ajäämpy ja kuttujkën mëti'ipë ënety ëwa'ktujkëpën ets yaj'ookäämpy ja mëti'ipë ja käjpxytyu'unën nyikopk'ajtypyën.