Jeremias 46:5 - Biblia Dc en Mixe de Quetzaltepec

⁵ E ¿tiijës n'ijxyp? Tsë'ëkë tsë'ëkë jyaak winpitë. Jëtu'unyë kyääkwa'kxta'atë mëti'ipë tsip'ixyëtyën ko ka'ap y'ëkmëtaknëtë; pëyi'ikyë jyänty kyä'äktë, ni pën kyanäjyë'ixyë. Aak kutsë'ëkë oy myaa'ajnë. Ëjts Wintsën, ëjts ënaanp.

Biblia Mixe de Quetzaltepec

⁵ E ¿tiijës n'ijxyp? Tsë'ëkë tsë'ëkë jyaak winpitë. Jëtu'unyë kyääkwa'kxta'atë mëti'ipë tsip'ixyëtyën ko ka'ap y'ëkmëtaknëtë; pëyi'ikyë jyänty kyä'äktë, ni pën kyanäjyë'ixyë. Aak kutsë'ëkë oy myaa'ajnë. Ëjts Wintsën, ëjts ënaanp.

Jeremias 46:5 ပူးပေါင်းရင်းမြစ်များ

Génesis 19:17

Ko ënety tëë yë kajpn tukpëtsëëmtaaynyëtë, ënät ojts yë tsajpjotmëtë kukäjpxy y'ëna'antë: Pe'tym pëyë'ëktë ets näyyajtso'okëtë, këtii mnäjyë'ixëtëty ets këtii mwa'ak'awëtëty. Nëjkx kopkkëjxm, pën myajtso'okäämpy yë mjuukyajtën.

Isaías 13:8

Mëët ja mëktsë'ëkë wyë'ëma'antë. Mon tuk yajpaata'antë mëët ja pëjkën ijxën mëjwiin këjää jëtu'un nyäwyiita'an nyäxyaatsa'anëtë tä tu'uk yë to'oxytyëjkën mëti'ipë ja pëjkën ijxën myëët'ajtypyën ko u'unk maay tyajja'ty naaxwiiny. Nitu'ukjaty je'eyë nëjkx nyäwyintë'kxëtë wintsëtyu'un jëjptsëtyu'un.

Isaías 19:16

Ja Egiptë ja'ayëty wintse'kny nëjkx y'awinpitë, tsyë'kënëtëp oytyiijëty ets tsyë'ëkëjantëp ko ja Wintsën ënety ja kyë'ë t'akojxmuky.

Isaías 42:17

Mëti'ipë ja'ay awinax tyuk'ijxpäjtëpën ets mëti'ipë myëkajpxtëpën yë tsaatsetsy, kepy tsyetsy ets t'ënëëmëtë: Miits myaj'ëwtajtp, nitsëtyu'un kutsëtyu'un nëjkx kyäkta'atë.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 46:15

¿Wi'ix ko të kye'eky yë mtsajpkaa mëti'ipë m'ëwtajtypyën? ¿Tii ko ka'ap twintänë ëyo'on jotmay? Jä'ä ko ka'ap të nyajmëtä'äkyës; jëtu'unës të ntuny tä ja'ay potsy tjijtë'ëkyën.

Jeremias 46:21

Ja tsyiptuunpëtëjkëty mëti'ipë mëjuy tuuntëpën, ni'kxëty ets mëjjëty jyayaj'ixtë, yë'ëjëty je'eyë kyä'äka'antë ets ka'ap tmëmëta'aka'antë ja ëyo'on jotmay, jä'ä ko yë'ë miimp wiinkoonp ja ëyo'on ma ëxëëk jyata'antën ets yajtëytyuna'antë.

Jeremias 49:29

Mijts jä'ä'ajta'atë ja wyit tyujkxyëty ets ja tsyajppaxëty, kyupixynyëty, ja wit mëti'ipë tyëjk tyuknikojtëpën ets ja y'apëjk y'atu'unënëty. Pëjkëtë ja jyëyujk jëku'uxëty ets xy'ënëëmëtëty ets wiinkuyaaxëtë. Kutsë'ëkë yajpaaty oymyaajëty.

Jeremias 49:5

E oy ko jyëtu'unëty, ëjts xii yaajës nkäxa'any mëtsip mëti'ipë m'atsë'ëk m'ajawëtëpën. Ëjts Wintsën mëti'ipë maaytyääyëpën winë, ëjts ënaanp. Nitu'ukjaty nëkooyë nëjkx muum mjaaknajtskääkëtë, ka'ap pën jatëkok mwoowmuka'anëtë.

Jeremias 6:25

Këtii mnëjkxtëty kamjotm, këtii myajpaatëty tu'ujoty. Yë mëtsip jëjp'ijxp jam muum tyim'ity; kutsë'ëkë yajpaaty oymyaajëty.

Ezequiel 32:10

Mëët mijtskyëjxm may nëjkx yë naax kajpn n'ëtsë'ëk n'ajawës; yë kyutujkpëtëjkëty nëjkxëp tsyë'ëkëtë ko ënety yë ntëypyujxnës n'ajëpipyës. Ko kyëtawtëty mëk nëjkx tsyë'ëkëtë jä'ä ko jä'ä ja jyuukyajtën pya'ëyowantëp.

Ezequiel 39:18

nëjkxëp tsu'utstë ja tsiptuunpëtëjkëty ja xyixyëty ets nëjkxëp t'uuktë ja yajkutujkpëtëjk ja nye'pny, jëtu'un tä yajtsu'utyën yë kupixyny, yë tsajppax ëkë tä tsajpkaajën ni'kxëtypë mëti'ipë yajpatëpën jam Basán.

Nahúm 2:8

Yë Nínive kajpn jëtu'un tä tu'uk yë potsyën jutpë ma nëë y'apojtsë'ëkyëtyën ets nëë jap nyäxy. Jëtu'un yë Nínive ja'ay kyäkta'aja'antë. Owxitë. Wimpitë jëtu'un jyayaj'ënëëmëtë ets ni pën kyawinpity.

Nahúm 2:9

Mä'tsta'atë yë poop pujxn. Mä'tsta'atë yë pu'ts pujxn. Nëkooyë myäy'ajnë ja wit meeny jam Nínive.

Sofonías 1:14

Tëë tyimwiinkony yë Wintsën yë xyëëw. Tim winkon, pe'tym wyinkony. Ta'amëm nëjkx yë ja'ay tjawëtë ko ënety ja Wintsën ja ëyo'on tyaj'ity: Yë'ëpaat yë ja'ayëty mëti'ipë jotmëkëtyën nëjkxëp y'ayaxtu'utë.