Jeremias 46:4 - Biblia Dc en Mixe de Quetzaltepec

⁴ Niwëëntë ja mkuwaayëty kwaay ënyääpyë. Tukwä'tspätë ja mkuwaayëty. Pëjkta'aktë yë mpujxnkujupëty ets näwyaatswitsëtë. Jëjp mä'ätë mku'umënëty. Nätyukxoxëtë ja mpujxn nijänëty.

Biblia Mixe de Quetzaltepec

⁴ Niwëëntë ja mkuwaayëty kwaay ënyääpyë. Tukwä'tspätë ja mkuwaayëty. Pëjkta'aktë yë mpujxnkujupëty ets näwyaatswitsëtë. Jëjp mä'ätë mku'umënëty. Nätyukxoxëtë ja mpujxn nijänëty.

Jeremias 46:4 ပူးပေါင်းရင်းမြစ်များ

2 Crónicas 26:14

Uzías ojts may tyajkojy ja pujxn mëti'ipë yajtuuntëpën ja tsiptuunpëtëjkëty ko muum nyëjkxtë tsiptuunpë, ojts tyajkojy pujxn nijän, ti'pxn, ku'umën ets tsaawëtu'un.

Nehemías 4:16

Jä'ä xëëw nikujkwä'kxy ja ja'ay ënety tyuntë ets nikujkwä'kxy këwent'atë mëët ja kyu'umënëty, tyi'pxnëty ets pyujxnëty. Ja kopktëjkëty ni'ikyë ijty tjanty jyotmëkmo'otë ja Judá ja'ayëty ets y'itëty amëk jotmëk ets akujk jotkujk,

Isaías 8:9

Nämyukëtë naax kajpnëty, këtii yë'ë xytyukjotkujk'atëty jëën tsip, tsë'ëkëtë jawëtë; ja'akyukëtë ya'atë aaw ayuk miitsëty naax kajpnëty jëkämpë yajpaatën. Oy jënu'un mjatsiptuntëty ets mjamëta'aktëty, je'eyëm nëjkx mtsë'ëkëtë mjawëtë.

Jeremias 46:14

Tuk'ëwaanëtë yë Egiptë ja'ayëty, Migdol ja'ayëty, Menfis ja'ayëty ets Tafnes ja'ayëty: Jëjp'ixy myajpaatëty, a'ijxp jëjp'ijxp m'itëty. Jä'ä ko ëyo'on jotmay mtukminëtëty, jëtu'un myiny tä tu'uk ja'ay tmëminyën yë tyiypyujxn ets tkupuxa'any ja'ay mwintuuy mpë'aay.

Jeremias 51:11

Yë Wintsën yajkutëkoyäämpy yë Babilonyë kajpn, tëë yë Media yajkutujkpë tukmëtoy ya'atë ëyo'on jotmay. Jëtu'un ja Wintsën tukumëtowa'any ja naax kajpn ja nyëë pyoky, mëët ko ëxëëk të y'ëtë'ëtstë ma tsyajptëjkën. Nipëjktaakëtë ja ti'pxn. Mëk majts'itë yë m'akëëytyuk.

Jeremias 51:3

Wä'än yë ti'pxpë tnipëjktaakëtë tyi'pxnëty. Wä'än tpëjkta'aktë yë kyujänëty. Këtii tpa'ëyowtëty yë Babilonyë yujkyeeky ëna'këty; yajkutëkoytyë yë tsyiptuunpëtëjk.

Ezequiel 21:28

Jëtu'un yë Dios y'ënä'äny: Mijts ye'etyëjk, nikajpx nimëtya'ak yë n'aaw n'ayukës ets xy'ënëëmëty yë Amón ja'ayëty mëti'ipë nyëxik tyukxiktëpën yë Israel kajpn, ko ja tëypyujxn jëjp'ixy yajpatnë ma yë'ëjëtyën: tëë yajxon yajme'ey, atë'kxp awëtsujkp yaj'ijxnë, je'eyë yaja'ay ookanë.

Joel 3:9

Nikajpx nimëtya'aktë ya'atë aaw ayuk ma naax kajpnën: Nikajpxtë ko jyää'ata'any ja tsip mëti'ipë Dios tyunäämpyën. Mëkajpxmujkta'atë yë jotmëkja'aytyëjk. Wä'än yë tsiptuunpëtëjk tmiinta'atë.

1 Samuel 17:38

Ënet ja Saúl ojts tni'ënä'ämë ets ja David tuknijäntëty ja wit nän jëtu'unpë tä ja Saúl ja jyä'äjën ets tu'uk ja pujxn kujup tukujuptëty ets tuk'ëtuktëty ja nyini'kx mëët tu'uk ja pujxn nijän.

1 Samuel 17:5

Yë kyujup'ajtyp yë pujxn mëti'ipë yajtijpën tsuxkpujxn ets nän yë'ë nyijän'ajtyp, jä'ä niwinë jye'emtyëty wëxtyikxy majk mokx kilë.