Jeremias 46:28 - Biblia Dc en Mixe de Quetzaltepec

²⁸ Ëjts Wintsën, jëtu'unës n'ëna'any: Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, jä'ä ko ëjts yajpatpës mëët miitsëty. Nyajkutëkoyäämpyës ja naax kajpn maajaty ënety të nwojpwa'kxtën. E miitsëty ka'ap nëjkx nyajkutëkoytyë; yi'iyë nëjkx ntukumëtowtë yë mtuuntëko'oy mkajpxtëko'oyënëty tä ënety mpaatëtën. Ka'ap jëtu'unyë nyaninaxa'any ja mtuuntëko'oyënëty.

Biblia Mixe de Quetzaltepec

²⁸ Ëjts Wintsën, jëtu'unës n'ëna'any: Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, jä'ä ko ëjts yajpatpës mëët miitsëty. Nyajkutëkoyäämpyës ja naax kajpn maajaty ënäty të nwojpwa'kxtën. E miitsëty ka'ap nëjkx nyajkutëkoytyë; yi'iyë nëjkx ntukumëtowtë yë mtuuntëko'oy mkajpxtëko'oyënëty tä ënäty mpaatëtën. Ka'ap jëtu'unyë nyaninaxa'any ja mtuuntëko'oyënëty.

Jeremias 46:28 ပူးပေါင်းရင်းမြစ်များ

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.

1 Corintios 11:32

Ko ja Dios xytyiytyu'unëmë, oy yë'ë, ets nja'akyujkëmëty këtiipë npatmëty ja tëytyu'unën mëët ja ja'ayëty mëti'ipë yajtuuntëpën ja naaxwiinyëtë winma'any.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

Jeremias 10:24

Oy ëëts xytyiytyuntëty ijxtëm pyaat'atyën, je'eyëp ko ka'ap y'atsip y'a'akëty, jä'ä ko tsojkës xyaj'ook xyajtëkoytyëty.

Jeremias 4:27

Jëtu'un ja Wintsën y'ënä'äny: Ëxëëk ja naaxwiinyëtë jyata'any, je'eyëp ko ka'apës ntimyajkutëkooytya'aja'any.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Habacuc 3:2

Tëkokyë yë m'aaw m'ayuk mëti'ipës të nmëtoyën, Wintsën ets mëti'ipë të xytyunyën, nmëjja'ap nkënu'kxyjya'apës mëjwiin këjää. Näyjyëtu'un ënät tyam winë tun maas yë njuukyajtënëtyën, jëtu'un tä tëëyëp winë xytyuunyën ets nijawëtëtyës. Tuk'ijxtëk ëëtsëty ko mijts mëët'ajtyp yë pa'ëyo'owën najts'ëyo'owën oy jënu'un mjajoot'anpëky.

Daniel 2:35

E ja pujxn ets ja juunpujxn ets ja tsuxkpujxn ets ja poop pujxn ets ja pu'ts pujxn naaxwayën të jyajta'ay, jëtu'un tä yaj'ixyën yë naaxway ko xyëkopk'aty ko yë tsajpmok pyajk'aty ets të wyimpapojta'ay, ka'ap të wyi'imy nitu'uk nu'unën. E ja tsaa mëti'ipë të yajma'ta'ayën jëtu'un të y'awinpity tä tu'uk mëj kopkën ets tëë tyajwintujkta'ay yë naaxwiinyëtë.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 1:19

Yë'ëjëty, nëjkxëp mjanipëtë'ëkëtë. Mijts ka'ap nëjkx myajmay, jä'ä ko ëjts mëët mijts nyajpaata'anyës ets nkuwa'anäämpy. Ëjts mëti'ipë Wintsën'ajtpën, ëjts ënaanp.

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

Jeremias 15:20

Ëjts, jëtu'un mijts nyajnaxa'any ma ya'atë naax kajpnën tä tu'uk yë mëjpotsyën mëti'ipë oytyunyën mëët yë tsuxkpujxn ka'apë yajmayën. Oy jënu'un mmëtsip mjanipëtë'ëkëtëty, mijts ni pën mkamayä'änyë, jä'ä koos mijts nyajtso'okäämpy ets nyaj'ëwaatsëpëtsëma'any. Ëjts, mëti'ipë Wintsën'ajtpën, ëjts ënaanp.

Jeremias 5:18

Jëtu'un yë Wintsën y'ënä'äny: Jä'ä xëëw jä'ä jëmëjt ka'ap nyajkutëkooytya'aja'anyës.

Jeremias 5:10

Wä'än yë myëtsip tëkëtë ets wä'än naxmëtäänëtë yë tsatymyon oy tkatimyajkutëkoytyëty. Wä'än tnëtëjta'atë yë xye'enty, jä'ä ko ka'ap y'ëjtsëty n'ëkjä'ä'ajnë.

Isaías 45:23

Ëjts ojts kë'ëm nyänyikäjpxyë, tëëjës nikäjpxy koos nmëta'aka'any, ets jëtu'un jyänty tyuna'any jyänty jyata'anyë: nëjkxëp ni'ëmukë ja'ay xywyinkoxtänëtës ets nikajpxtë yë nxëëwës,

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Isaías 27:7

Yë Wintsën ka'ap jëtu'un të tëytyuny yë Israel ja'ay tä yë myëtsip të tëytyunyën, ka'ap jëtu'un të tyaj'ooky ijxtëm yë myëtsip të tyaj'ookyën.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

2 Timoteo 4:17

E Ojtsës ja Wintsën Jesús xypyutëkë ets xymyooyës ja mëjaaw ets ja oy'aaw oy ayuk nkajpxwa'kxëtyës ets tmëtowtëty ja ja'ay mëti'ipë ka'ap jyutiis'atën. Jëtu'unës ja Dios xyaj'ëwa'atspëtseemy jam tsimptum o'këntum,

Hechos 18:10

Tyaajës nyajpaaty mëët mijts, ka'ap pën wi'ix mtunëtëty. Mëj ja nkajpnës jää yaa yajpaaty ma ya'atë kajpnën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Isaías 44:1

Mëtoow'ijtkës miitsëty Israel ja'ayëty, Jacob yë kyajpn, mëti'ipës ntuunpë'ajtypyën, mëti'ipës të nwin'ixyën.

Jeremias 23:4

Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Jeremias 51:46

Këtii mtsë'ëkëtë, këtii xymyëmay xymyëtajtë ja aaw ayuk mëti'ipë ja'ay nyimëtyaktëpën naaxjoty kajpnjoty. Winjëmëjt wiinkjatyëty yë ayuk jyëtita'any, yi'iyë tsip käjpxy ja'ay nyimëtya'akäämpy naaxjoty kajpnjoty ets wi'ix yë kutujkëntëjk tsyiptuntën.