Jeremias 46:22 - Biblia Dc en Mixe de Quetzaltepec

²² Jëtu'un nëjkx yë Egiptë ja'ayëty kyä'äktë tä tsa'any y'amu'uyën ko kye'eky ko ënety ja myëtsip tyukja'tyë, jëtu'un yë myëtsip pyuxa'any kya'atsa'anyë tä ja'ay aay kepy tpuxy tka'atsyën,

Biblia Mixe de Quetzaltepec

²² Jëtu'un nëjkx yë Egiptë ja'ayëty kyä'äktë tä tsa'any y'amu'uyën ko kye'eky ko ënäty ja myëtsip tyukja'tyë, jëtu'un yë myëtsip pyuxa'any kya'atsa'anyë tä ja'ay aay kepy tpuxy tka'atsyën,

Jeremias 46:22 ပူးပေါင်းရင်းမြစ်များ

Salmos 74:5

ma ja nyi'akajën ja tëjkëtyakn. Jëtu'un yaj'ijxnëtë tä yë ja'ayëtyën mëti'ipë ja'axytyo'ktëpën, mëti'ipë yuukjoty ja'axy ixtaaytyëpën.

Isaías 10:15

¿E yaats ënät nnäyajtë'ëwëmëty: Wä'än jëtää kë'ëm yë jatyë kyepypyuxëtyë ets ka'ap tyajmëyatëty mëti'ipë yajyu'kxëtëpën, ëkë ja jë'tn mëj'äämpy nyäyajnaxëtëty oy kyajam'atëty ja mëti'ipë yajtuunëpën? Ijxtëm tu'uk yë tajkën, kepy yë je'eyë, pën ka'ap pën yajtunyë wi'ixën txëëwatëty tajk.

Isaías 14:8

Yë'ëpaat ja aay kepy, aay ujts jampë yajpaatën Líbano tukxoonta'aktë ko o'ktëy mjajnë mkëpäjnë, ets y'ëna'antë: Maju'unëm mijts mkuka'anaxyën, ni pën ëëts xykyanimintë ets të xypyux të xykya'atstës.

Isaías 29:4

O'ktëy mjata'any mkëpäta'any, jëtu'un nëjkx mnaaxkukëtawë, ko mjaya'ax mjajokëty jëtu'un je'eyë yajmëtowa'any tä tii tyukwanën, jëtu'un tä jeexyë mëkxejyën.

Isaías 37:24

Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Jeremias 46:21

Ja tsyiptuunpëtëjkëty mëti'ipë mëjuy tuuntëpën, ni'kxëty ets mëjjëty jyayaj'ixtë, yë'ëjëty je'eyë kyä'äka'antë ets ka'ap tmëmëta'aka'antë ja ëyo'on jotmay, jä'ä ko yë'ë miimp wiinkoonp ja ëyo'on ma ëxëëk jyata'antën ets yajtëytyuna'antë.

Jeremias 46:23

Pyujxë'kta'ajantëp yë aay kepy yuukjotypë. Ëjts Wintsën, ëjts ënaanp. Ja mëtsip jëtu'un nyimay'ata'antë tä maymyu'ujën, ni pën nëjkx kyamayë tmëtsyowëty.

Miqueas 1:8

Paatyës nya'axa'any mon tuk; tekywya'atsës njëtita'any, koos nya'axëty jëtu'un yajmëtowa'any wax yowë yaxp ëkë jëtu'un tä yë pakëtsey yä'äxyën.

Miqueas 7:16

Wä'än wiinkëtypë naax kajpn t'ixtë ets tsëtyu'unmëët wyë'ëmtëty ko ënety tnijawëtë ja mmëkajtën. Wä'än uum ets nat twë'ëmtë.

Zacarías 11:2

Mijts tsiin kepy, jë'ë ya'ax, jä'ä ko tëë kyutëkooytyä'äy ja oyëtypë ja aay kepy. Ëjtë miitsëty xoj kepyëty, mëti'ipë jam Basán yajpatëpën, jä'ä ko ja yukjot tëë mya'ta'ay.

Josue 9:21

Paatykyëjxm ja mëjja'aytyëjkëty ojts t'ënëëmëtë ja Israel ja'ayëty ets këtii ni pën tyaj'ooktëty, je'eyë tëy tyajtuntëty, tyajja'axypyuxtëty ets tyajnëëniwitstëty, tmëtuntëty ja naax kajpn. Jëtu'un'äämpy ja mëjja'aytyëjkëty tpatuuntë ja y'aaw y'ayukëty mëti'ipë ënety të twinwanëtën.