Jeremias 46:19 - Biblia Dc en Mixe de Quetzaltepec

¹⁹ Jam mnäjyëjp'ixëtëty ko ënety mkajpnjoty myajmëtso'onëtë, miitsëty Egiptë ja'ayëty, jä'äxë ko yë Menfis kajpn aanë'ëk tëëtsë'ëk nëjkx wyinkëtä'äky, xit ko'ow wyë'ëma'any ets ni pën jam kyatsëënëja'any.

Biblia Mixe de Quetzaltepec

¹⁹ Jam mnäjyëjp'ixëtëty ko ënäty mkajpnjoty myajmëtso'onëtë, miitsëty Egiptë ja'ayëty, jä'äxë ko yë Menfis kajpn aanë'ëk tëëtsë'ëk nëjkx wyinkëtä'äky, xit ko'ow wyë'ëma'any ets ni pën jam kyatsëënëja'any.

Jeremias 46:19 ပူးပေါင်းရင်းမြစ်များ

Isaías 20:4

Näyjyëtu'un yë yajkutujkpë mëti'ipë Asiria ja'ayën myënëjkxäämpy tsumy matsy ja ëna'ktëjk Egiptë ja'ayëty ets Etiope ja'ayëty, wä'än tmëjëty tmutskëty niwa'ats tekywya'ats.

Jeremias 48:18

Mijts Dibón kajpn, jënak ma myajkutukyën ets mnaaxwäätsëty naaxkëjxy, jä'ä ko mëti'ipë Moab kajpn yajkutëkoyanëpën tää mmëwinkonyë, tëë tyajkutëkooytyä'äy ja mnaax mkajpn mëti'ipë ënety ta'tspëky yajpatëpën.

Ezequiel 30:13

Ëjts Wintsën, jëtu'unës n'ëna'any: Nyajkutëkoyäämpyës yë awinax ets nyajkëxäämpyës ka'apë tiosëty jampë Menfis yajpaatën. Ka'ap nëjkx yë Egiptë t'ëkmëët'ajnë pën ënä'ämëtëpën ets tsë'ëkë mëët nëjkx xëmë yajpaaty ja naax kajpn.

Jeremias 44:1

Ja aaw ayuk mëti'ipë Jeremías y'ëxajëyën ets yajtuknikäjxtë yë jutiiyë ja'ayëty mëti'ipë ënety jap tsënaaytyëpën Egiptë ma ja kajpn txëëwatyën Migdol, Tafnes, Menfis ets jamtsow a'oytsyow:

Sofonías 2:5

Mon tuk miitsëty myajpaatë, Creta ja'ayëty, mejypyë'aaypyë tsyëënëtën. Tëë yë Dios myajnitukëtë: Mijts Canaán kajpn, ma filistejë ja'ay tsyëënëtën, nyajkutëkoyäämpy yam ets ni tu'ukës ja'ay nkayajwë'ëma'any ma mnaax mkajpnën.

Jeremias 34:22

Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Jeremias 26:9

¿Ma jëtu'unpë winma'any xypyiky ko m'ëna'any ko ya'atë tsajptëjk mëti'ipë Wintsën tyëjk'ajtypyën jëtu'un jyata'any tä jyäjtyën jam Siló ets ko m'ëna'any ko ya'atë naax kajpn kyutëkoyä'äny ets tukwa'ats wyë'ëma'any ets ko ka'ap yaa pën tsyëënëja'any? Tä ja mayjyä'äy myujkpejty ets ojts tyajnatuktë ja Jeremías.

Isaías 19:13

Yë kopktëjkëty mëti'ipë jam Soan yajpatëpën, winma'anytyuk yë'ëjëty, yë kopktëjkëty mëti'ipë jamëtyën Menfis tëë yajwin'ëëntë, yë kopktëjkëty mëti'ipë mutsk kajpntum tso'ontëpën, wiink në'ë wiink tu'u yë Egiptë kajpn të tukpanëjkxtë.

Jeremias 46:14

Tuk'ëwaanëtë yë Egiptë ja'ayëty, Migdol ja'ayëty, Menfis ja'ayëty ets Tafnes ja'ayëty: Jëjp'ixy myajpaatëty, a'ijxp jëjp'ijxp m'itëty. Jä'ä ko ëyo'on jotmay mtukminëtëty, jëtu'un myiny tä tu'uk ja'ay tmëminyën yë tyiypyujxn ets tkupuxa'any ja'ay mwintuuy mpë'aay.

Ezequiel 29:11

Ka'ap nëjkx jam nyaxtë ja'ay ets jëyujk. Wëxtyikxy jëmëjt jëtu'un y'itëty ni pën jam kyatsëënëty.

Ezequiel 29:12

Mijts Egiptë, wëxtyikxy jëmëjt nyaj'ita'any tukwa'ats ets axit ako'owë; o'ktëy ni'ik ntuna'any këtiinëm jyëtu'unëty ja wiinkëtypë ja naax kajpn mëti'ipë o'ktëy të jyatën, jëtu'unyës yë mja'ay nyaj'ayo'oyëtya'aja'any ma wiinkëtypë naax kajpnën.

Oseas 9:6

Yë'ëjëty tëë tkukakta'atë ja kutëko'oyën; Egiptë ja'ay nëjkx yajmukëtë ets nëjkx yajnaaxtëkëyëtë jam Menfis. Nëjkxëp yë pyoop pujxnmeeny nyi'ëëxyoonta'ay ets ma ënety jam yë myëtsip tna'ityën äpny nëjkx jam yoontäkta'ay.