Jeremias 46:14 - Biblia Dc en Mixe de Quetzaltepec

¹⁴ Tuk'ëwaanëtë yë Egiptë ja'ayëty, Migdol ja'ayëty, Menfis ja'ayëty ets Tafnes ja'ayëty: Jëjp'ixy myajpaatëty, a'ijxp jëjp'ijxp m'itëty. Jä'ä ko ëyo'on jotmay mtukminëtëty, jëtu'un myiny tä tu'uk ja'ay tmëminyën yë tyiypyujxn ets tkupuxa'any ja'ay mwintuuy mpë'aay.

Biblia Mixe de Quetzaltepec

¹⁴ Tuk'ëwaanëtë yë Egiptë ja'ayëty, Migdol ja'ayëty, Menfis ja'ayëty ets Tafnes ja'ayëty: Jëjp'ixy myajpaatëty, a'ijxp jëjp'ijxp m'itëty. Jä'ä ko ëyo'on jotmay mtukminëtëty, jëtu'un myiny tä tu'uk ja'ay tmëminyën yë tyiypyujxn ets tkupuxa'any ja'ay mwintuuy mpë'aay.

Jeremias 46:14 ပူးပေါင်းရင်းမြစ်များ

2 Samuel 2:26

Ënet ja Abner ojts tmëkäjpxy ja Joab: Joab ¿këtii jëtäätën ënät tyaapë tsip nyaxëtyë? ¿Ti këtiijëtën xytyim'ixy ninu'un ko tyaapë je'eyë ënety nëkoo tu'knax näyajmo'on näyajtujkëmëtyë? ¿Wi'ix ko xykya'ënëëmë yë mja'ay wä'än yë jyiiky myëku'uk t'ëxmatstë, këtii nëkoo t'ëkpapooy t'ëkpapujnëtë?

Éxodo 14:2

Ënëëmë yë Israel ja'ayëty wä'än twinpitë ma it naaxwiinyëtën mëti'ipë xyëëwajtypyën Pi-hahirot mëti'ipë itkujky wë'ëmpën ma txëëwatyën Migdol mëët yë mejy, wintuuytsyow ma txëëwatyën Baal-zefón. Jamts tkojtëty yë wyitëjkëty mëti'ipë tyuktsëënëtëpën, ma tääpë naaxën winkonpë ma mejyën.

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Isaías 19:13

Yë kopktëjkëty mëti'ipë jam Soan yajpatëpën, winma'anytyuk yë'ëjëty, yë kopktëjkëty mëti'ipë jamëtyën Menfis tëë yajwin'ëëntë, yë kopktëjkëty mëti'ipë mutsk kajpntum tso'ontëpën, wiink në'ë wiink tu'u yë Egiptë kajpn të tukpanëjkxtë.

Isaías 31:8

Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

Isaías 34:6

Nëjkxëp ja Wintsën ja tyiypyujxn nye'pynyëtyä'äy ets y'onku'tsta'ay jëtu'un ijxtëm ko ja'ay tyaj'ookyën yë kupixyny ayääkë ets tsajppax ayääkë ma y'o'ktaknën. Mëj këjää ja Wintsën ja o'kën tëko'oyën tyaj'ita'any jam Bosrá ets jam Edom.

Jeremias 12:12

Ma ja tun kopkën mëti'ipë yajpatëpën jam të'ëts'itjotmën tëë jam myintë ja ja'ayëty mëti'ipë ëxëëk të y'ëtë'ëtstë y'ëna'antën, jä'ä ko ëjts Wintsën, nmëëtës yë ntëypyujxn mëti'ipë yë naax kajpn yajkutëkoyäämpyën wä'än timmyaajëty ets ka'ap ja jotkujk'ajtën y'ita'any.

Jeremias 2:16

Yë Menfis ja'ayëty ets Tafnes ja'ayëty yë'ë mkëpajk të mtuknaaxtsë'kxëtë.

Jeremias 2:30

Nëkoopë ntëytyuuntës m'u'unk m'ëna'këty, ka'ap tja'akyujkëtyë mëti'ipës njatsojkën jeexyë tja'akyukëtën. Miitsëty kë'ëm, jëtu'un tä kaajën ojts xyaj'ooktë ja nkäjpxynyajxpës.

Jeremias 44:1

Ja aaw ayuk mëti'ipë Jeremías y'ëxajëyën ets yajtuknikäjxtë yë jutiiyë ja'ayëty mëti'ipë ënety jap tsënaaytyëpën Egiptë ma ja kajpn txëëwatyën Migdol, Tafnes, Menfis ets jamtsow a'oytsyow:

Jeremias 46:10

Ya'atë xëëw jëtu'un xyëëwajtyp, Wintsën mëti'ipë maaytyääyëpën winë, ya'atë xëëw tuunwinpita'any ijxtëm yë myëtsip të tyunyën. May yë ja'ay kupuxy y'ooka'any koonëm kyu'uxëtëty, koonëm myu'ukëtëty. Yë Wintsën mëti'ipë maaytyääyëpën winë, yaj'ookäämpy yë ja'ay.

Jeremias 46:19

Jam mnäjyëjp'ixëtëty ko ënety mkajpnjoty myajmëtso'onëtë, miitsëty Egiptë ja'ayëty, jä'äxë ko yë Menfis kajpn aanë'ëk tëëtsë'ëk nëjkx wyinkëtä'äky, xit ko'ow wyë'ëma'any ets ni pën jam kyatsëënëja'any.

Jeremias 46:2

Jëtu'un ojts yë Egiptë kajpn yajnikäjpxy ets yajkutujkpë Necao mëët yë tsyiptuunpëtëjk, ma ënety mëmajktaxk jëmëjt ëka'any yajkutukyën yë Joaquim, yë Josías yë myaank mëti'ipë jam Judá ënä'ämpën; ojts tsyiptuny jam Carquemis mëët yë Nabucodonosor, yë Babilonyë yajkutujkpë, jam winkon ma ja Éufrates mëjnëëjën. Yë Carquemis ka'ap ojts myëtä'äky.

Ezequiel 21:28

Jëtu'un yë Dios y'ënä'äny: Mijts ye'etyëjk, nikajpx nimëtya'ak yë n'aaw n'ayukës ets xy'ënëëmëty yë Amón ja'ayëty mëti'ipë nyëxik tyukxiktëpën yë Israel kajpn, ko ja tëypyujxn jëjp'ixy yajpatnë ma yë'ëjëtyën: tëë yajxon yajme'ey, atë'kxp awëtsujkp yaj'ijxnë, je'eyë yaja'ay ookanë.

Ezequiel 30:13

Ëjts Wintsën, jëtu'unës n'ëna'any: Nyajkutëkoyäämpyës yë awinax ets nyajkëxäämpyës ka'apë tiosëty jampë Menfis yajpaatën. Ka'ap nëjkx yë Egiptë t'ëkmëët'ajnë pën ënä'ämëtëpën ets tsë'ëkë mëët nëjkx xëmë yajpaaty ja naax kajpn.

Oseas 9:6

Yë'ëjëty tëë tkukakta'atë ja kutëko'oyën; Egiptë ja'ay nëjkx yajmukëtë ets nëjkx yajnaaxtëkëyëtë jam Menfis. Nëjkxëp yë pyoop pujxnmeeny nyi'ëëxyoonta'ay ets ma ënety jam yë myëtsip tna'ityën äpny nëjkx jam yoontäkta'ay.

Nahúm 2:13

Jëtu'un yë Wintsën y'ënä'äny mëti'ipë maaytyääyëpën winë: Tyaajës nyajpaaty ets mijts ëxëëk ntuna'any: Nino'kta'ajäämpyës yam yë mpujxn wintëkäämpë etsës jëënjok je'eyë nyaj'awinpita'any; nya'ookäämpyës yë m'u'unk ets ntimy yajkutëkoyä'änyës ja to'onën mä'tsën ma mnaax mkajpnën ets ka'ap nëjkx nijëna'a y'ëkyajmëtoownë ja y'aaw y'ayukëty ja nkäjpxynyajxpëtëjkës.

Deuteronomio 32:42

Nëjkxëpës yë mayjyä'äy nyaj'o'kta'ay, ets jëtu'unës nëjkx ja jyot nye'pyny ntäämëtë nja'tsëtë, këtii yowë y'ëmaayëty, ets nkupujxta'aja'anyës tëkokyë mëët ja nyenypyujxnës, temy je'etsy nëjkx yë nye'pny y'itë yë tsëtyutja'ayëty, ets tsumjyä'äytyëjkëty. Ja mëtsip ja wyintsëntëjkëty mëti'ipë ja wyääyëtyën yeny.