Jeremias 46:10 - Biblia Dc en Mixe de Quetzaltepec

¹⁰ Ya'atë xëëw jëtu'un xyëëwajtyp, Wintsën mëti'ipë maaytyääyëpën winë, ya'atë xëëw tuunwinpita'any ijxtëm yë myëtsip të tyunyën. May yë ja'ay kupuxy y'ooka'any koonëm kyu'uxëtëty, koonëm myu'ukëtëty. Yë Wintsën mëti'ipë maaytyääyëpën winë, yaj'ookäämpy yë ja'ay.

Biblia Mixe de Quetzaltepec

¹⁰ Ya'atë xëëw jëtu'un xyëëwajtyp, Wintsën mëti'ipë maaytyääyëpën winë, ya'atë xëëw tuunwinpita'any ijxtëm yë myëtsip të tyunyën. May yë ja'ay kupuxy y'ooka'any koonëm kyu'uxëtëty, koonëm myu'ukëtëty. Yë Wintsën mëti'ipë maaytyääyëpën winë, yaj'ookäämpy yë ja'ay.

Jeremias 46:10 ပူးပေါင်းရင်းမြစ်များ

Deuteronomio 32:42

Nëjkxëpës yë mayjyä'äy nyaj'o'kta'ay, ets jëtu'unës nëjkx ja jyot nye'pyny ntäämëtë nja'tsëtë, këtii yowë y'ëmaayëty, ets nkupujxta'aja'anyës tëkokyë mëët ja nyenypyujxnës, temy je'etsy nëjkx yë nye'pny y'itë yë tsëtyutja'ayëty, ets tsumjyä'äytyëjkëty. Ja mëtsip ja wyintsëntëjkëty mëti'ipë ja wyääyëtyën yeny.

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Jeremias 46:2

Jëtu'un ojts yë Egiptë kajpn yajnikäjpxy ets yajkutujkpë Necao mëët yë tsyiptuunpëtëjk, ma ënety mëmajktaxk jëmëjt ëka'any yajkutukyën yë Joaquim, yë Josías yë myaank mëti'ipë jam Judá ënä'ämpën; ojts tsyiptuny jam Carquemis mëët yë Nabucodonosor, yë Babilonyë yajkutujkpë, jam winkon ma ja Éufrates mëjnëëjën. Yë Carquemis ka'ap ojts myëtä'äky.

Jeremias 46:6

Ka'ap tjëkyepy kyä'äktëty mëti'ipë pe'tymyëtyën, ja'ay mëti'ipë jotmëkëtyën ka'ap tjëkyepy maa nyëjkxtëty. Jam anëkëjxmtsow ma Éufrates mëjnëëjën, jam të y'anäpëtë ets të kyëtawtë.

Lucas 21:22

Jä'ä ko ma tääpë xëëwën ëyo'on jää itaanp, jää y'atëwa'any ijxtëm ja Dios ja y'aaw y'ayuk y'ënä'änyën.

Joel 2:1

Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Jeremias 51:6

Käkpëtsëmtë jam Babilonyë. Näyyajtso'okëtë pënjaty jyëkyäjptëpën nyäyajtso'okëtëty. Këtii nëkoo xykyu'ookëtëty yë nyëë pyoky. Tëë tpaaty maas ntukumëtowa'antën ja nyëë pyokyëty etsës ntukukëpäta'antë tä pyaat'atëtën.

Jeremias 50:15

Xii yaa tukyaax tukjokëtë ko mtsiptuna'antë. Ka'ap ja Babilonyë y'ëkmëtaknë. Tëë jyijta'ay ja pyotsy ma ënety kyëwent'atën, tëë jyijtë'kta'ay ja potsy mëti'ipë ja kajpn nyapots'ajtypyën. Jëtu'unës ntuunwinpita'any mëët koos të xymyëtëkoytyë: Tuunwinpitë ijxtëm të mtunëtën.

Isaías 63:4

Ënätës të ntuknipëjktaakë etsës nipaye'eyä'äny ja nnaax nkajpnës; ets nyaj'ëwaatsëpëtsëma'anyës ma o'ktëy yajpaatën.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

2 Reyes 24:7

Ja yajkutujkpë mëti'ipë jap tuunpën Egiptë ka'ap ojts maa y'ëknëjkxnë, jä'ä ko ja yajkutujkpë mëti'ipë jam ënä'ämpën Babilonyë tëë ënety ja naax kajpn tniwaanta'ay mëti'ipë të tnitsiptunyën; jampaat ënety të tjä'äpëky ma ja wokën mëti'ipë Egiptë ja'ay jyä'ä'ajtëpën ets tyimja'ty ja ma ja mëjnëëjën mëti'ipë yajtijpën Éufrates.

Isaías 61:2

ets nikajpxa'any nimëtya'aka'anyës ja xëëw jëmëjt ma ja ja'ay jotkujk y'itëtyën, ja xëëw po'o ma ja nWintsën'ajtëm tyajkutëkoyä'änyën ja nmëtsip'ajtëmë mëti'ipë ëxëëk të xytyu'un të xy'ënëma'ayëmën. Të xykyexyës etsës nyajjotkujkëtya'aja'any tëkokyë ja'ayëty mëti'ipë moontëp tujktëpën.

Job 24:1

¿Wi'ix ko yë Wintsën ka'ap tnikäjpxy jëna'a winë tuna'any? ets jeexyë yë myëku'uktëjk tnijawëtë mëti'ipë mëët oy nyämyäyën.

Isaías 31:8

Jää nëjkx ja Asiria ja'ay yajkupujxta'atë, je'eyëp ko ka'ap nyaaxwiinyëtë ja'ayëty jëtu'un tyuna'anëtë. Ja tsip yë'ë yajkä'äkäämpy ja ja'ay ets ja ëna'ktëjk mëti'ipë tsiptuuntëpën mëtuunpë y'awinpita'antë;

Jeremias 12:12

Ma ja tun kopkën mëti'ipë yajpatëpën jam të'ëts'itjotmën tëë jam myintë ja ja'ayëty mëti'ipë ëxëëk të y'ëtë'ëtstë y'ëna'antën, jä'ä ko ëjts Wintsën, nmëëtës yë ntëypyujxn mëti'ipë yë naax kajpn yajkutëkoyäämpyën wä'än timmyaajëty ets ka'ap ja jotkujk'ajtën y'ita'any.

Jeremias 46:14

Tuk'ëwaanëtë yë Egiptë ja'ayëty, Migdol ja'ayëty, Menfis ja'ayëty ets Tafnes ja'ayëty: Jëjp'ixy myajpaatëty, a'ijxp jëjp'ijxp m'itëty. Jä'ä ko ëyo'on jotmay mtukminëtëty, jëtu'un myiny tä tu'uk ja'ay tmëminyën yë tyiypyujxn ets tkupuxa'any ja'ay mwintuuy mpë'aay.

Jeremias 50:18

Paaty ëjts maas nWintsën'atyën, mëti'ipë maaytyääyëpën winë, mëti'ipë yë Israel ja'ay Tyios'ajtëpën, ëjts ënaanp: Ntëytyunäämpyës yë Babilonyë yajkutujkpë, mëët ja nyaax kyajpn, jëtu'un tääjës ntuunyën ja Asiria yajkutujkpë.

Ezequiel 21:28

Jëtu'un yë Dios y'ënä'äny: Mijts ye'etyëjk, nikajpx nimëtya'ak yë n'aaw n'ayukës ets xy'ënëëmëty yë Amón ja'ayëty mëti'ipë nyëxik tyukxiktëpën yë Israel kajpn, ko ja tëypyujxn jëjp'ixy yajpatnë ma yë'ëjëtyën: tëë yajxon yajme'ey, atë'kxp awëtsujkp yaj'ijxnë, je'eyë yaja'ay ookanë.

Zacarías 6:6

Yë pujxnwintëkäämpë mëti'ipë yëk kwaay pajëtujtëpën, jamtsow anëkëxmtsow nyijkxy; yë pujxnwintëkäämpë mëti'ipë poop kwaay pajëtujtëpën, jam nyijkxy xëëwkëtä'äkytsyow; e ja pujxnwintëkäämpë mëti'ipë pajëtujtëpën ja kwaay mëti'ipë poopkatsën, jamtsow nyijkxy ëpa'tkë'ëmtsow.

Isaías 2:12

jä'ä xëëw ma ënety winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënety mëj jaanty të nyäyajnaxëtën, pa'tkë'p nëjkx kyëtakta'atë,