Jeremias 44:5 - Biblia Dc en Mixe de Quetzaltepec

⁵ E miitsëty ka'apës xymyëmëtoowtë ets ka'apës xymyëj'ijxtë. Ni'ikyënëm ojts ja wiink tios ja wyintsë'kën xymyo'otë ijxtëm jeexyë ja m'ëxëëk juukyajtën xy'ëxmatstën.

Biblia Mixe de Quetzaltepec

⁵ E miitsëty ka'apës xymyëmëtoowtë ets ka'apës xymyëj'ijxtë. Ni'ikyënëm ojts ja wiink tios ja wyintsë'kën xymyo'otë ijxtëm jeexyë ja m'ëxëëk juukyajtën xy'ëxmatstën.

Jeremias 44:5 ပူးပေါင်းရင်းမြစ်များ

Jeremias 19:13

Yë jëën tëjk mëti'ipë yajpatëpën jam Jerusalén, ja këmoontëjk ma ja Judá yajkutujkpëtëjk y'ënä'ämtën ets ja tëjk kopk ma ja mëtsa'a twintsë'ëkëtën mëët ja poom, mëët ja uuky, aak ëxëëk nëjkx nyajxta'ay, jëtu'un tä jam jyäjtyën Tofet kajpnjotm.

Jeremias 11:10

Näy jä'ä poky të tuntë mëti'ipë ja y'aptëjk tyuuntën, ka'ap ojts xymyëmëtowtës, yi'iyë pyanëjkxtëjkëtyë ja wiink tios ets yë'ë y'ëwtajtë. Yë Israel ja'ayëty ets Judá ja'ayëty tëë tkumëtoownaxtë ja käjpxytyu'unën mëti'ipë mëët ja y'aptëjk ntuunyënës.

Jeremias 11:8

E ni pën të xykyamëj'ixyës ets ni pën të xykyamëmëtoyës, yi'iyë tyuuntëp kyajpxtëp ja ëxëëkpë ets mëti'ipë ja jyot wyinma'any nyi'ënantëpën. Ka'ap ojts tuntë ijxtëmës ënety të njatuk'ënä'ämtën, paatykyëjxm o'ktëy jyajtë kyëpäjtë jëtu'un tä ënety jap myinyën këxja'ay ma ja käjpxytyu'unënën.

Jeremias 7:24

E yë'ëjëty ka'ap xymyëmëtoowtës ets ni xykyamëjpëjktaktës, ni'ikyë ojts winë tuntë tkajpxtë ijxtëm ja jyot wyinma'anyëtyën. Ijxtëm jeexyë ëjts xynyimiintën, ni'ikyës ojts xymyëjëkämkä'äktës.

Isaías 48:18

Tëë jeexyë xyjyä'äkyukë mëti'ipë të ntuk'ëne'emyën. Tam jeexyë wyimpäjt'ëtë'ëtsy ja mjuukyajtën, ets ni'ikyë jeexyë jotkujk myajpatnë,

Isaías 48:4

Ëjts nija'apës ënety wa'ats ko mijts nijënu'un mkakäjpxyjyä'äkyukë, tsip ets myajkajpxwijëty, jëtu'un ja mjot mwinma'any tä tsaajën tä pujxnën, ka'ap nijënu'un tii nyäkjyätyë.

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

Jeremias 13:10

Ya'atë naax kajpn mëk nyäpyëjkta'akëtë, ka'ap tmëmëtowtë yë n'ënä'ämënës, jëtu'un ijxtëm yë'ëjëty tuknipëjktaakëtën jëtu'un winë tuntë. Wiink tios të tpanëjkxtëkëtë të tmëtuntë ets të t'ëwtatë. Jëtu'un yë'ëjëty tä tääpë wëënën.

Jeremias 43:4

E paaty ojts ka'ap pën wyi'imy tsënääpyë jam Judá, yë'ëpaat yë Johanán, tsiptuunpë wintsën ets ja ja'ayëty ja wiinktsowpë tsyoontën, ni'ikyë ojts ja Wintsën tkäjpxykyutëjtë.

Daniel 9:6

Ka'ap të nmëjpëjkta'aktës ja y'aaw y'ayukëty ja käjpxynyajxpëtëjkëty, mëti'ipë të tjanimëtya'aktën ja m'aaw m'ayuk ets të tjakajpxtë'ëwtë ëëts ja nyajkutujkpëtëjkëty, ja n'ënä'ämpëtëjkëty, ja n'ap n'okëty ets tëkokyë ja Israel kajpn.

Nehemías 9:30

Kanaak jëmëjt ojts xypyokymye'kxy ets xyjyajpa'ëyooy, mjatuk'ëwa'anëy mëët ja mmëkajtën m'oyajtën ets ja mkäjpxynyajxpëtëjk ets jeexyë ka'ap nëkoo nëë poky timpyanëkxtëkëtë mëët ja mtuunpë ets ja m'oyjot m'oywyinma'any; e yë'ëjëty ka'ap tim myëjpëjktaktë, paaty ojts xytyim'ijxmajtsnë ets ja myëtsip ojts yajnëjkxënëtë wiink naax wiink kajpn.

Jeremias 11:13

Yë Judá ja'ayëty may yë tios tmëët'atë, jëtu'un tä yë nyaax kyajpn myäy'atën; yë Jerusalén ja'ayëty may yë wyintsë'këntyakn tmëët'atë ma Baal tukwintoytyën yë poom, jëtu'un tä yë në'ë tu'u jam myäyëtyën.

Jeremias 11:17

Ja Wintsën mëti'ipë maaytyääyëpën winë, mëti'ipë ojts mkojyën jëtu'un tä ja'ay aay kepy tkojy tmä'kxyën, tëë tuknipëjktaakë ko ja ëyo'on jotmay mtuknikäxa'anyë, jä'ä ko yë Israel ja'ayëty ets Judá ja'ayëty të pyokytyuntë ets të xyajjoot'anpëktës ko yë'ë ja Baal të tukwino'ok të tukwinxamtë ja poom jok.

Oseas 11:2

Koos nyaxtsoy, ni'ikyës xymyëjëkämke'eky. Yë'ë ja wyintsë'kën myoopy ja wiink tios ets ijty twinno'oky twinxamy yë awinax.