Jeremias 44:4 - Biblia Dc en Mixe de Quetzaltepec

⁴ Kanaak ok njakejxyës yë nkäjpxynyajxpës ma miitsëtyën ets jeexyë m'ënë'ëmxëtë ko këtii xytyuntëty mëti'ipës n'ëxëëk'ijxypyën.

Biblia Mixe de Quetzaltepec

⁴ Kanaak ok njakejxyës yë nkäjpxynyajxpës ma miitsëtyën ets jeexyë m'ënë'ëmxëtë ko këtii xytyuntëty mëti'ipës n'ëxëëk'ijxypyën.

Jeremias 44:4 ပူးပေါင်းရင်းမြစ်များ

2 Crónicas 36:15

Ja Wintsën mëti'ipë y'ëwtajtën ja y'ap y'okëty, ojts kanaak'ok jya'ënë'ëmxëtë ets tyaj'oyëtëty ja jyot wyinma'any jä'ä ko ja tsojkëtëp ets ja pa'ëyoowëtëp, ma jam yajpaatyën ja y'ijtakn.

Nehemías 9:30

Kanaak jëmëjt ojts xypyokymye'kxy ets xyjyajpa'ëyooy, mjatuk'ëwa'anëy mëët ja mmëkajtën m'oyajtën ets ja mkäjpxynyajxpëtëjk ets jeexyë ka'ap nëkoo nëë poky timpyanëkxtëkëtë mëët ja mtuunpë ets ja m'oyjot m'oywyinma'any; e yë'ëjëty ka'ap tim myëjpëjktaktë, paaty ojts xytyim'ijxmajtsnë ets ja myëtsip ojts yajnëjkxënëtë wiink naax wiink kajpn.

Nehemías 9:34

Ëëts yë n'ënä'ämpëty nkutujkpëtëjkëty, nkopktëjkëty, nteetyëjkëty ets ja n'ap n'okëtyës ni pën tkakuuytyuuny oy ja m'ënä'ämën mtëyajtën oy xyjyatuk'ënëmaay ets xyjyatuk'ëwa'anëy.

Jeremias 16:18

Jëyëjp nëjkx ntukumëtoyës ja pyokyëty, mäjtsk oknipety nëjkx ntukumëtoyës ja tyëko'oyënëty mëët yë'ë ko të t'ëxëëktuntë ja it naaxwiinyëtë mëët ja y'awinaxëty ëxëëkpës n'ixyën ets ka'ap të twintsë'ëkëtë ja it naaxwiinyëtë mëti'ipës ojts njatukumaytyën.

Jeremias 26:5

ets pën ka'ap tja'akyukëtë ja aaw ayuk mëti'ipës të njakajpxnaxyën mëët ja nkäjpxynyajxpëtëjkës, mëti'ipës kanaak ok të njakexyën ets je'eyë të kyäjpxykyumëtoownaxtë,

Jeremias 29:19

Jä'ä ko ka'ap tja'akyujkëtë koos ojts njatuk'ëwaanëtë mëët ja nkäjpxynyajxpëtëjkës mëti'ipës ntuknikäjxtën ets jeexyë jyootwinpitë. Ëjts Wintsën, ëjts ënaanp.

Jeremias 32:33

Jyëxkës të xytyuk'akëyëtë, ka'ap yë wyiin jyëjp të tyaktë. Ëjts xëmës të njamo'otë oypyë aaw ayuk ets jeexyë jyuukyajtën tyaj'oyëtë, yë'ëjëty ka'ap nijënu'un tmëjpëjkta'aktë ets ka'ap tsojkën'atë jyuukyajtën tyaj'oyëtëty.

Jeremias 32:34

Ni'ikyë të tjaamtään të tnaaxtääntë yë ntsajptëjkës mëti'ipës ojts ëjts nyajtuknikojën, ko jap të tpëjktaknëtë ja awinax.

Jeremias 32:35

Tëë jam näjyëtu'un yë Baal wyintsë'këntyakn tkojëtë ma Ben-hinom Joyjyotën. Jamts yë y'u'unk y'ëna'k të tyaktë kë'ëy xo'oxy ye'etyëjkpë to'oxytyëjkpë ets të tukwintsë'ëkëtë ja Moloc ets jëtu'un tyajpokytyuntë ja Judá ja'ayëty; tëë tuntë ja mëti'ipës ënety ka'ap të ni'ënä'ämën ets mëti'ipës ënety ka'ap të nmay të ntajyën.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Jeremias 35:17

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ëna'any: Nkäxäämpyës ja ëyo'on jotmay ma Judá ja'ayëtyën ets ma Jerusalén ja'ayëtyën tëkokyë mëti'ipës të nikäjpxyën. Jä'ä ko miitsëty tëë njamëkajpxtë ka'apës të xy'ëtsowtë; tëë njayaxtsowtë miitsëty ka'apës të xynyimintë.

Jeremias 7:13

Kanaak'ok n'ënëmaaytyës ets jeexyë tyaj'oyëtë wyinma'any, miitsëty ka'ap të xymyëmëtowtës ets ka'ap të xy'ëtsowtës. Ëjts Wintsën, ëjts ënaanp.

Jeremias 7:17

¿Ti këtii xy'ixyë wi'ix y'ëtë'ëtstën y'ëna'antën ma Judá kajpnën ets ma Jerusalén kajpnënë?

Jeremias 7:18

Yë y'u'unk y'ëna'k, yë'ë ja'axy myëmiintëp; yë u'unkteety yë'ë jëën yajmëjjëtyëp; e yë to'oxytyëjkëty yë'ë jëtsykyojxtëp ets ja tsajpkääky tyaj'oyëtë ets tukwintsë'ëkëja'antë ja tios mëti'ipë tyijtëpën Ja wintaj mëti'ipë yajkutujkpën jam Tsajpjotm.

Jeremias 7:25

Maju'unëm yë m'ap m'ok tsyoontën jap Egiptë ets tyampaat, xëmës të njakexy yë ntuunpëtëjk mëti'ipë käjpxynyajxtëpën.

Ezequiel 16:36

Ëjts Wintsën, jëtu'un mijts yam n'ënëëmë: Mijts ka'ap nitiitsëtyu'un xyjyawë ko mnänyijeny mnäy'ixjenyë ets të xymyëëtko'knë wä'än tpënëty, xyäky jëtu'un ja mjot mnini'kx, xymyo'oy ja wyintsë'kën ja awinax mëti'ipë m'ëwtajtypyën; tëë xytyäämë xyjyä'tsë ja m'u'unk m'ëna'k ja jyot nye'pny ko të xyäky ma jam xytyukwintsë'ëkën ja m'awinax.

Ezequiel 16:47

E mijts näjyëtu'un të m'ëtë'ëtsy tä yë'ëjëtyën nän timjëtu'un winë ëxëëkjaty të xytyuny. Ka'ap mkuxë ni'ik o'ktëy të m'ëtë'ëtsy.

Ezequiel 18:31

Tim mëjëkämkä'äktë yë ëxëëkajtën maas të xymyëtëkoytyën, yaj'oyëtë ets yaj'ajämëtë yë mjuukyajtënëty. ¿Mijts Israel, tii ko m'ëk o'kpëty?

Ezequiel 8:10

Täätsës jap të ntëkë, etsës të n'ixy ko tëë na'ëwtityë tkooytya'atë ja potsy ets të tkëxkoytyë yë jëyujk mëti'ipë naaxwiinye'epyën, yë jëyujk ka'apë kyutukyëtyën yajtsu'utsëty ets tu'kë'ëyë awinax mëti'ipëjaty yë Israel ja'ay y'ëwtajtëpën.

Daniel 9:6

Ka'ap të nmëjpëjkta'aktës ja y'aaw y'ayukëty ja käjpxynyajxpëtëjkëty, mëti'ipë të tjanimëtya'aktën ja m'aaw m'ayuk ets të tjakajpxtë'ëwtë ëëts ja nyajkutujkpëtëjkëty, ja n'ënä'ämpëtëjkëty, ja n'ap n'okëty ets tëkokyë ja Israel kajpn.

Zacarías 7:7

¿Këtii näjyëtu'un yë Dios ojts yë y'aaw y'ayuk t'ëk kajpxpë mëët yë kyäjpxynyajxpëtëjkëty tëëyëpë jyuuky'atën, ma ënety ja Jerusalén kajpn jotkujk yajpaatyën ets ma ënety ja wiinkëtypë ja naax kajpn jotkujk yajpaatën ets Négueb y'itjot ets tu'kë'ëyë tampë joyjotmën?

1 Pedro 4:3

Jeky ojts miitsëty jëtu'un winë xytyuntë xykyajpxtë ijxtëm ja ja'ayëtyën ka'ap ja Dios tnijawëtën, jä'ä ko jam ijty mjuuky'atë ma ja ëxëëkpën; ma yaj'atsokyën winë, ma tëkatsy ja winma'any jyä'tyën, ma ja'ay ja kyë'ëm winma'any tyajtuntën, ma ja'ay y'uuktë myu'ukëtën, kyäytyë y'uuktën ku'uxyë jotkëtä'äky, tyuuntëkoytyë kyajpxtëkoytyë, twintsë'ëkëtë ja tsaa ets kepy.