Jeremias 44:21 - Biblia Dc en Mixe de Quetzaltepec

²¹ ¿Miitsëty jëtu'un jëtää mmaytyë mtajtë? Ko ja Wintsën ka'ap t'ixy tnijawë ets ko tëë tja'atyëkooynyë ko ijty xywyintsë'ëkëtë ja wiink tios jam ma Judá ets Jerusalén kajpnën; ko näjyëtu'un y'ëtëtstë ja m'ap m'okëty, mkutujkpëtëjkëty, mwintsëntëjkëty ets mmëkunaax mmëkukajpnëty.

Biblia Mixe de Quetzaltepec

²¹ ¿Miitsëty jëtu'un jëtää mmaytyë mtajtë? Ko ja Wintsën ka'ap t'ixy tnijawë ets ko tëë tja'atyëkooynyë ko ijty xywyintsë'ëkëtë ja wiink tios jam ma Judá ets Jerusalén kajpnën; ko näjyëtu'un y'ëtëtstë ja m'ap m'okëty, mkutujkpëtëjkëty, mwintsëntëjkëty ets mmëkunaax mmëkukajpnëty.

Jeremias 44:21 ပူးပေါင်းရင်းမြစ်များ

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Jeremias 44:9

Tëë xyjyä'äytyëkoytyë ja nëë poky mëti'ipë ja m'aptëjk, ja Judá yajkutujkpë ets ja tyo'oxytyëjk tyuuntën ets mëti'ipë miits yë mto'oxytyëjkëty tyuuntën jam Judá ets ja në'ëjotypë tu'ujotypë jam Jerusalén.

Jeremias 14:10

Jëtu'un yë Wintsën tnikäjpxy yë Israel kajpn: Ya'atë naax kajpn yi'iyë tyäty tsyojkpy ets nyaxëty tyëkëty oymyaajëty. Paaty ka'ap n'oyjyawës. Tyam nyëë pyoky yam Nja'amyätsäämpyës etsës nyajtëwa'any wi'ixtsow ko je'eyë pyokytyuny.

Jeremias 11:13

Yë Judá ja'ayëty may yë tios tmëët'atë, jëtu'un tä yë nyaax kyajpn myäy'atën; yë Jerusalén ja'ayëty may yë wyintsë'këntyakn tmëët'atë ma Baal tukwintoytyën yë poom, jëtu'un tä yë në'ë tu'u jam myäyëtyën.

Isaías 64:9

Wintsën, këtii janty nëkooyë mtimjyoot'anpëky ets xëmë xytyimja'amyetsy ëëts ja ntuuntëko'oy nkajpxtëko'oyënëty. Ëk'ix, ëëts mijts xykyajpn'ajtëp.

Salmos 79:8

Këtiis xytyukkëpätëty ja nyëë pyokyëty ja n'ap n'okëtyës; wä'änës tsojk tminy ja myu'unkjot myu'unk winma'any, jä'ä ko ëëtsëty tëë nmëjaawkëjxta'atës.

Amós 8:7

Dios, tëë tnikäjpxy mëëtkyëjxm ko ja Jacob ja mëj'ajt oyajtën tmëëtëtyën: Ka'apës nijëna'a nja'atyëkoyä'äny mëti'ipë të tuntën.

Oseas 7:2

Yë'ë ka'ap tmëmay tmëtajtë ko nja'amyejtsypës yë pyokyëty. Tyam kë'ëm nyätyu'u'ëtukëtë ko winë ëxëëk tuntë ets ko xëmë n'ixyës yë nyëë pyokyëty.

Apocalipsis 18:5

jä'ä ko yë pyokyëty tëë nyipäjnë tsajpwinmpaat ets nijëna'a ja Dios tkaja'atyëkoyä'äny ja pyokytyu'unënëty.

Apocalipsis 16:19

Ënet ja mëj kajpn tëkëëkpëky nyäwya'kxë ets ja jëën tëjk kyëtaawtaay maajëty ja kajpnën naaxwiiny ets ja Dios tja'amyejtsy ja mëj kajpn Babilonyë ko tuk'uuka'any ja tsatsym nyëë, jä'ä jëtu'un tyijpy ko tmo'oja'any ja ëyo'on mëët ja tsip äkë.

Ezequiel 16:24

xii yaa ojts muum xykyojy yë wiink tios yë nyitsajp tëjk ma xy'ëwtatëtyën ets ma ja mjot mnini'kx xyakëtyën.

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

Deuteronomio 32:19

Ko yë Dios jëtu'un t'ijxy ojts jyoot'anpëky ets ojts näjyëtu'un timjyä'ätyëkooynyë ja y'u'unk y'ëna'k ye'etyëjk to'oxytyëjkpë,

Deuteronomio 32:34

E tëkokyë ya'atë tyunyën jyätyën nja'amyejtsypës yë'ë, tsyapës ntuknipëjkë'ëkëtë, mëti'ipë nëjkx ëxëëk tmëjat tmëkëpätën, jëtu'un tä ja'ay yë wyit myeeny tpëjkë'ëkyën.

Jeremias 32:32

tëë tyajma'atë ja njot nwinma'anyës ko yi'iyë tyuuntëp kyajpxtëp ëxëëkpë tëkatsypë, yë Israel ja'ayëty ets Judá ja'ayëty, yajkutujkpëtëjk, kopktëjkëty, teetytyëjkëty, käjpxynyajxpëtëjkëty ets tu'kë'ëyë Judá ja'ayëty ets Jerusalén ja'ayëty.

Jeremias 44:20

Ënet ja Jeremías t'ëtsoowinpijty ja ye'etyëjk, to'oxytyëjkëty mëti'ipë ënety jëtu'un të y'ëna'antën: