Jeremias 44:17 - Biblia Dc en Mixe de Quetzaltepec

¹⁷ Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Biblia Mixe de Quetzaltepec

¹⁷ Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Jeremias 44:17 ပူးပေါင်းရင်းမြစ်များ

Jeremias 7:18

Yë y'u'unk y'ëna'k, yë'ë ja'axy myëmiintëp; yë u'unkteety yë'ë jëën yajmëjjëtyëp; e yë to'oxytyëjkëty yë'ë jëtsykyojxtëp ets ja tsajpkääky tyaj'oyëtë ets tukwintsë'ëkëja'antë ja tios mëti'ipë tyijtëpën Ja wintaj mëti'ipë yajkutujkpën jam Tsajpjotm.

Nehemías 9:34

Ëëts yë n'ënä'ämpëty nkutujkpëtëjkëty, nkopktëjkëty, nteetyëjkëty ets ja n'ap n'okëtyës ni pën tkakuuytyuuny oy ja m'ënä'ämën mtëyajtën oy xyjyatuk'ënëmaay ets xyjyatuk'ëwa'anëy.

Ezequiel 20:8

E yë'ëjëty je'eyë ojts xykyäjpxy kumëtoownaxtës ets ka'ap tja'akyujkëtyë ijxtëm nja'ënëmaaytyës; ka'ap t'ëxmajtstë ja y'awinaxëty mëti'ipë jap Egiptë ets nän ka'ap tyajma'taaytyë ja wyiink tyiosëty. Ojtsës njamay njatajy nyajnaxa'any ja njoot'an ma yë'ëjëtyën etsës jap Egiptë njatëytyunantë etsës jotkujk nwë'ëmëty.

Deuteronomio 23:23

E pën kë'ëmwinma'any miits yë Wintsën ënety tii të xytyukwinwanëtë, kopkpëky ko xyaj'ëtuktëty ja mwaantakënëty.

Éxodo 16:3

Y'ënantë: Nikë oy jeexyë yë Dios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Jeremias 44:25

Yë Wintsën mëti'ipë maaytyääyëpën winë, mëti'ipë yë Israel Tyios'ajtëpën, jëtu'un y'ënä'äny: Miitsëty to'oxytyëjkëty, m'aawkyëjxm m'ëna'antë ets xytyuntë mëti'ipë mkajpxtëpën. Miitsëty jëtu'un të m'ëna'antë ko tëë xytyukwinwanëtë ja poom ets ja tsatym nyëë ja mëti'ipë nyiWintaj'ajtypyën ja Tsajp ets ko kopkpëky xytyuna'antë mëti'ipë të xytyukwinwanëtën. Oy jyëtu'un'atëty, tuntë mëti'ipë të xywyaanta'aktën.

Jeremias 44:21

¿Miitsëty jëtu'un jëtää mmaytyë mtajtë? Ko ja Wintsën ka'ap t'ixy tnijawë ets ko tëë tja'atyëkooynyë ko ijty xywyintsë'ëkëtë ja wiink tios jam ma Judá ets Jerusalén kajpnën; ko näjyëtu'un y'ëtëtstë ja m'ap m'okëty, mkutujkpëtëjkëty, mwintsëntëjkëty ets mmëkunaax mmëkukajpnëty.

Jeremias 19:13

Yë jëën tëjk mëti'ipë yajpatëpën jam Jerusalén, ja këmoontëjk ma ja Judá yajkutujkpëtëjk y'ënä'ämtën ets ja tëjk kopk ma ja mëtsa'a twintsë'ëkëtën mëët ja poom, mëët ja uuky, aak ëxëëk nëjkx nyajxta'ay, jëtu'un tä jam jyäjtyën Tofet kajpnjotm.

2 Reyes 17:16

Wa'ats tja'atyëkooytyääytyë ja Wintsën ja y'ënä'ämën tyiyajtën ets ojts tyajkojtë mäjtsk ja tsajpkaa aak pujxnëmpë; ojts tyajnikojtu'utë ja Aserá, ja mëtsa'a ets Baal.

Jueces 11:36

Tä ja nyëëx y'ëtsooy: Tatë, ëjts tyaajës nyajpaaty. Ix tii mtunäämpy mëët ëjts, mëti'ipë Dios të xytyukwinwanën, yë'ë tëë yë y'ayuk tpatuny ix tëë myajmëtä'äkyë tsipjotm ma Amón ja'ayëty ma mëët yë tsip të yajmëët'atyën.

1 Pedro 1:18

Dios miitsëty të myajpëtsëmëtë ma ja juukyajtën najtspëkëpë mëti'ipë ojts mtukumayëtën yë m'ap m'okëty; ets wa'ats xynyijawëtë ko tëë këjää tsyowpaaty ko të m'ëwaatsëpëtsëmtë. Ka'ap yë'ëjëty meeny, pu'ts pujxn ets poop pujxn të yajtukujuy mëti'ipë ma'tpën ets tëkoopyën,

Marcos 6:26

Tä ja Herodes jyotmaytyëjkëy; e jä'ä ko tëë ënety ja Dios tyajkäjpxy ets tëë ënety tmëtowtë ja ja'ay mëti'ipë jam kaaytyëpën, paaty ojts tkupëky.

Jeremias 44:9

Tëë xyjyä'äytyëkoytyë ja nëë poky mëti'ipë ja m'aptëjk, ja Judá yajkutujkpë ets ja tyo'oxytyëjk tyuuntën ets mëti'ipë miits yë mto'oxytyëjkëty tyuuntën jam Judá ets ja në'ëjotypë tu'ujotypë jam Jerusalén.

Isaías 48:5

Ojts tëëyëp njatuk'ëwaanë ka'anëm ënety tii tyunyë jyätyë. Këtiipë jeexyë m'ëna'any: Yë'ëjës yë n'awinax të myëtä'äky, ëkë yë'ë yë naaxpotsyës jëtu'un të tyajkutuky.

Salmos 106:6

Tëës näjyëtu'un npoky tyuntë tääjës ja nteety n'apëtyës; tëës ja njot nwinma'any kyëxtëkoytyë, ets ja ëxëëkpë të ntuntës.

Salmos 12:4

mëti'ipë maaytyëp tajtëpën: Yi'iyë ko wiin aaw yajmëëtëty, yë'ë yajtukmëtakp, yë yä'än yë'ë kuwaanp. ¿Pën xy'ëk'ënä'ämëp?

2 Reyes 22:17

Jä'ä ko yë'ëjëty tëëjës xy'ëxmajtsnëtë, ja ka'apë tyiosëtyën yë'ë të tukwino'k të tukwinxaamnëtë ja poom ets ënät jëtu'un ni'ikyë xyajjoot'anpëktës mëët ja y'ëxëëktu'un y'ëxëëk kajpxënëty; paatykyëjxm të ntukjoot'anpëjknës ya'atë naax kajpn ets tsip oy ets jatëkok xyäämëty yë njoot'anës.

2 Crónicas 28:23

Ni'ikyënëm ojts ja wyintsë'kën tmo'oy ja tios mëti'ipë Damaskë ja'ay y'ëwtajtëpën, yë'ë ojts yajtëkoyë. Jëtu'un ojts myäy tyäjy pën tyaapë tios yë'ë të tputëkë yë Sirië yajkutujkpë näjyëtu'un nëjkx pyutëkëty ko tmo'ojëty yë wyintsë'kën. E yë'ë ni'ikyënëm ojts o'ktëy yajjatyë ets o'ktëy ja nyaax kyajpn tyajjajty tyajkëpejty.

Jeremias 1:16

Ya'atë tëytyu'unën të ntuknipëjktaakës ma tääpë pokyjyä'äytyëjkëtyën mëti'ipës të xy'ixmatstën, mëti'ipë të tukwintoytyën ja poom ets të t'ëwtatën ja wiink tios, mëti'ipë jaaypyaat jaaypyo'kxy y'ëwtajtëpën.

Jeremias 11:12

Ënet nëjkx yë Judá ja'ayëty ets Jerusalén ja'ayëty t'amëtowtë yë näypyutëkë ma ja tyiosëtyën mëti'ipë ënety të twinno'ok të twinxamtën mëët ja poom jok, e yë'ëjëty ka'ap nëjkx myäyë yajtso'okëtëty ko ënety ja ëyo'on jotmay tyukja'tëtë.

Jeremias 18:15

Yë nnaax nkajpnës tëëjës xyjyä'äytyëkooynyë, wiink tios tyukwintsë'kënëp yë poom jok. Tëë t'ëxmajtsnë ja ap tu'u ets jä'ä pyanëjkxnëp mëti'ipë ka'ap t'ixy'ätyën,

Ezequiel 8:16

Ënätës të xywyoownëjkxy jap tëja'p mëti'ipë tëkotsyow yajpatpën, ma Wintsën yë tsyajptëjk yajnitëkën, itkujky ma tëjkwiinën ets mëët yë wintsë'këntyakn, i'px mëkoxk jap yë ye'etyëjk kyoxtänëtë, japtsow ma jëxkë'ptsow yë tsajptëjk yajpaatyën ma yë'ëjëtyën ets wyinta'ak nyaaxkowtë maatsow yë xëëw pyëtsimyën, xëëw y'ëwtajtëp.

Ezequiel 20:32

Miitsëty tëë xymyëtoowyujtë ko wiinkëtypë naax kajpn mëti'ipë yajpatëpën wiink naaxwiinyëtë ko yë'ë y'ëwtajtëp yë kepy ets tsaa, e ka'ap y'ëkjëtu'un'ajnëty.

Ezequiel 23:41

jam nyäkyëxko'këtë ma ja maapäjnën oypyë tsujpë ets jëjp'ixy ja kääky uuky y'ijnë, jam ma ja kaaytyaknën ojts ja pa'akxu'kpë tpëjkta'aktë ets tyajtooytyë ja on mëti'ipës ënety ëjts të nyajtuknipëjktaakën.

Habacuc 1:16

Paaty yë ja'ay mëti'ipë nëë jëyujk majtspën jëtu'un yaj'ixy y'ëwtajtyp yowë tsyääy ets xyu'uny ets tyimwintoopy tyimwinno'kpy mëët yë poom ets yäjkpy yë nyiwintsë'kën, jä'ä ko jam jyi'kxypyääty.

Jeremias 7:17

¿Ti këtii xy'ixyë wi'ix y'ëtë'ëtstën y'ëna'antën ma Judá kajpnën ets ma Jerusalén kajpnënë?