Jeremias 44:15 - Biblia Dc en Mixe de Quetzaltepec

¹⁵ Ënet ja ye'etyëjkëty mëti'ipë nyija'awëtëpën ko ja tyo'oxytyëjkëty wiink tios të tmo'otë ja wyintsë'kën ets ja to'oxytyëjkëty mëti'ipë ënety jap Egiptë tsënaaytyëpën ëpa'tkë'ëytsyow mëët ja jutiiyë ja'ayëty, ojts t'ëtsoowtë ja Jeremías.

Biblia Mixe de Quetzaltepec

¹⁵ Ënät ja ye'etyëjkëty mëti'ipë nyija'awëtëpën ko ja tyo'oxytyëjkëty wiink tios të tmo'otë ja wyintsë'kën ets ja to'oxytyëjkëty mëti'ipë ënäty jap Egiptë tsënaaytyëpën ëpa'tkë'ëytsyow mëët ja jutiiyë ja'ayëty, ojts t'ëtsoowtë ja Jeremías.

Jeremias 44:15 ပူးပေါင်းရင်းမြစ်များ

Génesis 19:4

Ka'anëm ënety myanaxtënëm, ko ja Sodomë ja'ayëty ojts ja Lot yë tyëjk tyajnaatujktaayëtë, jënu'un yë mutsk'ëna'këty ets mëjja'aytyëjk.

Nehemías 13:26

Yë'ë jëtu'un ojts yë Salomón tpoky'äty mëti'ipë yajkutujkën ma Israel kajpnën. E oy nja'ijxmëty ja yajkutujkpë Salomón ka'ap pën myëpatë ijxtëm yë'ë yajkutujkyën ets ko ja nTios'ajtëmë mëk tsyojkë jya'awëy ets pyëjktakë ma ja Israel kajpnën ets jam yajkutukëty, e oy jyajëtu'un'ajty yë to'oxytyëjkëty mëti'ipë wiink naax wiink kajpn yajtso'onën yë'ëtsën ojts yajpokytyunyë.

Proverbios 11:21

Tëyajtën yë'ë ko yë ëxëëk ja'ay ka'ap jëtu'unyë nyinaxa'any, kyumëtowäämpy yë pyoky. Yë wa'ats ja'aytyëjk akujk jotkujk yajpëjkta'aka'antë ëwaatsëtum.

Isaías 1:5

Yi'iyë miitsëty mmëmaay mmëtajtëp wi'ix mkäjpxykyumëtoownaxtëtyën, ma mjot mnini'kxëtyën ka'ap t'ëkjëkyäjpnë ma myajwoptëty. Aak tsëtyut ja mni'kx mkopkëty, tëë mmëjaawkëjxnëtë.

Isaías 48:5

Ojts tëëyëp njatuk'ëwaanë ka'anëm ënety tii tyunyë jyätyë. Këtiipë jeexyë m'ëna'any: Yë'ëjës yë n'awinax të myëtä'äky, ëkë yë'ë yë naaxpotsyës jëtu'un të tyajkutuky.

Jeremias 44:1

Ja aaw ayuk mëti'ipë Jeremías y'ëxajëyën ets yajtuknikäjxtë yë jutiiyë ja'ayëty mëti'ipë ënety jap tsënaaytyëpën Egiptë ma ja kajpn txëëwatyën Migdol, Tafnes, Menfis ets jamtsow a'oytsyow:

Jeremias 44:19

Ja to'oxytyëjkëty jëtu'un y'ëtsoowtë: Ëëtsëty n'oytyuuntëpës ijty yë ma'atsy jëtu'un tä y'ixëtyën mëti'ipë nyiwintaj'ajtypyën yë tsajp ets ntukwintoytyës yë poom, nmooytyëpës yë tsatym nyëë ets aakyë'ë mëti'ipë nye'etyëjkëtyës y'a'ijxëtëpën ets je'eyëm jëtu'un ntuna'antës.

Jeremias 44:24

Ojts näjyëtu'un yë Jeremías t'ënëëmë ja naax kajpn ets ja to'oxytyëjkëty: Mëtoow'itë ya'atë Wintsën yë y'aaw y'ayuk, miitsëty Judá ja'ayëty nijënu'un Egiptë mtsëënëtën mjuuky'atën.

Ezequiel 29:14

Nyajwinpitäämpyës jatëkok yë ja'ayëty mëti'ipë tsumy matsy të y'itën wiink kë'ëy wiink kajpn ets jam tsyënaaytyaknpëktëty ëpa'tkë'ëmtsow ma Egiptë nyaaxjotmën, ma kyunaax'at kyukajpn'atën, ma nëjkx tyajkojtën tu'uk yë ënä'ämtakn ka'apë nëjkx mëj'äämpy nyäxyën.

Ezequiel 30:14

Xit ko'ow nyajjajta'aja'anyës yë ëpa'tkë'ëytsyowpë Egiptë kajpn, nino'okäämpyës yë Soan kajpn ets nyajnitukëjäämpyës yë Tebas kajpn.

Mateo 7:13

Jap mtëkëtëty ma ja najxtaknën xu'utspë, jä'ä ko mëj ja najxtakn ets ja tu'u mëti'ipë nëjkxpën ëyoowtaknjoty. May ja ja'ay jap tyëkëtë.

Deuteronomio 13:7

tä yë Wintsëntëjkëty yë nyaax kyajpnëtyën mëti'ipë mëwinkon'ajtëpën, ëkë mëti'ipë jëkämën ets mëti'ipë yajpatpën wiink naax wiink kajpn,