Jeremias 44:14 - Biblia Dc en Mixe de Quetzaltepec

¹⁴ Tääpë Judá ja'ayëty jyaakjuuky'atën, nitu'uk nëjkx kyatso'oktë jap Egiptë, ni pën nëjkx kyawë'ëmy juuky. Ets oy ënety jya'ënantëpë wyimpita'antë jatëkok, ka'ap nëjkx tjëkyepy wyimpitë; wä'än jëtää yi'iyë wyimpitëty mëti'ipë ënety jap oywyi'ix jaakkäktëpën.

Biblia Mixe de Quetzaltepec

¹⁴ Tääpë Judá ja'ayëty jyaakjuuky'atën, nitu'uk nëjkx kyatso'oktë jap Egiptë, ni pën nëjkx kyawë'ëmy juuky. Ets oy ënäty jya'ënantëpë wyimpita'antë jatëkok, ka'ap nëjkx tjëkyepy wyimpitë; wä'än jëtää yi'iyë wyimpitëty mëti'ipë ënäty jap oywyi'ix jaakkäktëpën.

Jeremias 44:14 ပူးပေါင်းရင်းမြစ်များ

Isaías 10:20

Ja niwäänëpë ënety të jyaakwë'ëmtën ja Israel ja'ayëty ets ja Jacob ja y'u'unk y'ok mëti'ipë jaakyajpatëpën juuky, ka'ap nëjkx t'ëktukjotkujk'ajnëtë mëti'ipë ënety o'ktëy të tyunëtën, yë'ë nëjkx tuk'ijxpätë ja Wintsën, ja Wa'atspë, mëti'ipë yajpatpën ma Israel ja'ayëtyën.

Isaías 4:2

Jä'ä xëëw ma ënety ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënety ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Jeremias 22:10

Këtii xynyiya'axtë yë Josías yajkutujkpë, këtii xynyiya'axtë ko të y'o'knë; yë'ë niya'axtë yë myaank Salum, jä'ä ko ënety tsyoony ka'ap nijëna'a y'ëkwinpitanë, ka'ap nëjkx t'ëk'ijxnë nijëna'a yë nyaax kyajpn ma të myëxu'unk'atyën. Jä'ä ko yë Wintsën jëtu'un tnikäjpxy yë Salum, Josías yë myaank mëti'ipë jam Judá yajkutujkpën, mëti'ipë ja tyeety kyutëjkëyën ma ënä'ämtaknën ko y'o'ky ets mëti'ipë të tsyoonyën yaa: Ka'ap nëjkx nijëna'a y'ëkwinpijnë,

Jeremias 42:17

Tu'kë'ëyë mëti'ipë ënantëpën ko jap Egiptë nyëjkxa'antë tsënääpyë, jëën tsip, yuu xëëw ets pa'am ëyo'on nëjkx yaj'ookëtë. Ni pën juuky kyawë'ëma'any, ni pën nëjkx tkakuke'eky ja ëyo'on jotmay mëti'ipë ntuknikäxantëpën.

Jeremias 42:22

Tyam myaj'ënëëmëtë, ko ja'akyukëtë yajxon: yë jëën tsip, yuu xëëw ets ja pa'am ëyo'on, yë'ë myaj'ookan myajtëkoyanëtëp ma ja naax kajpnën ma m'ëna'antën mnëjkxa'antën tsënääpyë.

Jeremias 44:26

E miitsëty Judá ja'ayëty nijënu'un yaa Egiptë mtsëënëtën, mëtowtë ya'atë aaw ayuk: Ëjts, mëti'ipë Wintsën'ajtpën, jëtu'unës n'ëna'any: nmëj xëëwës ntukajpxpejtyp, ko nitu'uk yë Judá ja'ay nëjkx ja nxëëwës jatëkok tkakajpxpaaty yaa ma Egiptë kajpnën ets ka'ap nëjkx nijëna'a y'ëk'ënanë pën: Mëët ja Wintsën ja jyuukyajtën.

Ezequiel 20:38

Nyajjëwa'akäämpyës ma miitsëtyën yë käjpxy kumëtoownajxpë ets mëti'ipë ëxëëk ëtëtstëpën ets nyajtso'onta'aja'anyës ma yajpaatën wiink naax wiink kajpn ma tyam tsyëënëtën; je'eyëp ko yë'ëjëty ka'ap tyëkëja'antë ma Israel yë nyaaxjotmën. Ënet xynyijawëtëty ko ëjts Wintsën.

Ezequiel 6:8

Nyajtso'okäänpyës ja'ay nitu'uk nimäjtsk mëti'ipë ënety të kyäktso'oktën wiink naax wiink kajpn.

Mateo 23:33

Jëtu'un miitsëty tä tsa'anyën, tsa'any mteety'ajt mtaak'ajtëp, ¿wi'ix xykyukä'äka'antë ja tëytyu'unën mëti'ipë jap ëyoowtaknjoty?

Romanos 2:3

Ijxtëm mijtsën, ko ja mmëku'uk ja pyoky xypyaye'eyë ets näjyëtu'un mpokytyuny ijxtëm yë'ëjëtyën, këtii m'ënaanpëty ko ka'ap ja mpoky xykyumëtowa'any.

Romanos 9:27

Mëëtpë ja jutiis ja'ayëty, jëtu'un ja Isaías y'ënäny: Oy ja jutiis ja'ay jyamay'atë ja y'u'unk y'okëty, ijxtëm ja jinën mëti'ipë mejypyë'aayën, niwäänë nëjkx tpaatë ja nitsokën,

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.