Jeremias 44:12 - Biblia Dc en Mixe de Quetzaltepec

¹² Ëjts nyajkutukäämpyës ko ja Judá ja'ayëty mëti'ipë të wyë'ëmtën ets y'ëna'antë ko jap Egiptë nyëjkxa'antë tsënääpyë, jap nëjkx y'o'kta'atë. Ni'ëmukë nëjkx y'o'kta'atë, mëj mutsk; tam mëti'ipë nëjkx y'ookyën tsipjotm ets mëti'ipë yuu ookaanpën ets ijxpäjtën nëjkx wyë'ëmtë ko të yajpoktë, ko o'ktëy të jyat të kyëpätë. Ko yaj'ixtëty, je'eyë nëjkx yajtsë'ëkëtë.

Biblia Mixe de Quetzaltepec

¹² Ëjts nyajkutukäämpyës ko ja Judá ja'ayëty mëti'ipë të wyë'ëmtën ets y'ëna'antë ko jap Egiptë nyëjkxa'antë tsënääpyë, jap nëjkx y'o'kta'atë. Ni'ëmukë nëjkx y'o'kta'atë, mëj mutsk; tam mëti'ipë nëjkx y'ookyën tsipjotm ets mëti'ipë yuu ookaanpën ets ijxpäjtën nëjkx wyë'ëmtë ko të yajpoktë, ko o'ktëy të jyat të kyëpätë. Ko yaj'ixtëty, je'eyë nëjkx yajtsë'ëkëtë.

Jeremias 44:12 ပူးပေါင်းရင်းမြစ်များ

Isaías 1:28

Apux tukpuxës ntuna'any mëti'ipë käjpxy kyumëtoownajxtëpën, ets mëti'ipës ënety xy'ëxmajtstëpën nëjkxëp y'ooktë.

Isaías 65:15

Ja nja'ayës nëjkxëp tkajpxpaatë ja mxëëw ko ënety pën tpoktë ëkë ko ënety tsoktë pën y'ookëty. Ja ntuunpëtëjkës nyajtëkatsanëpës ja xyëëw.

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 18:16

ets anë'ëk tëëtsë'ëk ja nyaax kyajpn të tyaj'awinpity, je'eyë yajnimony yajnituky. Ko ja'ay jam nyaxtë, je'eyë kyëpajk tjëpiptë jä'ä ko ka'ap tja'akyukëtë tii ko o'ktëy ja naax kajpn jyajnë.

Jeremias 24:9

Ëjts nyajkutukäämpy ets wiinkëtypë naax kajpn y'ëxëëk'ixëtëty mëti'ipë wiink naaxwiinyëtë yajpatëpën ets ijxpät wya'anëty ko ënety ëxëëk të jyatë, ko ënety ni pën kyatsokëtë, ko ënety ja'ay y'ëxëëk'ixëtë ets ko ënety të yajpoktë ma tu'kë'ëyë ja naax kajpnën ma awojpwä'kxy y'itën.

Jeremias 26:6

ënätës ya'atë tsajptëjk jëtu'un ntuna'any tä jam Siló jyäjty kyëpejtyën ets nëjkx ijxpäjtën wyi'imy ko të yajpoky ma wiinkëtypë naax kajpnën mëti'ipë naaxwiinyëtë yajpatëpën.

Jeremias 29:18

Yë'ë mëët npajëtita'antës tsip, yuu xëëw ets pa'am ëyo'on. Ëjts nyajkutukäämpyës ets naax kajpn wiinkëtypë tsyë'ëkëtëty jyawëtëty ko ënety t'ixtë ets ijxpät wyë'ëmtëty ma ja naax kajpnëtyën ko tëë yajpoktë ets wintsëtyu'un jëjptsëtyu'un të wyë'ëmtë, mëti'ipë nëjkx yë naax kajpn tsë'ëkëtën ets tmëkjawëtën ko ënety tëë n'ëxwoptës ets të nwojpwa'kxtës.

Jeremias 29:22

E ko ënety yë Judá ja'ayëty pën tpoktë mëti'ipë jam Babilonyë yajpatëpën tsumy matsy, jëtu'un nëjkx y'ëna'antë: Yë Wintsën mtëytyunëtëp ijxtëm tëytyuunyën yë Sedequías ets Ahab, mëti'ipë yë Babilonyë yajkutujkpë yajjëëntëtsën.

Jeremias 42:1

Ënet myujktaaytyë ja tsiptuunpë wintsëntëjkëty, yë Johanán, yë Caréah myaank, yë Azarías, yë Hosaías yë myaank ets ni'ëmukë yë ja'ayëty mëjpë mutskpë,

Jeremias 42:22

Tyam myaj'ënëëmëtë, ko ja'akyukëtë yajxon: yë jëën tsip, yuu xëëw ets ja pa'am ëyo'on, yë'ë myaj'ookan myajtëkoyanëtëp ma ja naax kajpnën ma m'ëna'antën mnëjkxa'antën tsënääpyë.

Jeremias 43:11

Ko ënety yë'ë myiny, nëjkxëp tyajkutëkooytyä'äy yë Egiptë kajpn. Mëti'ipë të nyitukëtën y'ooktëty, nëjkxëp y'ooktë; mëti'ipë të nyitukëtën yajmënëjkxtëty tsumy matsy wiink naax wiink kajpn, nëjkxëp yajmënëjkxtë tsumy matsy wiink naax wiink kajpn ets mëti'ipë ënety të nyitukëtën y'ooktëty tsipjoty, tsipjoty nëjkx y'ooktë.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Oseas 4:6

Yë nnaax nkajpnës ka'apës xy'ix'aty paaty të kyutëkoy. Ets mijts teety, mëët ko të xy'ixtijy ja nija'awënës ntëyajtënës, n'ixtijpy yam näjyëtu'un ma teety'ajtkën. Mijts, mëët ko të xyjyä'äytyëkoy oypyë n'ijxpëjkënës mëti'ipë Dios jyä'ä'ajtypyën, nja'atyëkoyäämpyës yë m'u'unk m'ok näjyëtu'un.

Oseas 9:6

Yë'ëjëty tëë tkukakta'atë ja kutëko'oyën; Egiptë ja'ay nëjkx yajmukëtë ets nëjkx yajnaaxtëkëyëtë jam Menfis. Nëjkxëp yë pyoop pujxnmeeny nyi'ëëxyoonta'ay ets ma ënety jam yë myëtsip tna'ityën äpny nëjkx jam yoontäkta'ay.

Zacarías 8:13

Jëtu'un tä ojts miitsëty Judá ja'ayëty ets Israel ja'ayëty akäjpxy m'itën wiink naax wiink kajpn ko pën yajpoky, tyam jëtu'un miitsëty nyajtso'oka'antë ets akäjpxy m'ita'antë ko ënety pën yajkënu'kxy. Këtii mtsë'ëkëtë. Jotmëk näpyëjkta'akëtë.