Jeremias 43:2 - Biblia Dc en Mixe de Quetzaltepec

² tä yë Azarías, yë Hosaías yë myaank, yë Johanán, yë Caréah myaank ets wiinkëtypë ja'ayëty amëj akëjxmëpë jyä'äy'atën, jëtu'un t'ënëmaaytyë ja Jeremías: Mëti'ipë mnimëtyäkpyën ka'ap myëtëyëty. Yë Wintsën mëti'ipës nTios'ajtëpën, ka'ap jyëtu'unëty të m'ënë'ëmxëty ets ka'ap të y'ënä'äny ets ka'ap nnëjkxtëtyës jap Egiptë tsënääpyë.

Biblia Mixe de Quetzaltepec

² tä yë Azarías, yë Hosaías yë myaank, yë Johanán, yë Caréah myaank ets wiinkëtypë ja'ayëty amëj akëjxmëpë jyä'äy'atën, jëtu'un t'ënëmaaytyë ja Jeremías: Mëti'ipë mnimëtyäkpyën ka'ap myëtëyëty. Yë Wintsën mëti'ipës nTios'ajtëpën, ka'ap jyëtu'unëty të m'ënë'ëmxëty ets ka'ap të y'ënä'äny ets ka'ap nnëjkxtëtyës jap Egiptë tsënääpyë.

Jeremias 43:2 ပူးပေါင်းရင်းမြစ်များ

Génesis 19:14

Ënet ojts ja Lot tninëjkxy ja nimäjtskpë ja myë't, yë'ë mëti'ipë ënety pëkantëpën mëët ja nyëëx ets t'ënëmaay: Pëtë'ëktë ets kä'äktë ma ya'atë kajpnën, jä'ä ko yajkutëkoyäämpy yë Wintsën ya'atë kajpn tyam. Yë myë'tëty ninu'un ojts tkamëjpëjkta'aktë ja Lot ja y'aaw y'ayuk.

2 Crónicas 36:13

Ënet ojts tmëtsiptsoony ja yajkutujkpë Nabucodonosor, mëti'ipë ënety të tyuknikäjpxyën mëët ja Wintsën xyëëwkyëjxm ko tu'ukyë nyäyaj'ita'anëtë ets tu'ukyë ja winma'any tmëët'ata'any ko ka'ap tnijootwinpita'any ja Wintsën, mëti'ipë ja Israel ja'ayëty Tyios'ajtëpën.

Salmos 119:21

Mijts ënätyë xy'ojy yë ja'ay mëti'ipë ëxëëk ëtëtsp ënaanpën ets mëti'ipë pokyëtyën, mëti'ipë ka'ap tunyën këwentë yë m'ënä'ämën mtëyajtën.

Salmos 12:3

Wintsën, wijxë'ëk mëët yë tyikts, mëti'ipë wiinkë'ëy akë'ëy tii nyimëtyäkpyën, ets je'eyë tii tyajmëtoyë,

Salmos 123:4

Tëës jeky ëxëëk njatë nkëpätë ko je'eyë xynyëxi'ik xytyukxi'iktës ja kumeenyjyä'äytyëjkëty, mëti'ipë amëj akëjxm ja'ay'ajtëpën ets ixtijy ëxwa'anyës xyaj'itë.

Éxodo 5:2

Ënet ja mëj'ënä'ämpë y'ëtsooy. ¿Pën Wintsënëtën m'antijpy ets pën timyë'ënë etsës ënät nmëmëtowëty ëkë etsës ënät yam najtsmajtsëpëty yë Israel ja'ayëty? Tääpë wintsën xynyikäjpxyën, ka'apës n'ixy'äty ets näy ka'apës yam n'ëxmatsëty yë Israel ja'ayëty.

Éxodo 9:17

E oy jyajëtu'unëty, mijts je'eyë yowë nëkoo mtimjäntykyujuun'o'knë, oy xyjya'ixy ko yë ëyo'on jyatuny jyajatyë.

Proverbios 16:5

Yë Dios ka'ap t'oy'ixy yë ja'ay mëti'ipë amëj akëjxm ja'ay'ajtpën; wäänë y'ita'any ets yajtëytyunëty.

Proverbios 30:9

Jä'ä koos nëkooyë mëj këjää winë nmëët'atëty, tsojk mijts nja'atyëkoya'anëty ets n'ënanëtyës ko ka'ap n'ixy'äty; e koos ntim'ëyoowni'ikëty tsojkës ntëjkënëty mä'tspë ets jëtu'un nyajtëkooynyëtyës ja wintsë'kën ma mkënu'kxyxyëëwën.

Proverbios 6:17

ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Isaías 7:9

Yë Efraín ja'ayëty Samaria nikopk'ajtëtëp, yë Samaria ja'ayëty Remalías nikopk'ajtëtëp. Pën miitsëty ka'apës yë n'aaw n'ayuk xymyëpëjkëtë, tyam yajxon ntimy'ënëëmëtë ko nëjkxëp mkutëkooytya'atë.

Isaías 9:8

Tëë ja Wintsën tnikäjpxykyäxë yë Israel kajpn, ets Jacob yë kyajpn;

Jeremias 13:15

Miitsëty Israel ja'ayëty, ja'akyukëtë wi'ix yë Wintsën të y'ënä'änyën. Këtii janty mëj janty këjxm mtimnyäjyawëty, yajxon ja'akyukë.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Jeremias 40:8

ënät ojts nyëjkxtë mëët yë jyä'äy jam Mizpá ma ja Guedalías yajpaatyën. Ojts nyëjkxtë yë Ismael, yë Netanías yë myaank; yë Johanán ets Jonatán, yë Caréah yë myaank; yë Seraías, yë Tanhúmet yë myaank; yë Efai y'u'unk y'ëna'k mëti'ipë Netofá tso'onpën; ets Jezanías, yë jyä'äy mëti'ipë jam yë tyeety kukajpn'ajtpën Maacat, mëët yë jyä'äy.

Jeremias 41:16

E yë Johanán mëët yë tsyiptuunpë wintsëntëjkëty, yë'ë ojts tmënëjkxtë ja tsiptuunpëtëjk, ja to'oxytyëjkëty, ja pi'k ëna'këty ets ja wintsëntëjkëty mëti'ipë ja Ismael ënety tsumy matsy të tyajtsoonyën jam Mispá ko tyaj'o'ky ja Guedalías; ya'atë ja'ayëty yë'ë ojts yë Johanán kyë'ëtëkëty ets twoowtso'ony jam Gabaón.

Jeremias 41:18

yë'ë kyukäktëp ja Caldeo ja'ayëty jä'ä ko tëë ënety yë Ismael tyaj'ooky yë Guedalías, mëti'ipë ja Babilonyë yajkutujkpë të tpëjktä'äkyën y'ënä'ämëty ma ja naax kajpnën.

Jeremias 42:1

Ënet myujktaaytyë ja tsiptuunpë wintsëntëjkëty, yë Johanán, yë Caréah myaank, yë Azarías, yë Hosaías yë myaank ets ni'ëmukë yë ja'ayëty mëjpë mutskpë,

Jeremias 42:20

Miitsëty mëj këjää mtëkoytyë, miitsëty ojts kë'ëm m'ëna'antë koos yë Wintsën nmëkajpxëty mëti'ipë mTiosajtëpën, kë'ëm të xy'ëk'ënëëmëtës: Mënu'kxta'ak yë Wintsën mëti'ipës nTios'ajtëpën mëët ëëtskyëjxmëty ets ënät xytyuknijawëtëtyës wi'ix y'ëtsoyën ets jëtu'un winë ntuntëtyës.

Jeremias 42:5

Ënet t'ëtsoowtë ja Jeremías: Yë mWintsën Dios yë'ë y'ixëp nyijawëp ko ënety ëëtsëty tii oy nkatuntës ijxtëm yë'ë xytyuk'ënä'ämtënës.

Jeremias 43:1

Ko yë Jeremías tukmëmëtyaktaay ja naax kajpn wi'ix ënety ja Wintsën të y'ëtsoowinpityën, mëti'ipë yë'ëjëty Tyios'ajtëpën,

Jeremias 44:16

Ëëtsëty ka'apës nmëjpëjkta'aka'antë tääpë aaw ayuk mëti'ipë Wintsën të mmo'oyën.

Santiago 4:6

Ets ka'ap yi'iyëty ya'atë, wäänëni'ik ja Dios ja mëyajtën tuny ma ëëtsajtëmën ets xypyutëjkëmë, paaty ja Dios ja y'aaw y'ayuk këxja'aypyë y'ënä'äny: Dios tyukjoot'anpëjkpy ja ja'ay mëti'ipë mëj këjxm nnäyjya'awëyëpën ets pyutëjkëp mëti'ipë yujy tëtä'äky ja'ay'ajtpën.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.