Jeremias 43:12 - Biblia Dc en Mixe de Quetzaltepec

¹² Nëjkxëp tnino'kta'ay ja tsajptëjk Egiptë kajpnjotypë yajpaatyën mëët ja nyi'awinax ets ja nyisantë, nëjkxëp näjyëtu'un tnino'kta'ay yë tyiosëty ets jëtu'un nëjkx wiink naax wiink kajpn yajmënëjkxnë tsumy matsy tä ja'ayën. Pätë'ëky ja'axë'ëkpyë nëjkx ja Egiptë kajpn tyajwë'ëmy jëtu'un tä tu'uk yë kupixyny këwent'ajtpë tyajwa'atsyën yë wyit ko ooty tyukpetyë. Tä wyimpitankojnëty ets ka'ap pën myäyëtëty y'ëtukëtëty.

Biblia Mixe de Quetzaltepec

¹² Nëjkxëp tnino'kta'ay ja tsajptëjk Egiptë kajpnjotypë yajpaatyën mëët ja nyi'awinax ets ja nyisantë, nëjkxëp näjyëtu'un tnino'kta'ay yë tyiosëty ets jëtu'un nëjkx wiink naax wiink kajpn yajmënëjkxnë tsumy matsy tä ja'ayën. Pätë'ëky ja'axë'ëkpyë nëjkx ja Egiptë kajpn tyajwë'ëmy jëtu'un tä tu'uk yë kupixyny këwent'ajtpë tyajwa'atsyën yë wyit ko ooty tyukpetyë. Tä wyimpitankojnëty ets ka'ap pën myäyëtëty y'ëtukëtëty.

Jeremias 43:12 ပူးပေါင်းရင်းမြစ်များ

2 Samuel 5:21

Ko yë filistejë ja'ayëty t'ijxtë ko ka'ap y'ëkmëta'akanëtë, tääts jëtu'unyë tnikääkjojktë ja y'apëjk y'atu'unën, ja nyaaxpotsyëty ets ja kyepy tyetsyëty mëti'ipë ijty y'ëwtajtëpën, e ja David yë'ë ojts tpëjkmujkta'ay.

Ester 6:9

Ja wit ets ja kwaay, yë'ë yajtukë'ëtëkëp tu'uk yë yajkutujkpë wyintsën ets yë'ë txoxëty ja ja'ay mëti'ipë yajkukajpxëpën ets nëjkx twijtsjëtity tu'kkajpn jot, tääts ya'axëty jyokëty mëk: Jëtu'un mëpaat yajkukajpxë ja ja'ay mëti'ipë ja yajkutujkpë y'oyjya'apën.

Job 40:10

Pën jëtu'un, oy mnäyajnaxëtëty mëj'äämpy ets mëj këjxm, yaj'ixët ja mëj'ajt m'oyajtën ets ja mtë'kxën mjajën.

Salmos 104:2

yë mtë'kxën mjajën këjääpaat tukjajëtyä'äy winë. Jëtu'un yë tsajp të xypyëjktä'äky tä ja'ay wit tyä'ptëyën.

Salmos 132:16

Nkënu'kxäämpyës yë teetyëjk mëti'ipë jap tuuntëpën tsajptëkoty, ëjts nyajkutukäämpy ets xyi'iktëty xyontëty mëët ja xoontakën mëti'ipë oy mmëtuunëpën.

Salmos 132:18

Tëkokyë ja myëtsiptëjk tsëtyu'unmëëtës nyajwë'ëma'any e yë'ë mëj'äämpy y'ita'any.

Éxodo 12:12

Näy jä'ä tsu'umës ëjts njëtita'any jap Egiptë winjëën wintëjk etsës nyaj'o'kta'aja'any tëkokyë yë kä'äxkopktëjk maajaty yë jëën tëjkën. Näyjyëtu'unës nyaj'o'kta'aja'any tëkokyë yë jëyujkëty yë kyä'äxkopkëty etsës ntëytyuuntaja'any tëkokyë mëti'ipë tios'ajtëpën Egiptë. Ëjts, mëti'ipë Wintsën'ajtpën, ëjts ënaanp.

Isaías 19:1

Ixtë wi'ix ja Wintsën tniminyën ja Egiptë ja'ayëty yootsjoty. Ja awinax jëtu'unyë tsyëtyuupyëjkta'atë ko t'ixtë myiny ja Wintsën, ja Egiptë ja'ayëty nän yajxon tsyë'kënëtë.

Isaías 21:9

Koos të n'ijxpaaty tu'uk kepy wintëkäämpë të myiny mëti'ipë nimäjtsk kwaay pajëtujtëpën, ja mëti'ipë jam kyëwaaykyijxy ënyääytyëpën tu'uk të kyäjpxy ets të y'ënä'äny: Tëë ja yajnitëkë, tëë ja yajnitëkë ja Babilonyë kajpn, ka'ap të myëtä'äky. Tëë tyukpu'ujëtyä'äy mëti'ipë ijty y'ëwtajtëpën.

Isaías 46:1

Wintakp naaxkoop yë Bel, yë Nebo ka'ap nitii t'ëktuunë; Jëyujk këjxy yajmënëjkxtë yë y'awinaxëty, je'emty yë jëyujk tjawëtë mëti'ipë të y'ënu'kxëtën.

Isaías 46:2

Tam ja awinax mëti'ipë u'upyën ets tam mëti'ipë tëë tyëjwä'kxyën, ka'ap tjëkyepy wi'ix nyäyajtso'okëtëty, ets yë'ëjëty jam yajmënëjkxtë të'ëts'itjotm.

Isaías 49:18

Ijxë'ëk ets xy'ixëty wi'ix ja ja'ay ye'eymyuktën ets mniminyën. Ëjts Wintsën, njuukyajtënës ntukajpxpejtyp, ko tu'kë'ëyë yë'ëjëty jëtu'un tä kë'ëjiitsën, nantsëmën ets kujänën mëti'ipë yë to'oxytyëjk nätyuk'oytyuunëpën ko pyëka'any.

Isaías 52:1

Ëkma'aywyij, ëkma'aywyij, mijts Sión Kajpn, jotmëk näpyëjkta'akët. Jerusalén kajpn, ja wa'ats kajpn, näxyoxët mëët ja oywyit; jä'ä ko ja ëxëëk ja'ayëty ka'ap jam jatëkok tyëkëja'antë ma mijtsën.

Isaías 59:17

Ko myëtäky, jëtu'un nyäjxy tä jeexyë të yajtuknijenyën pujxn nijän; ko tyajnaaxkëtäky ja nitsokën jëtu'un nyäjxy tä jeexyë pyujxnkujup të yajpëjktä'äkyën, ko tyaj'o'ktaay ja myëtsip jëtu'un nyäjxy tä jeexyë ja jyemwyit të yajtukxoxyën mëti'ipë yajkutujkpëtëjk pyëjktaktëpën ets ko jyoot'anpëjky jëtu'un nyäjxy tä jeexyë yë wit të nyätyukwinpityën.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Isaías 61:5

Nëjkxëp ja jaaypyo'kxyjyä'äy tkëwent'atë ja mkam mtu'u ets mjëyujk mtsajpkaa.

Jeremias 10:11

Miitsëty, Israel ja'ayëty, ënëëmëtë yë ja'ayëty mëti'ipë ka'ap ja Dios t'ëwtatën: Yë tiostëjkëty mëti'ipë ka'ap tyajkojtën yë tsajp ets naaxwiinyëtë, tëkooytya'ajantëp yë'ëjëty, nitu'uk kyawë'ëma'antë tsajp pa'tkë'ëy.

Jeremias 10:15

ka'ap nitii tsowajtën tmëëtëty ets ëxëëk oytyukxiknë yaj'ixy. Ko ënety ja Wintsën tii tnipaye'ey, jää tyajkutëkoyä'äny yë awinax.

Jeremias 25:19

Tëës näjyëtu'un ntuk'uuky yë faraón, mëti'ipë jap Egiptë ënä'ämpën, mëët yë wyintsëntëjk ets tyuunpëtëjk ets tu'kë'ëyë jyä'äy,

Jeremias 43:13

Yajkutëkooytya'ajäämpy ja xeny kënu'kxypyë tmëët'atën jap Egiptë ets nyino'kta'ajäämpy tëkokyë yë tsajptëjk ma ja Egiptë ja'ay yë y'awinax t'ëwtatën.

Jeremias 46:25

Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Ëjts ntëytyunäämpyës yë Amón, mëti'ipë yë Tebas ja'ayëty y'ëwtajtëpën, ntëytyunäämpyës yë Egiptë ja'ayëty mëët ni'ëmukë yë tyiosëty ets yajkutujkpëtëjk ets y'ënä'ämpëtëjk ets ni'ëmukë mëti'ipë tyuk'ijxpäjtëpën.

Jeremias 48:7

Miitsëty Moab ja'ayëty, yë'ë të xytyuk'ijxpätë ko të mjotmëk'atë ets ko mkumeeny'atë, e pyätyp ja xëëw jëna'a myajmëmëta'aka'antën. Yë Quemós mëti'ipë m'ëwtajtëpën, yajmënëjkxaanp wiink naax wiink kajpn, mëët ja teetytyëjkëty ets ja ja'ayëty mëti'ipë mëj'äämpy ijtëpën.

Jeremias 49:27

Njëënmo'ojäämpyës yë Damaskë kajpn ets Ben-hadad kajpn yë kyumoontëjk.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Ezequiel 29:11

Ka'ap nëjkx jam nyaxtë ja'ay ets jëyujk. Wëxtyikxy jëmëjt jëtu'un y'itëty ni pën jam kyatsëënëty.

Ezequiel 29:19

Paaty ëjts maas nWintsën'atyën, jëtu'unës n'ëna'any: Ëjts nyajkutukäämpy ets Nabucodonosor tnitëkëty yë Egiptë kajpn ets tpëjkëty yë kyumeenyajtën ets tëkokyë jënu'un winë tmëëtëtyën; mëti'ipë mye'tsypyën yë'ëts tyukmëjuyëp ja tsyiptuunpëtëjk mëti'ipë jam yajtsiptuumpyën.

Ezequiel 30:13

Ëjts Wintsën, jëtu'unës n'ëna'any: Nyajkutëkoyäämpyës yë awinax ets nyajkëxäämpyës ka'apë tiosëty jampë Menfis yajpaatën. Ka'ap nëjkx yë Egiptë t'ëkmëët'ajnë pën ënä'ämëtëpën ets tsë'ëkë mëët nëjkx xëmë yajpaaty ja naax kajpn.

Daniel 11:8

Ets nëjkx tmënëjkxta'ay jap Egiptë ja tyiosëty, ja y'awinaxëty mëti'ipë oytyunyëtyën mëët yë pujxn win'ëëtypë ets tëkokyë ja mëët ja pu'ts pujxnëty, poop pujxnëty. Nëjkxëp jëtu'un jekytyëkë y'ity ka'ap maa tsip käjpxy.

Sofonías 2:11

Atsë'ëk ajawë yë Dios tyuna'anëtë. Yajkutëkooytya'ajäämpyë yë tios mëti'ipë ja'ay y'ëwtajtëpën ets yë'ë nëjkx tu'ukyë yaj'ëwtaty oymyaajëty.

Romanos 13:12

Tëë ja tsu'um'it nyajxnë, jëtu'un tyamnë ijxtëm jeexyë xyiinyëjanën, paaty ka'ap n'ëkpokytyu'unënëty, ka'ap n'ëk'ijtënëty akootstuuy; wä'än nyajpatëmë ajajtuuy ijxtëm tu'uk ja tsiptuunpë y'ijx'ity kyëwent'atyën.

Efesios 4:24

ets ja jempyë juukyajtën xyajtso'onta'aktëty ijxtëm ja Dios të tuknipëjktaakën ko të nyäyaj'akojnaxyë ets nyikëxë'ëkëty ja mëtëypyë juukyajtën oypyë wa'atspë.

Efesios 6:11

Nekyuwa'anëtë jëtu'un ijxtëm ja tsiptuunpë nyäxyoxëtën ko tsyiptuna'antë. Jëtu'un näkyëwent'atëtë mëët ja mëk'ajtën mëti'ipë Dios të mmo'ojëtën këtiipë ja mëjku'u wyinma'anypyaatëty wi'ix myajpokytyunëtëty.

Colosenses 3:12

Mëk miits yë Dios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

Colosenses 3:14

Nätsyokëtë ni'ëmukë, jä'ä ko yë'ëkyëjxm ja ja'ay tu'ukyë y'itë ko nyätsyokëtë nyämyäyëtë.