Jeremias 42:6 - Biblia Dc en Mixe de Quetzaltepec

⁶ Oy ëëts n'oyjyawë nka'oyjyawëtëty wi'ix y'ëtsoyën, yë nWintsën'ajtëm Dios, yë'ëjës nmëmëtowantëp mëti'ipë yaj'awa'kpën ets oy tsuj njuuky'atëtyës.

Biblia Mixe de Quetzaltepec

⁶ Oy ëëts n'oyjyawë nka'oyjyawëtëty wi'ix y'ëtsoyën, yë nWintsën'ajtëm Tios, yë'ëjës nmëmëtowantëp mëti'ipë yaj'awa'kpën ets oy tsuj njuuky'atëtyës.

Jeremias 42:6 ပူးပေါင်းရင်းမြစ်များ

Jeremias 7:23

Mëti'ipës tëy ojts ntuk'ënä'ämtën, yë'ë etsës xymyëmëtowtëty; jëtu'unës ëjts nTyios'atëty ma yë'ëjëtyën ets yë'ë kyajpn'atëty maas ëjtsën. Ets n'ënëmaaytyës oy winë tuntëty tkajpxtëty jëtu'un tääjës të ntuk'ënä'ämtën, tääts oy winë wyimpëtsë'ëm jyëjpëtsë'ëmxëtëty.

Deuteronomio 5:29

Jëtu'un jeexyë xëmë myäytyë tyajtë etsës jeexyë xywyinkutsë'ëkëtë ets tpatuntëty yë n'ënä'ämënës ntëyajtënës winjëpom, ko jeexyë y'ëkjëtu'un'aty janty jotkujk jeexyë jyuuky'atë winë xëëw winë jëmëjt ets näjyëtu'un ja y'u'unk y'ëna'këty.

Romanos 8:7

Pën myääytyëp tyajtëp mëti'ipë ja ni'kx kopk tsyojkpyën, myëtsip'ajtëp ja Dios, jä'ä ko ka'ap ja Dios ja y'ënä'ämën tsojkëtë ets ka'ap tpatuunëtë.

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Romanos 7:13

E jyëkyejpy ënät n'ëna'anmëty, ¿ya'atë mëti'ipë ënety oyën, yë'ëjës të xytyukpaaty ja o'kënë? Niwi'ix'äämpy. Ja poky, paaty yaj'ooky ets jëtu'un tyajnikëxë'ëky ko poky yajtuny, je'eyëp ko yë'ë tyukkajpxpejtyp ja ënä'ämën ets yaj'ixëty oy yowë. Jëtu'unts ja ënä'ämën të tyajnikëxë'ëky wi'ix y'ëxëëkëtyën ja poky.

Romanos 7:7

¿E jyëkyejpy n'ëna'anmëty ko jyää'aty ja ënä'ämën paaty jyää'aty ja pokyë? Niwi'ix'äämpy. Je'eyëp ko ja ënä'ämën jeexyë kyaka'ty, ka'ap jeexyë ëjts nijawë tii poky'ajtp. Ka'apës jeexyë të nijawë ko tii yaj'atsoky poky yë'ë, ko jeexyë ka'ap ja ënä'ämën y'ënä'äny këtii m'atsokëty.

Isaías 3:10

Ja ja'ay mëti'ipë mëtëy juukyajtpën jotkujk yajpaaty, oy winë wyinpëtsë'ëm jyëjpëtsë'ëmxëty ets yë'ë tyukjotkujk'ajtyp ko winë oy tuny.

Salmos 128:2

Yë'ë mjë'kxëp mëti'ipë myajnimëjaawtäkpyën, janty jotkujk myajpaatëty ets oy tsuj mjuuky'atëty.

Josue 24:24

Ets ja mayjyä'äy y'ëtsoowtë: Ëëtsëty yë Wintsën nmëtunantëpës ets ntunantëpës mëti'ipë yë'ë nyikäjpxypën.

Éxodo 24:7

Tä ojts tu'uk ja noky tkoonë'ëky ma jap myinyën këxja'ay ja aaw ayuk ma ja käjpxytyu'unën ojts tuntën mëët ja Dios, ojts tukwinkukajpxë ja naax kajpn ets y'ëtsoowtë. Nja'akyukëjantëp ëëtsëty mëti'ipë ja Dios të tni'ënä'ämën.

Deuteronomio 5:27

Niikë mijts ninëjkx ets winkon xymyëtowëty mëti'ipë Wintsën nyikajpxäämpyën ets mijts xytyuk'ëwaanëtëtyës mëti'ipë të mtukmëmëtyä'äkyën, tyam ëëts npatuntëty pën tii yë'ë xytyuk'ënä'ämtëpës.

Jeremias 22:15

¿Jëtu'un mmay mtajyë ko tu'uk yajkutujkpë ajë kepynyawopy mëpaat y'ëne'emyë? Yë mteety oy ojts jyuuky'äty jä'äkyëjxm ko oy ojts winë tnipaye'ey ets mëtëy win tuuny, paatykyëjxm jotkujk jyuuky'äjty.

Jeremias 43:4

E paaty ojts ka'ap pën wyi'imy tsënääpyë jam Judá, yë'ëpaat yë Johanán, tsiptuunpë wintsën ets ja ja'ayëty ja wiinktsowpë tsyoontën, ni'ikyë ojts ja Wintsën tkäjpxykyutëjtë.

Salmos 78:36

E nëkoopë ja tyajmëtowëtë, jä'ä ko aak antaktëp ënety je'eyë,