Jeremias 42:19 - Biblia Dc en Mixe de Quetzaltepec

¹⁹ Miitsëty nijënu'un mjaakwë'ëmtën yaa Judá, jëtu'un yë Wintsën m'ënë'ëmxëtë ko këtii mnëjkxtëty jap Egiptë. Yajxon tim nijawëtë ets tyam myajtuk'ëwaanëtë.

Biblia Mixe de Quetzaltepec

¹⁹ Miitsëty nijënu'un mjaakwë'ëmtën yaa Judá, jëtu'un yë Wintsën m'ënë'ëmxëtë ko këtii mnëjkxtëty jap Egiptë. Yajxon tim nijawëtë ets tyam myajtuk'ëwaanëtë.

Jeremias 42:19 ပူးပေါင်းရင်းမြစ်များ

2 Crónicas 24:19

yë Wintsën ojts tyuunpëtëjk tjakexy mëti'ipë ja ënëmaayëtën ets jyotwinpitëty, yë'ëjëty ka'ap kyäjpxyjyä'äykyujkëtyë.

Nehemías 9:26

Je'eyëp ko yë'ëjëty ojts mkäjpxykyutëjyë ets ni'ikyë ojts je'eyë mkäjpxykyumëtoownajxënë ets ka'ap n'ëktuunëtë këwentë ja m'ënä'ämën mtëyajtën. Ja mtuunpë ets ja mja'ay mëti'ipë ja m'aaw m'ayuk jyanikäjpxypën je'eyë tyaj'o'k tyajtëkooytyë jä'ä ko ënety tyukwinmëtowëtë ja nyëë pyokyëty, tääts jëtu'un'äämpy myajjoot'anpëjkë mëjwiin këjää.

Isaías 21:12

Ets ja këwent'ajtpë y'ëtsoy: Tää xyiinyëjanë ets tää kyootsëjanë. Pën tii myajtëwantëp jyëkyejpy xyajtëwtëty, mmintëp jatëkok.

Jeremias 38:21

Yë Wintsën tëëjës xytyuk'ëwaanë wi'ix mjata'any mkëpäta'anyën ko m'ënaanpëty ka'ap mnäkyë'ëyaka'anyë ma Babilonyë ja'ayëtyën:

Ezequiel 17:15

Je'eyëp ko ja Judá yajkutujkpë ja myaank ojts ja Babilonyë yajkutujkpë tmëtsiptsoony ets jap Egiptë tkejxy yë jyä'äy kwaay juupyë ets t'amëtooy ja mayjyä'äy. ¿Miitsëty wi'ix m'ëna'antë, wä'än jëtää tyaapë ja'ay myëta'akëtyë? ¿Wä'än jëtää yë ja'ay juuky wyë'ëmëtyë mëti'ipë ënety të tkäjpxy kyumëtoownaxyën tu'uk yë käjpxytyu'unënë?

Ezequiel 2:5

E oy tmëpëktëty ëkë tkamëpëktëty mëti'ipës ënety mkäjpxypën, jä'ä ko yë'ë je'eyë xëmë kyäjpxykyumëtoownaxtë, nyijawëtëp ko tää tu'uk yajpaaty yë käjpxynyajxpë ma yë'ëjëtyën.

Ezequiel 3:21

E pën mijts mnëmääpy tääpë ja'ay ets këtii pyokytyunëty ets ka'ap pyokytyuny, je'eyëm oy jyuuky'äty jä'ä ko tëë kyäjpxyjä'äykyukë, mijts nän myajtso'okëp yë mjuukyajtën.

Hechos 2:40

Jeky ja Pedro ojts ja ja'ay tmëëtmëtyä'äky kanaakpëky, ets tjakajpxwijy: Ixmatstë ja m'ëxëëk winma'anyëty ets këtii mëët mnämyäyëtë yë ja'ay mëti'ipë näyaj'ijtëtëpën pokyjotm.

Efesios 4:17

Ya'atës nnikäjpxyp ets yë'ë yam ntukkë'ëtëjkëtyëp ma ja Wintsën Jesukristë ja xyëëwën: Ko ka'ap jëtu'un m'ëkjuuky'ajnëtëty ijxtëm ja ja'ayëtyën mëti'ipë ka'ap ja Dios tnijawëtën, mëti'ipë jëtu'un juuky'ajtëpën ijxtëm ja kyë'ëm jot kyë'ëm winma'anyëtyën,

Deuteronomio 17:16

Ja ja'ay mëti'ipë ënety ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

Deuteronomio 31:21

E ma ënety ja ëyo'on jotmay tyukëtakënëtë ets o'ktëy jyajnëtë kyëpäjnëtë, ya'atë ëy yë'ë nëjkx t'ëwtë ets tyukja'amyätsëtëty ja nyëë pyokyëty, ja y'u'unk y'okëty nëjkxëp ja tja'amyätstë ets nëjkx t'ëwtë. Jä'ä ko ka'anëm ënety jam nyajja'tënëm, ma ja naax kajpnën mëti'ipës të ntukwinwanëtën. Ëjts wa'atsës nijawë maa ja wyinma'any tyaj'itën.

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Dios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.