Jeremias 42:16 - Biblia Dc en Mixe de Quetzaltepec

¹⁶ ja tsip käjpxy ets ja yuu xëëw mëti'ipë ënety mtsë'këtyëpën, nëjkxëp jap mpaja'tëtë ets je'eyëm nëjkx m'ooktë.

Biblia Mixe de Quetzaltepec

¹⁶ ja tsip käjpxy ets ja yuu xëëw mëti'ipë ënäty mtsë'këtyëpën, nëjkxëp jap mpaja'tëtë ets je'eyëm nëjkx m'ooktë.

Jeremias 42:16 ပူးပေါင်းရင်းမြစ်များ

Proverbios 13:21

Yë pokyjyä'äytyëjkëty jëtu'un yë ëxëëkpë tyimpajëtitëtë. E yë wa'ats ja'aytyëjk yë'ë kyuma'ayën'atantëp yë oyajtën.

Jeremias 27:8

E pën jää yë naax kajpn mëti'ipë ka'ap nyätyuk'ëne'emyën yë Nabucodonosor, ëjts ntëytyunäämpyës tääpë naax kajpn mëët yë tsip, yuu xëëw ets pa'am ëyo'on, koonëm ja naax kajpn aakjam yajpata'atëty ma Nabucodonosor y'ëne'emyën. Ëjts Wintsën, ëjts ënaanp.

Jeremias 41:18

yë'ë kyukäktëp ja Caldeo ja'ayëty jä'ä ko tëë ënety yë Ismael tyaj'ooky yë Guedalías, mëti'ipë ja Babilonyë yajkutujkpë të tpëjktä'äkyën y'ënä'ämëty ma ja naax kajpnën.

Jeremias 42:13

E pën miitsëty kajts mwë'ëma'antë ma ya'atë naax kajpnën ets ka'ap xymyëmëtowtë ja Wintsën mëti'ipë mTiosajtëpën,

Jeremias 44:27

Jä'ä ko ëjts yi'iyës ënety jam nmëmääpy nmëtäjpy wi'ix ja ëyo'on jotmay ntuknikäxtëtyën ijxtëm jeexyë ja oyajtën ntuknikäxtën. Nitëkokyë yë Judá ja'ayëty jënu'un Egiptë tsyëënëtën, nëjkxëp kyutëkooytya'atë mëët ja tsip ets ja yuu xëëw.

Ezequiel 11:8

¿Mtsë'këtyëp yë tsipë? Oy, tyamës yë tsip nyajmina'any ma miitsëtyën. Ëjts Wintsën, ëjts ënaanp.

Zacarías 1:6

E yë n'ayukës ets n'ënä'ämënës, mëti'ipës ënety të ntuknipëktën ja nkäjpxynyajxpëtëjkës, ojts pyaatëtë yë m'ap m'okëty. Yë'ëjëty ojtsës xynyiwinpitë ets ojts tja'akyukëtë ko paatyës ënety o'ktëy të nyajjat të nyajkëpätë jä'ä ko jëtu'unëtën ënety nyitëkëtë ja y'ëxëëktu'un y'ëxëëkkajpxënëty, ko ka'ap ënety tii oy të tuntë.

Juan 11:48

Ko n'ëxmajtsmëty ets jëtu'un tjaaktunëty, ni'ëmukë ënät yë ja'ay myëpëkëtëty ets myina'antëty ja Romë ja'ayëty ets tjitëty yë nmëj tsajptëjk'ajtëmë ets xypyëjkëmëty yë nnaax'ajt nkajpn'ajtëmë.

Deuteronomio 28:15

E pën ka'ap xymyëmëtoy ja mWintsën, jëtu'unyë nëkoo xynyakumëtoownaxy ja y'aaw y'ayuk ets ja y'ënä'ämën tyiyajtën, mëti'ipë yam njatuk'ëne'empyën xytyunëty, ka'ap xyjyawëty wi'ix ja ëyo'on jotmay mtukëta'akëtëty ets wi'ix ja pojkën jam kyëtakta'ajëty ma mjuukyajtënën, mëti'ipë yam yajnikajpxpën.

Deuteronomio 28:22

Nëjkxëp jam tyaj'ity ma mijtsën mëkëtypë pa'am ëyo'on: tä yë mëkjëënpa'amën, ki'ix pa'amën, kuxäjëpa'amën ets yajkëta'akäämpy jam näjyëtu'un yë xëëw'an, mëti'ipë winë yajtëtsta'ajëpën, jëtu'un'äämpy nëjkx kyutëkoy ja mtsajpmokam, mjë'kxykyam ets ja ëyo'on jotmay jëtu'un nëjkx xëmë mpajëtijtënë tii yowënë.

Deuteronomio 28:45

Tëkokyë ya'atë pojkën yë'ë nëjkx xymyënaxy xyajnaxy, oy maa mtimnyëjkxëty, koonëm m'ookëty mtëkoyëty. Mëët yë'ë ko ënety yë mWintsën të xykyamëmëtoy ets të xykyapatuny ja y'ënä'ämën tyiyajtën ets ja y'aaw y'ayuk, mëti'ipë të mtuk'ëne'emyën.