Jeremias 42:11 - Biblia Dc en Mixe de Quetzaltepec

¹¹ Këtii xytsyë'ëkëtëty yë Babilonyë yajkutujkpë, mëkpë xytsyë'ëkëtën. Këtii nijënu'un xytyimtsë'ëkëtëty, jä'ä ko ëjts yajpaataanpës mëët miitsëty ets nyajtso'oka'antë, nyaj'ëwaatsëpëtsëmantëp ma kyë'ë y'aawën. Ëjts Wintsën, ëjts ënaanp.

Biblia Mixe de Quetzaltepec

¹¹ Këtii xytsyë'ëkëtëty yë Babilonyë yajkutujkpë, mëkpë xytsyë'ëkëtën. Këtii nijënu'un xytyimtsë'ëkëtëty, jä'ä ko ëjts yajpaataanpës mëët miitsëty ets nyajtso'oka'antë, nyaj'ëwaatsëpëtsëmantëp ma kyë'ë y'aawën. Ëjts Wintsën, ëjts ënaanp.

Jeremias 42:11 ပူးပေါင်းရင်းမြစ်များ

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Jeremias 1:19

Yë'ëjëty, nëjkxëp mjanipëtë'ëkëtë. Mijts ka'ap nëjkx myajmay, jä'ä ko ëjts mëët mijts nyajpaata'anyës ets nkuwa'anäämpy. Ëjts mëti'ipë Wintsën'ajtpën, ëjts ënaanp.

Jeremias 1:8

Ni pën xykyatsë'ëkëty, ëjts yajpataanpës mëët mijts ets n'ijx'ita'any nkëwent'ata'any. Ëjts, mëti'ipë Wintsën'ajtpën, ëjts ënaanp.

Isaías 43:5

Këtii mtsë'ëkëty, ëjts mijts nkuwa'anäämpy. Wä'än tjamëty ma xëëw pyëtsimyën ets ma xëëw kyëtä'äkyën; nyajwinpitäämpyës jatëkok yë mja'ay ets jatëkok tyu'ukyëtëty.

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

2 Timoteo 4:17

E Ojtsës ja Wintsën Jesús xypyutëkë ets xymyooyës ja mëjaaw ets ja oy'aaw oy ayuk nkajpxwa'kxëtyës ets tmëtowtëty ja ja'ay mëti'ipë ka'ap jyutiis'atën. Jëtu'unës ja Dios xyaj'ëwa'atspëtseemy jam tsimptum o'këntum,

Jeremias 41:18

yë'ë kyukäktëp ja Caldeo ja'ayëty jä'ä ko tëë ënety yë Ismael tyaj'ooky yë Guedalías, mëti'ipë ja Babilonyë yajkutujkpë të tpëjktä'äkyën y'ënä'ämëty ma ja naax kajpnën.

Jeremias 27:17

Këtii xymyëpëktëty. Nikë Näkyë'ëyakëtë jam ma Babilonyë yajkutujkpën ets mjuuky'atëty. ¿Tii mpëktëp mpaatëp ko ya'atë naax kajpn jyatëty xit ko'ow?

Jeremias 15:20

Ëjts, jëtu'un mijts nyajnaxa'any ma ya'atë naax kajpnën tä tu'uk yë mëjpotsyën mëti'ipë oytyunyën mëët yë tsuxkpujxn ka'apë yajmayën. Oy jënu'un mmëtsip mjanipëtë'ëkëtëty, mijts ni pën mkamayä'änyë, jä'ä koos mijts nyajtso'okäämpy ets nyaj'ëwaatsëpëtsëma'any. Ëjts, mëti'ipë Wintsën'ajtpën, ëjts ënaanp.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Salmos 46:11

Yë Wintsën mëti'ipë maaytyääyëpën winë yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë yë Jacob y'ëwtajtën.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Deuteronomio 20:4

Jä'ä ko yë mWintsën yë'ë yajpatp ma miitsëtyën ets yë'ë tsiptunaanp mëët yë mëtsiptëjkëty, oy tyimjëna'ajëty ets miits mëta'aktëty.

Hechos 18:10

Tyaajës nyajpaaty mëët mijts, ka'ap pën wi'ix mtunëtëty. Mëj ja nkajpnës jää yaa yajpaaty ma ya'atë kajpnën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Jeremias 27:12

Ëjts Jeremías, ojtsës nkajpxnajxta'ay ya'atë aaw ayuk ma Sedequías yajkutujkpën, mëti'ipë jam Judá ënä'ämpën ets ojtsës n'ënëëmë: Näkyë'ëyakëtë ma Babilonyë yajkutujkpën ets ma nyaax kyajpnën ets mjuuky'atëty.

Salmos 46:7

Yë Wintsën mëti'ipë maaytyääyëpën winë, yaa tyam yajpaaty mëët ëëts'ajtëmë. Yë'ë ntsoktakn'ajtëm mëti'ipë Jacob y'ëwtajtën.

2 Reyes 25:26

Ënet ja ja'ay jap Egiptë nyëjkxtaaytyë, jä'ä tsyë'këtyëp ko ja caldeo ja'ay tyukja'tëtëty; mëj mutsk ets oy yë'ëjëty yë tsiptuunpë wintsënëty ojts kyäkta'atë.

Salmos 118:6

Yë Wintsën yë'ëjës xymyëët'ajtp, paatyës ka'ap ntsë'ëkë njawë. ¿Wi'ixës yë naaxwiinyëtë ja'ay xynyatunëty?

Jeremias 27:11

E ja naax kajpn mëti'ipë nnäkyë'ëyajkëpën ma ja Babilonyë yajkutujkpën, jamës nëjkx nyajwë'ëmy ma nyaax kyajpnën ets ja nyaax kyam tajtëty tjääptëty. Ëjts Wintsën, ëjts ënaanp.