Jeremias 41:18 - Biblia Dc en Mixe de Quetzaltepec

¹⁸ yë'ë kyukäktëp ja Caldeo ja'ayëty jä'ä ko tëë ënety yë Ismael tyaj'ooky yë Guedalías, mëti'ipë ja Babilonyë yajkutujkpë të tpëjktä'äkyën y'ënä'ämëty ma ja naax kajpnën.

Biblia Mixe de Quetzaltepec

¹⁸ yë'ë kyukäktëp ja Caldeo ja'ayëty jä'ä ko tëë ënäty yë Ismael tyaj'ooky yë Guedalías, mëti'ipë ja Babilonyë yajkutujkpë të tpëjktä'äkyën y'ënä'ämëty ma ja naax kajpnën.

Jeremias 41:18 ပူးပေါင်းရင်းမြစ်များ

Jeremias 40:5

Pën mwë'ëmaanp, jyëkyejpy mwë'ëmëty ets mnëjkxëty jam ma Guedalías, ma Ahicam yë myaankën mëti'ipë yë Sefan myaank'ajtypyën, mëti'ipë yë Babilonyë yajkutujkpë të tpëjktä'äkyën ets tnikopk'atëty tëkokyë yë Judá kajpn; yë'ë mëët m'itëty ma mja'ayën. Nëjkx, ma mijts kë'ëm oy mnäjyawëtëtyën. Tä ja tsiptuunpë wintsën tmooy ja Jeremías tu'uk näynyamo'ojë ets winëjaty mëti'ipë yajtunëpën.

Jeremias 42:16

ja tsip käjpxy ets ja yuu xëëw mëti'ipë ënety mtsë'këtyëpën, nëjkxëp jap mpaja'tëtë ets je'eyëm nëjkx m'ooktë.

Jeremias 42:11

Këtii xytsyë'ëkëtëty yë Babilonyë yajkutujkpë, mëkpë xytsyë'ëkëtën. Këtii nijënu'un xytyimtsë'ëkëtëty, jä'ä ko ëjts yajpaataanpës mëët miitsëty ets nyajtso'oka'antë, nyaj'ëwaatsëpëtsëmantëp ma kyë'ë y'aawën. Ëjts Wintsën, ëjts ënaanp.

Isaías 57:11

¿Pën tiosën ijty mijts ëxëëk xytsyë'ëkë ets janty mëj'äämpy xyjyëkyepy koos të xykyawintsë'ëkë etsës të xyjyä'äytyëkooynyë? Koos ënety ka'ap xy'ëkmëj'ijxnë, amonyës ijty je'eyë nyajpaaty, ets jëtu'unës nnäpyëjktä'äkyë ka'apës yowë tii nnijawë.

2 Reyes 25:25

E jääts ma wyëxtujk po'opetyën, yë Ismael, yë Netanías myaank, yë y'o'k u'unk yë Elisamá mëti'ipë yë y'aptëjk yajkutujktëpën, nimajk myiintë mëët yë jyä'äy, tääts ni'ëmukë tyaj'o'ktë ja Guedalías, mëët ja Judá ja'ayëty ets ja caldeo ja'ayëty mëti'ipë jam yajpatën Mizpá.

Jeremias 42:1

Ënet myujktaaytyë ja tsiptuunpë wintsëntëjkëty, yë Johanán, yë Caréah myaank, yë Azarías, yë Hosaías yë myaank ets ni'ëmukë yë ja'ayëty mëjpë mutskpë,

2 Reyes 25:22

Nabucodonosor, ja mëti'ipë jam yajkutujkpën Babilonyë, yë'ë ojts tpëjktä'äky yajkutujkpë yë Guedalías, yë myaank yë Ahicam ets yë'ë y'ok'u'unk yë Safán, mëti'ipë jam ënä'ämëpën ma ja ja'ay të ywë'ëmtën jam Judá.