Jeremias 40:5 - Biblia Dc en Mixe de Quetzaltepec

⁵ Pën mwë'ëmaanp, jyëkyejpy mwë'ëmëty ets mnëjkxëty jam ma Guedalías, ma Ahicam yë myaankën mëti'ipë yë Sefan myaank'ajtypyën, mëti'ipë yë Babilonyë yajkutujkpë të tpëjktä'äkyën ets tnikopk'atëty tëkokyë yë Judá kajpn; yë'ë mëët m'itëty ma mja'ayën. Nëjkx, ma mijts kë'ëm oy mnäjyawëtëtyën. Tä ja tsiptuunpë wintsën tmooy ja Jeremías tu'uk näynyamo'ojë ets winëjaty mëti'ipë yajtunëpën.

Biblia Mixe de Quetzaltepec

⁵ Pën mwë'ëmaanp, jyëkyejpy mwë'ëmëty ets mnëjkxëty jam ma Guedalías, ma Ahicam yë myaankën mëti'ipë yë Sefan myaank'ajtypyën, mëti'ipë yë Babilonyë yajkutujkpë të tpëjktä'äkyën ets tnikopk'atëty tëkokyë yë Judá kajpn; yë'ë mëët m'itëty ma mja'ayën. Nëjkx, ma mijts kë'ëm oy mnäjyawëtëtyën. Tä ja tsiptuunpë wintsën tmooy ja Jeremías tu'uk näynyamo'ojë ets winëjaty mëti'ipë yajtunëpën.

Jeremias 40:5 ပူးပေါင်းရင်းမြစ်များ

2 Reyes 22:12

ënätyë t'ënëmaay ja Hilquías, ja Ahicam, myaank yë Safán; ja Acbor, myaank yë Micaías; ja Safán, mëti'ipë ja noky kyëwent'ajtypyën ma jap winë myiinta'ayën kuja'ay ets ja Asaías, mëti'ipë ja yajkutujkpë kyëwent'ajtypyën ets t'ënëmaay:

2 Reyes 22:14

Ja Hilquías, Ahicam, Acbor, Safán ets ja Asaías, ojts tsyoontë ets ojts tninëjkxtë ja Wintsën ja kyäjpxynyajxpë, to'oxytyëjk, mëti'ipë xyëëwajtypyën Huldá; yë'ë tyo'oxytyëjk yë Salum, myaank yë Ticvá ets yë'ë y'ok'u'unk yë Harhás, mëti'ipë ja wit kyëwent'ajtypyën jap tsajptëkoty. Yë Huldá jam ijty tsyëënë kajpnpë'am ma ja Jerusalén kajpnën, e ko tukmëmëtyaktë ja jotmay,

2 Crónicas 34:20

ets ojts tuk'ëne'emy ja Hilquías ets ja Ahicam, yë myaank yë Safán ets ja Abdón, yë Micaías yë myaank; ja Safán mëti'ipë jääpyën ets ja Asaías mëti'ipë ja yajkutujkpë nyatënääpyën ets t'ënëmaay:

Esdras 7:27

Ënet ja Esdras tmëpëjktsooy ja Wintsën ets t'ënëmaay: Kënu'kxy mëjjawë mijts Wintsën teety m'ity mëj këjää, mëët ko të xy'atëk të xytyuktëkë ja yajkutujkpë ets tmëmay tmëtajëty ja mtsajptëjk jampë yajpaatyën Jerusalén,

Esdras 7:6

Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

Job 22:29

Jä'ä ko yë Dios nyaaxkutij nyaaxkumajtsëp mëti'ipë amëj akëjxm näjya'awëyëpën ets yajtsokpy mëti'ipë yu'unk naxym yajpatpën.

Proverbios 16:7

Ko Dios t'oy'ixy ko yë ja'ay oypyëtsëëmp yë tyu'unën kyajpxën, yë'ëpaat yë myëtsip mëët nyämyë'oypyikyë.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Jeremias 15:11

Atëwaanp maas të xypyoktën, pën ka'ap oy të nmëtuny ets pën ka'apës të nijëëytyä'äky të ninu'kxtä'äky yë nmëtsipës ma ënety ëxëëk jyatën kyëpätën.

Jeremias 26:24

Yë Ahicam, yë Safán yë myaank, yë'ë ojts tnikajpxtu'uty ja Jeremías ets ka'ap yajkë'ëyäjky ma ja mayjyä'äyën këtiipë tyaj'ooktëty.

Jeremias 39:14

tni'ënä'ämëtyë ets nëjkx tyajpëtsëmtë yë Jeremías ma jap tsumy matsy y'ityën ets yë'ë Guedalías tuknipëjktë ets t'ixëty tkëwent'atëty. Ya'atë Guedalías yë'ë Ahicam yë myaank, yë Safán y'ok'u'unk, jam ojts ja Jeremías tyajnëjkxtë ma Guedalías ja tyëjkën. Jëtu'un'äämpy yë Jeremías ojts wyi'imy jam tsënääpyë ma ja naax kajpnën.

Jeremias 40:4

Ëk'ix, tyam ntukë'ëkäjtu'utëty tääpë pujxntä'äky mëti'ipë mkë'ëtsum'ajtypyën. Pën m'ënaanp mmina'any mëët ëjts jam Babilonyë, ëjts mijts nkëwent'atëp; e pën kajts mmina'any jam Babilonyë, mëpaat mwë'ëmëty. Tam xymyëëtëty tääpë itjot naaxjot: mijts ix ma xy'oy'ixy.

Jeremias 41:1

Ma mëwëxtujk po'o y'apetyën, yë Ismael, yë Netanías yë myaank, yë Elisamá y'ok'u'unk, yë yajkutujkpë y'u'unk y'ok; mëti'ipë ënety yë yajkutujkpë të tsiptuunpë wintsën'atyën, ojts jam nyijkxy Mispá ets tmëëtmëtya'aka'any yë Guedalías. Majk ojts yë jyä'äy pyanëjkxyë. E jam Mispá, kaaytyëp ënety jam,

Jeremias 41:18

yë'ë kyukäktëp ja Caldeo ja'ayëty jä'ä ko tëë ënety yë Ismael tyaj'ooky yë Guedalías, mëti'ipë ja Babilonyë yajkutujkpë të tpëjktä'äkyën y'ënä'ämëty ma ja naax kajpnën.

Jeremias 41:2

ko yë Ismael wyä'ätsë'ky ajotkumonë mëët nimajk ja jyä'äy ets tyaj'o'ktë ja Guedalías mëti'ipë jam Judá yajkutujkpën; Babilonyë yajkutujkpë ënety jam të pyëjktä'äkyë ets jam y'ënä'ämëty.

Hechos 27:3

Ënätës ntso'ontë Cesarea etsës nja'ajtë ma ja kajpn txëëwatyën Sidón. Jamts ja Julio ojts ja Pablo tnajtsmatsë ëwaatsëtum ets nëjkx tku'ixë ja myëku'uktëjk ets yajxon yajkaay yaj'ukë.

Hechos 27:43

E ja tsiptuunpë wintsën ka'ap tsoky ets ja Pablo y'ookëty, paaty ojts ka'ap tyaj'o'knëpë. Je'eyë ojts y'ënä'äny pën jyäjtyp nyëëyunëty, wä'än jëyëjp tnëëtëkë ets mejyjoty pyëtsëmëty.

Hechos 28:10

Mëjwiin ëëts ja ja'ay xywyintsë'ëkëtë, koos ntëjkënëtë jap kepy nëëwinye'epyëjoty winëjatyës xymyooytyë mëti'ipë ënety ëëts nyajmëyajtëpën.

Hebreos 13:6

Paaty ëëtsajtëm jyëkyejpy n'ëna'anmëty akujk jotkujk: Yë Wintsën yë'ëjës xypyutëjkëp, paatyës ka'ap ntsë'ëkë. ¿Wi'ixës yë ja'ay xynyatunëty?