Jeremias 40:2 - Biblia Dc en Mixe de Quetzaltepec

² Yë tsiptuunpë wintsën mëti'ipë këwent'ajtpën, ojts yë Jeremías ëpëky tmëkäjpxy ets t'ënëmaay: Yë mWintsën Dios ojts tnikäjpxy ko tkäxa'any ya'atë ëyo'on jotmay yaa naaxjoty kajpnjoty.

Biblia Mixe de Quetzaltepec

² Yë tsiptuunpë wintsën mëti'ipë këwent'ajtpën, ojts yë Jeremías ëpëky tmëkäjpxy ets t'ënëmaay: Yë mWintsën Tios ojts tnikäjpxy ko tkäxa'any ya'atë ëyo'on jotmay yaa naaxjoty kajpnjoty.

Jeremias 40:2 ပူးပေါင်းရင်းမြစ်များ

Deuteronomio 28:15

E pën ka'ap xymyëmëtoy ja mWintsën, jëtu'unyë nëkoo xynyakumëtoownaxy ja y'aaw y'ayuk ets ja y'ënä'ämën tyiyajtën, mëti'ipë yam njatuk'ëne'empyën xytyunëty, ka'ap xyjyawëty wi'ix ja ëyo'on jotmay mtukëta'akëtëty ets wi'ix ja pojkën jam kyëtakta'ajëty ma mjuukyajtënën, mëti'ipë yam yajnikajpxpën.

Deuteronomio 31:17

E ëjts nëjkxëpës ja ntukjoot'anpëktë ets nëjkxëpës n'ëxmajtsnëtë, tiijës n'ëkmëmaay n'ëkmëtajnëp, tyam ja ëyo'on jotmay ma yë'ëjëtyën ni'ikyë nëjkx myëjwiinë kyëjääjë ets koonëm y'ëna'antëty: ¿Këtii jëtäätën yë'ëkyëjxmëty yam o'ktëy tjajtëmë ko ja Wintsën ka'ap y'ëkyajpatnë ma ëëtsajtëmënë?

Deuteronomio 32:19

Ko yë Dios jëtu'un t'ijxy ojts jyoot'anpëky ets ojts näjyëtu'un timjyä'ätyëkooynyë ja y'u'unk y'ëna'k ye'etyëjk to'oxytyëjkpë,

Jeremias 50:7

Ko ja myëtsip ijty pyaatëtë, poj'am yajkutëkoyëtë ets y'ëna'antë: Ka'ap ëëts npoky'ajtëmë, kë'ëm yë Wintsën të tmëtëtëkoytyë, mëti'ipë yajkaay yaj'ukëtëpën, mëti'ipë ojts ja y'aptëjk tuk'ijxpätën xëmë.

Jeremias 52:16

Yi'iyë ojts tyajwë'ëmy ja ja'ay mëti'ipë ëyoowtëpën ets tyaj'itëty ja tsatym ets wiinkëtypë ja aay ujts jam kamjotm.

Jeremias 11:17

Ja Wintsën mëti'ipë maaytyääyëpën winë, mëti'ipë ojts mkojyën jëtu'un tä ja'ay aay kepy tkojy tmä'kxyën, tëë tuknipëjktaakë ko ja ëyo'on jotmay mtuknikäxa'anyë, jä'ä ko yë Israel ja'ayëty ets Judá ja'ayëty të pyokytyuntë ets të xyajjoot'anpëktës ko yë'ë ja Baal të tukwino'ok të tukwinxamtë ja poom jok.