Jeremias 40:11 - Biblia Dc en Mixe de Quetzaltepec

¹¹ Näyjyëtu'un yë jutiiyë ja'ayëty mëti'ipë jam yajpatëpën Moab, Amón, Edom ets ma wiinkëtypë kajpnën, ojts tnijawëtë ko ënety yë yajkutujkpë të tpëjktä'äky yë Guedalías jam ënä'ämpë.

Biblia Mixe de Quetzaltepec

¹¹ Näyjyëtu'un yë jutiiyë ja'ayëty mëti'ipë jam yajpatëpën Moab, Amón, Edom ets ma wiinkëtypë kajpnën, ojts tnijawëtë ko ënäty yë yajkutujkpë të tpëjktä'äky yë Guedalías jam ënä'ämpë.

Jeremias 40:11 ပူးပေါင်းရင်းမြစ်များ

Génesis 36:8

Paaty yë Esaú, mëti'ipë näjyëtu'un yajtijpën Edom, ojts jam tsyo'onë ets nyëjkxnë tsënääpyë ma jam ja kopkjot txëëwatyën Seir.

Isaías 11:14

Tu'ukmukyë nëjkx nimäjtsk nyäkyuwa'anëtë ma ja filistejë ja'ayëtyën ets ëxëëk nëjkx tuntë ja mëti'ipë jam tsënaaytyëpën maatsow yë xëëw pyëtsimyën; nëjkxëp tukupëktë ets y'ayak y'akonëtëty ja jampë ja'ay tsyëënëtën. Ja myëk'ajtën jampaat nëjkx jyä'ty ma ja Edom kajpnën ets ma ja Moab kajpnën ets nëjkxëp ja Amón ja'ayëty myëtunëtë.

Isaías 16:4

Wä'än jam ma mnaax mkajpnën tkäktso'oktë yë ja'ayëty mëti'ipë käkpëtsëëmtëpën jam Moab. Mijts jëtu'un näpyëjkta'akët yu'tstaknën ma ja'ayëtyën mëti'ipë yajpapooytyëpën.

Jeremias 24:9

Ëjts nyajkutukäämpy ets wiinkëtypë naax kajpn y'ëxëëk'ixëtëty mëti'ipë wiink naaxwiinyëtë yajpatëpën ets ijxpät wya'anëty ko ënety ëxëëk të jyatë, ko ënety ni pën kyatsokëtë, ko ënety ja'ay y'ëxëëk'ixëtë ets ko ënety të yajpoktë ma tu'kë'ëyë ja naax kajpnën ma awojpwä'kxy y'itën.

Jeremias 41:10

Ojts yë Ismael tmajtsmujkta'ay ja to'oxy'ëna'k mëti'ipë yajkutujkpë nyëëx'ajtypyën ets ja ja'ayëty mëti'ipë jam yajpatëpën Mispá, mëti'ipë ja Nebuzaradán, tsiptuunpë wintsën të tmo'oyën yë Guedalías ets yë'ë mëët y'itëty. Ojts yë Ismael tmajtsmujkta'ay ja ja'ay ets tsyo'ony. Jam ënety të tuknipëjktaakë jyata'any ma ja Amón nyaaxjotmën.

Jeremias 43:5

Ni'ikyënëm ja Johanán ets ja tsyiptuunpë wintsën tyajtu'ukmujktaaytyë ja ja'ay niwäänëpë ënety të wyë'ëmtën jam Judá, mëti'ipë ënety wiinktsow të nyajtskääkëtën ets ojts wyimpitë jatëkok jam Judá ets jam tsyënaaytyaknpëjktë:

Jeremias 43:6

ye'etyëjk to'oxytyëjk, mëj mutsk, ja yajkutujkpë ja nyëëxëty ets nitëkokyë ja ja'ayëty mëti'ipë ënety ja Nebuzaradán, tsiptuunpë wintsën të tuknipëkyën ja Guedalías ets mëët tyuunmukëty, yë'ëpaat yë Jeremías ets Baruc.

Jeremias 9:26

ijxtëm yë Egiptë ja'ayëtyën, Judá ja'ayëtyën, Edom ja'ayëtyën, Amón ja'ayëtyën, Moab ja'ayëtyën ets tëkokyë naax kajpn mëti'ipë yajpatëpën jam të'ëts'itjotm ets mëti'ipë näy'awaay jyäjpëtëpën. Jä'ä ko tu'kë'ëyë ja naax kajpn aak ka'ap ja ye'etyëjkajtën nyatsujk'ëwtity'atë, ni'ik yë Israel kajpn jä'ä ko jap ka'ap y'oy'atë ma jyot wyinma'anyëtyën.

Ezequiel 25:12

Ëjts, Wintsën, jëtu'unës n'ëna'any: Edom tëë tuunwinpity ijxtëm ojts tyunyën yë Judá, paaty ja nëë poky të tsëëmë'ëky.

Ezequiel 25:2

Mijts ye'etyëjk, nëjkx jam ma Amón ja'ayëtyën ets xytyukmëmëtya'aktëty ëjts nxëëwkyëjxmës wi'ix ëxëëk jyata'an kyëpäta'antën.

Ezequiel 25:6

Ëjts Wintsën, ëjts ënaanp: Miitsëty Amón ja'ayëty tëë m'ätstë ets tëë mxoonta'aktë, tëë xy'ixtijtë yë Israel kajpn.

Ezequiel 25:8

Ëjts Wintsën jëtu'unës n'ëna'any: Moab ja'ayëty ets Seir ja'ayëty jëtu'un y'ëna'antë ko yë Judá kajpn näjyëtu'un yë'ë tä wiinkëtypë kajpnën.

Ezequiel 34:6

Jëtu'unyë jam aayjyotm ujtsjotm ets jam kopkëjxm të ye'eywya'kxta'atë, xiitsow yaatsow të kyuye'eyëtya'atë ets ka'ap pën të myëmay të myëtajëtë ets të y'ixta'ajëtë.

Ezequiel 35:15

Mijts ojts mxoontä'äky ko kyutëkooy ja it naaxwiinyëtë mëti'ipë yë Israel ja'ayëty yajmooytyën ets tjä'ä'atëty, je'eyëp ko mijts nän timjëtu'un mjata'any: Mijts Seir kopk aanë'ëk tëëtsë'ëk mkawinpita'any, mëti'ipë Edom jyä'ä'ajtypyën. Ënätnëm xynyijawëtëty ko ëjts Wintsën.

Ezequiel 35:5

Mijts xëmë mëtsip të mnäyajnaxyë ma Israel ja'ayëtyën ets jää të xynyipëtë'ëky ma ënety jam yajtëytyuntën, ma ja pyoky tkumëtowtën.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Ezequiel 5:3

Tu'uk mäjtsk yë mwaay xyajwë'ëmëty mëti'ipë jam mkëxtsumëpën ma mwitën.

1 Samuel 11:1

Nahas mëti'ipë jam yajkutujkpën Amón, ojts nyijkxy jam Jabés ma ja Galaad itjotmën ets tyajtu'ukmujky ja tsyiptuunpëtëjk, tä tnitëkëja'any ja naax kajpn. E ja ja'ayëty jampë tsyëënëtën Jabés tyaa t'ëtsoowtë ja myëtsipëty: Tsojk ntu'unëm tu'uk yë käjpxtyu'unën ets tyam miits nmëtuntëty.

1 Samuel 12:12

E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.