Jeremias 40:10 - Biblia Dc en Mixe de Quetzaltepec

¹⁰ Ëjts yaajës Mizpá nwë'ëma'any, miitsëty yaa nkutänëja'antë ma Caldeo ja'ayëtyën ko ënety myintë. Miitsëty yajnipätë tsatym nyëë xun, ujtstëëm mëti'ipë yajë'kxpën ets olivë ujts on, jëtu'unts oy mjuuky'atëty ma ja kajpnën ma mtsëënëja'antën.

Biblia Mixe de Quetzaltepec

¹⁰ Ëjts yaajës Mizpá nwë'ëma'any, miitsëty yaa nkutänëja'antë ma Caldeo ja'ayëtyën ko ënäty myintë. Miitsëty yajnipätë tsatym nyëë xun, ujtstëëm mëti'ipë yajë'kxpën ets olivë ujts on, jëtu'unts oy mjuuky'atëty ma ja kajpnën ma mtsëënëja'antën.

Jeremias 40:10 ပူးပေါင်းရင်းမြစ်များ

2 Samuel 16:1

Je'eyë ënety yë David të tninajxta'ay ja kopk, ko jam pyatë yë Sibá, yë'ë tyuunpë yë Mefi-bóset. Yë'ë wyojpmiimpy yë krukts nimäjtsk, mäjtsk mëko'px yë tsajpkääky tsëëmmintë, mëko'px kony yë tsatym myä'ätsy, mëko'px yë ujtstëëm tsa'amjatypë ets tu'k apëjkën yë uuky.

1 Reyes 10:8

Aak akujk jotkujk ja mja'ay yajpaatë, janty akujk jotkujk n'ixyës tyuntë yë mtuunpëtëjk, mëët ko xëmë yajpaatë mëët mijts ets xëmë tmëtowtë ja m'aaw m'ayuk mëti'ipë mnikäjpxyp mnimëtyäkpyën, ja oyëtypë ets mëtëyëtypë ja aaw ayuk.

Proverbios 22:29

Mëti'ipë ja'ay oytyuunk tyuunpyën, jam muum tyuunkpaaty ma y'itën yë yajkutujkpëtëjk ets ka'ap jyamëty ma ja'ayëtyën mëti'ipë ka'ap tii tkëjxm'atën.

Proverbios 27:25

Ko mëëy pyëtsëmëty ets tsuxk ujts myuxëty, ets yajpëjkmukëty yë ujts jam tunkëjxm,

Isaías 16:9

Paaty tyam je'eyë njaakniyä'äxyës ja tsatsymkyam jampë të y'ityën Sibmá, näjyëtu'un yë jampë yajpaatyën Jazer, nijëëpy niyäxypyës mëti'ipë jam Hesbón ets Elalé, jä'ä ko jam yë tsip të tyunyë.

Jeremias 35:19

Ëjts Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, tyam n'ënëëmëtë ko ka'ap tyëkoy'ata'any yë Jonadab yë y'u'unk y'ok mëti'ipë ëjts xëmë xymyëtuntëpën.

Jeremias 39:10

Yi'iyë ojts tyajwë'ëmy ma Judá y'itjotmën yë ëyoopëja'aytyëjk ets mëti'ipë ka'ap tiituunk tmëët'atën. Jä'ä xëëw yajmooytyë ja tsatsymkyam ets ja naax kam ma yu'utëty tyuntëtyën.

Jeremias 40:12

Ënet wyimpijtë, jam ojts nyëjkxtë Judá ets t'aye'eytyääytyë ja jutiiyë ja'ayëty maajaty yajpaatën, ojts tninëjkxtë ja Guedalías jam Mizpá. Ojts näjyëtu'un may'äämpy tnipëjkpätë yë tsatym nyëë ets aaytyëëm ujtstëëm.

Jeremias 40:6

Ënet ja Jeremías ojts nyijkxy jam ma Guedalías yajpaatyën, Ahicam myaank, jam Mizpá ets tsyënaay jam mëët yë myëkunaax myëkukajpn mëti'ipë ënety të wyë'ëmtën.

Jeremias 43:5

Ni'ikyënëm ja Johanán ets ja tsyiptuunpë wintsën tyajtu'ukmujktaaytyë ja ja'ay niwäänëpë ënety të wyë'ëmtën jam Judá, mëti'ipë ënety wiinktsow të nyajtskääkëtën ets ojts wyimpitë jatëkok jam Judá ets jam tsyënaaytyaknpëjktë:

Jeremias 48:32

Ni'ik nniya'axa'any mijts, tsatsymkyam mëti'ipë jam yajpatëpën Sibmá, këtiinëm yë Jazer kajpn. Jëtu'un ijty mijts myaj'ixy tä jeexyë mkepy xyajyonyën ets jampaat nyasxajë Jazer. Yë mxe'enty nyinajxyp ijty yë mejy ets jyä'ty Jazer. E tyam, yë m'tsatymkyam tëë kyutëkooytyä'äy.

Miqueas 7:1

Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

Lucas 21:36

Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Deuteronomio 1:38

Ma mijtsën yë'ë nëjkx mkutëkëty yë Josué, yë myaank yë Nun. Paaty mijts jotmëkmo'o, jä'ä ko yë'ë nëjkx tkë'ëmo'oy yë Israel ja'ayëty ja it naaxwiinyëtë.

Deuteronomio 16:13

Ma ënety të xyajpëtë'kta'atën ja mtsajpmokëty ets të xywyinma'tsta'atën ja m'tsatsym tëëmëty, ënät nëjkx jä'ä xyajtso'onta'aktë ja xëëw ma yajnixëëwtunyën ja tëjk, mëti'ipë nixo'omyën ets jä'ä ja xëëw jyäkëty wëxtujk xëëw.