Jeremias 4:9 - Biblia Dc en Mixe de Quetzaltepec

⁹ Jëtu'un yë Wintsën y'ënä'äny: Ko ënety jëtu'unpë xëëw jëmëjt tukja'ty, yë yajkutujkpëtëjk ets kopktëjkëty nëjkxëp tsyë'këtya'aktë, yë teetytyëjkëty ets käjpxynyajxpëtëjkëty nëjkxëp tsyëtyuuypyëjkta'atë.

Biblia Mixe de Quetzaltepec

⁹ Jëtu'un yë Wintsën y'ënä'äny: Ko ënäty jëtu'unpë xëëw jëmëjt tukja'ty, yë yajkutujkpëtëjk ets kopktëjkëty nëjkxëp tsyë'këtya'aktë, yë teetytyëjkëty ets käjpxynyajxpëtëjkëty nëjkxëp tsyëtyuuypyëjkta'atë.

Jeremias 4:9 ပူးပေါင်းရင်းမြစ်များ

Hechos 13:41

Ixtë, miitsëty mëti'ipë päjxtëpën, mëj'ix naak'ixtë ets mtimkyutëkoytyëty, jä'ä ko ntunäämpyës ja mëjëtypë ma ënety jam mjuuky'atën, mëti'ipë ka'ap xymyëpëktëtyën oy ënety pën mjatukmëmëtya'akëtë.

Jeremias 52:7

Ënet ja Jerusalén ja'ayëty tyajjujtë ja mëjpotsy mëti'ipë ja kajpn nyapots'ajtypyën. Oy ënety jam ja caldeo ja'ayëty tjayaj'itë ja naax kajpn natuky, jap nyajxtaaytyë ja tsiptuunpëtëjkëty, Israel ja'ayëty ets kyäktë. Jam pyëtsëëmtë ma ja tëjkëtyaknën ma mäjtsk ja potsy nyäpyäätyë, koots kyäktë, jam nyajxtë ma ja kamjotmën mëti'ipë yajkutujkpë jyä'ä'ajtypyën, yë'ë ojts tpanëjkxtë ja tu'u mëti'ipë jam Jordán nëjkxpën.

Jeremias 37:19

¿Maa ënät tyam yajpaatë ja käjpxynyajxpëtëjkëty mëti'ipë ojts y'ëna'antën ko ka'ap yë Babilonyë yajkutujkpë tnitëkëja'any ya'atë kajpn?

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Isaías 19:16

Ja Egiptë ja'ayëty wintse'kny nëjkx y'awinpitë, tsyë'kënëtëp oytyiijëty ets tsyë'ëkëjantëp ko ja Wintsën ënety ja kyë'ë t'akojxmuky.

Isaías 19:3

Jëtu'unës nëjkx nyaj'akumon nyajjotkumonëtë, ka'ap nëjkx jëtu'un tyunyë jyätyë ijxtëm ënety të tjatuknipëjktaakëtën. Ënet nëjkx jam winë tyajtëwtë ma y'awinaxëtyën, ma ja nasja'apëtyën, ma ja o'kpë anëmën ets ma ja patooy panajxpëtyën.

Salmos 102:4

yë njot nwinma'anyës ëmaay amutskës njawë, jëtu'un tä aay ujtsën mëti'ipë tëë xyo'tsnën; ets yuu ka'apës xy'ëkpatnë.

2 Reyes 25:4

Ënet jam potsy'ëjxm tu'uk t'oytyuuntë ja najxtakn, ja caldeo ja'ayëty oy jap kajpnpë'ajp jyakëwent'atë, ka'ap t'ijxtë ko ja yajkutujkpë kyeky mëët ja tsyiptuunpëtëjkëty, tsu'umkujk kyäktë. Jamtsow ojts kyäkpëtsëmtë potsy'akujkm ma ja tëjk'aawën mëti'ipë ënety ja Nabucodonosor ja jyä'äy këwent'ajtëpën ets tpëjktë ja tu'u mëti'ipë jam najxpën ma ja pëjykyamën mëti'ipë ja yajkutujkpë jyä'ä'ajtypyën; jamtsow jyënajkë'ktë ma ja Jordán nëë yajninëjkxyën.

Jeremias 48:41

Oy jënu'un myëjkajpnëty ets oy jënu'un kyëwent'atyëty, ko ja myëtsip nyiminëtëty, o'ktëy tyuna'anyë. Jä'ä xëëw ja Moab ja tsyiptuunpëtëjk nëjkxëp yë tsë'ëkë tyajnaxy tä tu'uk yë to'oxytyëjk tsyë'ëkën ko u'unk maay tyajmina'any naaxwiiny.

Isaías 28:19

Ko myinëty tääts mpajëtuta'anëtë. Jopyëp myina'any, xëëny koots. Je'eyë xymyëtoowpaatëty ko tää myiny tääts ënätyë mtsë'ëkëja'antë.

Jeremias 2:26

Jëtu'un tä tu'uk mä'tspë tyëkoypyetyën ko yajkupaatë, jëtu'un yë Israel ja'ay jyata'any yë nyaax kyajpn, yë yajkutujkpëtëjk, kopktëjk, teetyëjk ets käjpxynyajxpëtëjkëty;

Jeremias 25:34

Ya'axtë kupixyny këwent'ajtpë, ya'axtë joktë mëët ja pëjkën ijxën. Jä'ä ko tëë tpaaty ja nyixëëw ma ja o'kën tëko'oyën y'ita'anyën ets miitsëty jëtu'un mmëtsip myaj'ooka'anëtë tä ja'ay tyaj'ookyën yë kupixyny.