Jeremias 4:16 - Biblia Dc en Mixe de Quetzaltepec

¹⁶ Tukmëtowtë yë naax kajpn ets Jerusalén kajpn ko jëkäm të nyitsoonyë yë myëtsip ets yaxp jojkp myintë mëti'ipë yajkutëkoyantëpën yë Judá ja'ayëty.

Biblia Mixe de Quetzaltepec

¹⁶ Tukmëtowtë yë naax kajpn ets Jerusalén kajpn ko jëkäm të nyitsoonyë yë myëtsip ets yaxp jojkp myintë mëti'ipë yajkutëkoyantëpën yë Judá ja'ayëty.

Jeremias 4:16 ပူးပေါင်းရင်းမြစ်များ

Isaías 34:1

Winkon mëjwa'aktë miitsëty naax kajpnëty ets xymyëtoow'itëty; mëj naax mëj kajpn ja'akyukëtë ya'atë aaw ayuk. Wä'än ja naaxwiinyëtë tmëtoow'ity ets tëkokyë mëti'ipë jää yajpatëpën, tëkokyë ja naaxwiinyëtë ja'ayëty wä'än tmëtoow'ijta'atë mëti'ipë yam yajkajpxaanp yajmëtya'akaanpën.

Isaías 39:3

Ënet ja käjpxynyajxpë Jeséas ojts tninëjkxy ja Ezequías yajkutujkpë ets tyajtëëy: ¿Ma tääpë ja'ay tsyoontë, wi'ix të y'ëna'antë? Tääts ja Ezequías y'ëtsooy: Jëkäm tsyoontë, jam Babilonyë.

Jeremias 1:15

Ëjts mëti'ipë Wintsën'ajtpën, yajxon ntimy'ënëëmëtë ko nmëkajpxta'ajäämpyës nitëkokyë yë yajkutujkpëtëjk mëti'ipë jamtsow anëkëjxmtsow ënä'ämtëpën ets myiinta'atëty ets nëjkx jam tpëjktakta'atë yë kyutujktakn maajaty nyäxyën yë potsy mëti'ipë yë Jerusalén kajpn nyapots'ajtypyën ets maajaty ja Judá kajpnën.

Jeremias 16:6

Mëj mutsk nëjkx ja'ay y'ooktë ma ya'atë naax kajpnën; ka'ap pën tyajnaaxtëkëja'any ja o'kpë ets ka'ap nëjkx pën ja o'kpë tniyä'äxy ets ka'ap ma pën nyäyajtsëtyuta'anyë ëkë ja wyääy tkääpa'any mëët ko ënety ja o'kpë tnimony tnituky.

Jeremias 2:15

¿Wi'ix ko jëtu'un myëtsip nyipëtë'ëkyë kaajën ets jëtu'un yaj'ixy ni'tsëp yowë? Xit ko'ow ja nyaax kyajpn të tyu'unxëtë; tëë nyino'kxta'ayxyëtë ja nyaax kyajpnëty ets ni pën juuky të kyawë'ëmy.

Jeremias 31:10

Naax kajpnëty, mëtoow'itë yë Wintsën yë y'aaw y'ayuk ets näjyëtu'un xynyikajpx xynyimëtya'aktëty ma wiinkëtypë kajpnën mëti'ipë jëkäm yajpatëpën: Yë Wintsën yë'ë ojts t'awojpwä'kxy yë Israel kajpn, je'eyëp ko nän yë'ë jatëkok yajtu'ukmukäämpy ets tkëwent'ata'any jëtu'un tä tu'uk yë kupixyny këwent'ajtpë tkëwent'atyën yë jyëyujk.

Jeremias 39:1

Majk po'o ënety y'apety ja mëtaxtujk jëmëjtpë ma yajkutukyën yë Sedequías jam Judá, jää ojts yë Nabucodonosor, yë Babilonyë yajkutujkpë, tnija'ty yë Jerusalén kajpn ets tyajnatujky.

Jeremias 4:17

Jëtu'un yë Judá nyatuka'any tä ja'ay kam tkëwent'atyën, mëët ko tëëjës xykyäjpxy kyumëtoownaxy. Ëjts Wintsën, ëjts ënaanp.

Jeremias 5:15

Jëtu'un yë Wintsën y'ënä'äny: Israel, ntuknikäxäämpy tu'uk yë kajpn mëkpë, jekykyajpn ets jëkämpë tsyoonyën, mëti'ipë wiink ayuk kyajpxtëpën, mëti'ipë mijts ka'ap xytyukjatyën.

Jeremias 5:6

Paatykyëjxm nyipëtsëma'anëtë kaa jam yukjotm ets yaj'ooka'anëtë, jam të'ëts'itjotm pa'uk jam nipëtsëmanëtëp ets tyuktsu'utsëja'anëtë, jam kyajpn winkon kuuyxyëpëjy nëjkx pyapo'o pyaputëtë ets y'atsu'uts tyuktsu'utsëtëty, mëët jä'äkyëjxm ko të pyokytyuntë ets kanaak yë jyiiky myëku'uk të tkë'ëyaktë.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Jeremias 6:18

Paaty ja Wintsën y'ënä'äny: Miitsëty naax kajpnëty, nijawëtë yajxon wi'ix yë nnaax nkajpnës jyata'anyën.

Jeremias 6:19

Mijts naaxwiinyëtë, mëtoow'it yajxon: Ëyo'on jotmay ya'atë naax kajpn ntuk'ixäämpyës mëët ko ka'ap ja n'aaw n'ayukës të tmëjpëjkta'aktë; ni'ikyë të t'ixtijtë ja n'ënä'ämën ntëyajtënës.

Jeremias 6:22

Jëtu'un yë Wintsën y'ënä'äny: Tam anëkëjxmtsow tu'uk yë naax kajpn mëkpë ets tsip'ixypyë tuknipëjktaakë ets min tnitëkëja'any ya'atë naax kajpn.

Jeremias 6:23

Yë'ëjëty tam oyëtypë pujxn tmëët'atë mëti'ipë myëtsiptuuntëpën; tääpë ja'ayëty ëxëëk ja'ay yë'ëjëty ets ni pën tkapa'ëyowtë. Ko y'aya'axtë, jëtu'un yajmëtoy tä mëjmejy y'iitsy kyomyën, kwaaykyijxy muum nyëjkxtë. Jëjp'ixy jam y'ijnëtë ets tnitëkëja'antë ja Sión kajpn.

Jeremias 8:19

Xiitsow yaatsow yajmëtoy jyi'iy yä'äxy ja nnaax nkajpnës: ¿Këtii jëtäätën jam Sión, yë Wintsën y'ëkyajpatnë? ¿Ti këtiitën jam y'ëkyajpatnë ja mëti'ipë yajkutujkpën? Tää ja Wintsën y'ëtsoy: ¿Tiijës ko të xyajjoot'anpëktë, ko wiink tios xy'ëwtatë, ja tios ka'apë tii mëj'ajtën tmëëtëtyën ets mëti'ipë wiink naax wiink kajpn ja'ay y'ëwtajtëpën?

Ezequiel 21:22

Ma y'a'oykyë'ë ja ti'pxnkepy tukni''ixyën yë Jerusalén kajpn, jëtu'un yajja'akyukë ko yë'ë nyitëkëjäämpy, yajja'ay ookaanp, tsiptunaanp ets tyajkutëkoyä'äny ja naax kajpn ets twinwëëtëty ja potsy ma tnipätëtyën ja kajpn ets tyajnatujkta'atëty.