Jeremias 4:14 - Biblia Dc en Mixe de Quetzaltepec

¹⁴ Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Biblia Mixe de Quetzaltepec

¹⁴ Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Jeremias 4:14 ပူးပေါင်းရင်းမြစ်များ

Salmos 119:113

N'ëxëëk'ijxypyës yë ja'ay mëti'ipë wiinkë'ëy akë'ëy ja'ay'ajtpën, yë'ëjës ntsojkpy nja'ap yë m'ijxpëjkën.

Salmos 51:2

Pujkës jä'tskës ja n'ëxëëk'ajtën. Tukniwijtstutkës ja nnëë npoky.

Salmos 66:18

Ko jeexyë y'ëxëëkëty yë nwinma'anyës, kajxyëp yë Wintsën të tmëtoow'ity yë n'aaw n'ayukës;

Proverbios 1:22

Miitsëty ëna'ktëjkëty mëti'ipë ka'ap oy tii xyjyatën xynyijawëtën, je'eyëpë mnëxi'iktën mtukxi'iktën ko mtsuu'atë, ¿Jëna'a jëtu'un xy'ëxmatsa'antë ja mtsuu winma'any, ets jëna'a jëtu'un ku'uxyë mnäjyawëja'anëtë ko je'eyë mnëxi'ik mtukxi'iktë, ets ka'ap xytyuntë këwentë ja nija'awën, ets jëna'a jëtu'un ja mjot mwinma'any wyijtëty kyäjtëty?

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Jeremias 17:1

Mijts Judá, yë m'ëxëëktu'un m'ëxëëk kajpxën këxpajy jap y'ity mëët yë juunpujxn, mëët yë juuntsaa ma ja mjot mwinma'anyën mëti'ipë juunën tä tsaajën ets ma ja mwintsë'këntyakn nyiwajën.

Jeremias 18:11

Paaty ntuknipëky ets xy'ënëëmëty yë Judá ja'ayëty ets Jerusalén ja'ayëty ko mëti'ipë Wintsën'ajtpën, jëtu'unës n'ënëëmëtë: Tyam miitsëty nimay nitajëtë wi'ix nyaj'ëyo'onpaata'antën, yë'ëjës nmääpy ntäjpy wi'ix ntëytyuntëty. Nik yaj'oyëtë mjot mwinma'anyëty, ëxmatstë ëxëëk tu'u ets oy winë tuntë.

Jeremias 2:22

Oy jënu'un lejiiyë xëts mjanätyukpujëtëty ets oyjyätyëtypë xëts xyjyatsi'iwëty ets jëtu'un xyjyaniminëtyës, yë mpoky kä'äpyëm jyëwa'aka'any maas ëjtsën. Ëjts Wintsën, ëjts ënaanp.

Jeremias 6:19

Mijts naaxwiinyëtë, mëtoow'it yajxon: Ëyo'on jotmay ya'atë naax kajpn ntuk'ixäämpyës mëët ko ka'ap ja n'aaw n'ayukës të tmëjpëjkta'aktë; ni'ikyë të t'ixtijtë ja n'ënä'ämën ntëyajtënës.

Ezequiel 18:31

Tim mëjëkämkä'äktë yë ëxëëkajtën maas të xymyëtëkoytyën, yaj'oyëtë ets yaj'ajämëtë yë mjuukyajtënëty. ¿Mijts Israel, tii ko m'ëk o'kpëty?

Zacarías 8:17

këtii ëxëëk mnäytyun mnäy'ënë'ëmxëtëty nixim niyam ets këtii nëkoo Dios je'eyë ëëwpäjn kajpxpäjn xywya'antëty. Jä'ä ko ëxëëkës yë jëtu'unpë n'ixy. Ëjts Wintsën, ëjts ënaanp.

Mateo 12:33

Pën oy ja kepy, oy tyëëm'aty; e pën ka'ap y'oyëty, ka'ap oy tyëëm'aty. Tyëëm ja kepy yajtuk'ijxkajp.

Lucas 11:39

Tääts ja Jesús y'ënëmaayë: Miitsëty fariseë ja'ayëty, myajwatstëp nëkëjxy ja apëjk atu'unën. Jëtu'un miits mnäpyëjkta'akëtë ijxtëm jeexyë m'oyjyä'äy'atën, je'eyëp ko miitsëty ka'ap wya'ats'atë jä'ä ko je'eyë mtontë määtstë ets ja ëxëëkpë xytyuntë xykyajpxtë.

Juan 13:9

Ënet ja Simón Pedro y'ënëmaayë: Wintsën, pën jëtu'un, pujta'a tu'kë'ëyë ni'kx nkopkës, ka'ap yi'iyëty ntekyës, näjyëtu'un yë nkë'ëës ets nkëpajkës.

Hechos 8:22

Jootwinpit ets ya'atë ëxëëk winma'any xy'ëxmatsëty. Ja'amyäts ja Wintsën ets mpoky yajnimä'kxëty mëti'ipë m'aaw'ajtyp mjot'ajtypyën.

Romanos 1:21

Oy ja Dios të tja'ixtë, ka'ap të tmëjjaw të tjaantyjyawëtë ijxtëm ja Dios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

1 Corintios 3:20

Ets näjyëtu'un y'ënä'äny: Nyija'awëp ja Dios ko tsuuwinma'any yë naaxwiinyëtë ja'ay wyijy'ajtën.

Santiago 4:8

Mëwinkontë ja Dios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Dios mtsojktëpën, nänyajwa'atsëtë.