Jeremias 4:10 - Biblia Dc en Mixe de Quetzaltepec

¹⁰ Ënätës të n'ëna'any: Aay Wintsën, ix ja'ay nëkoo xywyin'ëëny mëti'ipë jam tsënaaytyëpën Jerusalén. Je'eyë nëkoo të xytyukwinwanë ko jotkujk'ajtën tpaata'antë, yë'ëjëty jëtu'un jam jyatë kyëpätë tä jeexyë të yajyo'ktsujkta'atën.

Biblia Mixe de Quetzaltepec

¹⁰ Ënätës të n'ëna'any: Aay Wintsën, ix ja'ay nëkoo xywyin'ëëny mëti'ipë jam tsënaaytyëpën Jerusalén. Je'eyë nëkoo të xytyukwinwanë ko jotkujk'ajtën tpaata'antë, yë'ëjëty jëtu'un jam jyatë kyëpätë tä jeexyë të yajyo'ktsujkta'atën.

Jeremias 4:10 ပူးပေါင်းရင်းမြစ်များ

Éxodo 5:22

Ënet yë Moisés t'ënëmaay yë Dios ma ënety jam wyanë tsyowën: ¿Wintsën wi'ix ko jëtu'un ya'atë naax kajpn ëxëëk xytyuny? ¿Wi'ix ko ëjts të xykyäjxpë?

Éxodo 9:14

Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

Isaías 30:10

Jëtu'un ja käjpxynyajxpë t'ënëëmëtë: Këtii nëkoo tii xy'ijxpëtsëmtëty, këtii nëkoo ja tëyajtën xytyukmëmëtya'aktëtyës. Yu'unk naxymës xymyëkajpxtëty; këtiis xypyëjkëtëty ja mëti'ipës nmaaytyëp ntajtëpën.

Isaías 37:35

Nkuwa'anäämpyës ets nyajtso'okäänpyës ya'atë naax kajpn mëët koos njot'aty ja ntuunpës David ets mëët koos mëj näjyëkyepyë.

Isaías 63:17

Mijts Wintsën, ¿wi'ix ko të xyajkutuky ets ntu'utëkatstëtyës, etsës ni'ik ja njot nwinma'any mëk npëjkta'aktëtyës këtiipë myajwintsë'ëkëty? Yajtëkats ja mjot mwinma'any mëët ko xytsyoky xyjyawë ja mtuunpë ets ko xytsyoky xyjyawë ja mja'ay.

Jeremias 1:6

Ënätës n'ëtsooy: Wintsën. Ëjts tim ëna'knëmës, ka'apës ntukjaty n'ëwëty nkajpxëty.

Jeremias 23:17

Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 32:17

Mijts Wintsën, mëët ja mëk'ajtën ets ja kuttujkën të xyajkojy ja tsajp ets naaxwiinyëtë, ka'ap nitii tsip xyjyawë.

Jeremias 4:18

Mëët ko yi'iyë të xytyuny mëti'ipë ëxëëkën, paaty o'ktëy të mjaty; mëët ko të mtuuntëkoy, paaty të mjoottëkëty ja ëyo'on ets tëë ja mwinma'anytyëkoy.

Jeremias 5:12

Yë Israel ja'ayëty ets Judá ja'ayëty jëkäm jëxkë'ëm ja Wintsën të tpëjkta'aktë; jëtu'un të y'ëna'antë: Dios ka'ap tii tuny. Ka'ap tii xyjyajtmëty, ka'ap tsip ets yuu y'ita'any.

Jeremias 6:14

Oyës ja nnaax nkajpn nitsëtyut kutsëtyut yajpaatëty, yë'ëjëty ka'ap tii tmay tajtë; je'eyë xëmë y'ëna'antë ko oy yajpaatë ets ëxëëk jyatë kyëpätë.

Jeremias 8:11

Ka'ap tmëmay tmëtajtë oyës ja nnaax nkajpn o'ktëy jyäty kyëpety, xëmë je'eyë y'ëna'antë ko oy tyu'uye'ey winë ets ëxëëk jyäty kyëpety ja naax kajpn.

Lamentaciones 2:21

Xii yaa muum o'kpë kyëxë'knëtë në'ëjoty tu'ujoty, mëjja'ay, mutskja'ay, ye'etyëjk to'oxytyëjk mëti'ipë yo'kpux o'ktën. Ko të mjoot'anpëky tëë o'kën xyaj'ity, ka'ap pën të xypya'ëyoy ko të myajja'ay'ooky.

Ezequiel 11:13

Tamës ënety ja Dios ja y'aaw y'ayuk nimëtyakë, ko ojts yë Pelatías jyëpijpkëtä'äky ooky, yë Benaías yë myaank. Ënätës nwintäky nnaaxkooy etsës mëk nyujkyäxy, n'ënanyës: Wintsën, ¿tyam jyaniwäänë'ajtpë yë Israel ja'ayëty ets ni'ikyë xyjyaak timy yajkutëkoyä'änyë?

Romanos 1:24

Paaty ja Dios të y'ëxmatsëtë ets jam tyimyajpaatëty ma ja ëxëëkpën mëti'ipë yë'ë tsyojkën'ajtëpën, aakyë'ë të ttun të tkajpxtë mëti'ipë yajtsëtyuunpën.

Romanos 1:26

Paaty ja Dios të y'ëxmajtsënëtë ma ja ëxëëk tuunkën mëti'ipë je'eyë yajtsëtyuunpën. To'oxytyëjk paat tuunëtë mëti'ipë ka'ap y'oyëtyën, ka'ap ye'etyëjk tmëët'itë ets të tyajtëkatstë wi'ix tyo'oxytyëjk'atëtyën.

Romanos 1:28

E jä'ä ko ka'ap nijawëjantë ja Dios, paaty ja Dios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.