Jeremias 39:9 - Biblia Dc en Mixe de Quetzaltepec

⁹ Ok yë Nebuzaradán, tsiptuunpë wintsën, mëti'ipë nyiwintsën'ajtypyën ja këwent'ajtpëtëjk mëti'ipë ja yajkutujkpë kyëwent'ajtëpën, ojts tmënëjkxta'ay tsumy matsy ja ja'ayëty jam Babilonyë, jëtu'un mëti'ipë ënety kajpnjoty të wyë'ëmtën ets mëti'ipë të tpuwa'akëtën ja Caldeo ja'ayëty; tu'kë'ëyë ja naax kajpn tyajnëjkxtaay tsumy matsy.

Biblia Mixe de Quetzaltepec

⁹ Ok yë Nebuzaradán, tsiptuunpë wintsën, mëti'ipë nyiwintsën'ajtypyën ja këwent'ajtpëtëjk mëti'ipë ja yajkutujkpë kyëwent'ajtëpën, ojts tmënëjkxta'ay tsumy matsy ja ja'ayëty jam Babilonyë, jëtu'un mëti'ipë ënäty kajpnjoty të wyë'ëmtën ets mëti'ipë të tpuwa'akëtën ja Caldeo ja'ayëty; tu'kë'ëyë ja naax kajpn tyajnëjkxtaay tsumy matsy.

Jeremias 39:9 ပူးပေါင်းရင်းမြစ်များ

Génesis 37:36

Yë Madián ja'ayëty jap ojts tkutookëtë yë José Egiptë, ma tu'uk yë ja'ayën, jä'ä xyëëwajtyp Potifar, wintsën ënety y'ity ma yajkutujkpën, mëti'ipë ënä'ämpën jap Egiptë; yë'ë ënety wintsën ijtp ma tsiptuunpëtëjkëtyën mëti'ipë kyëwent'ajtëpën yë yajkutujkpë.

2 Reyes 20:18

Yë'ëpaat ja m'u'unk m'ok nëjkxëp jam tsumy matsy nyëjkxtë. Ja yä'äy'ëna'ktëjk nëjkxëp tsujktaayëtë ja ye'etyëjk'ajtënëty ets nëjkx je'eyë tmëtuntë ja yajkutujkpë jampë Babilonyë y'ëne'emyën.

2 Reyes 25:11

Ojts ja Nabuzaradán tmënëjkxta'ay ja ja'ay jam Babilonyë, mëti'ipë ënety të jyaakwë'ëmtën kajpnjotm ets ja mëti'ipë tëë tja'aypyëjknëtën ja Babilonyë yajkutujkpë ets näjyëtu'un ja ja'ayëty mëti'ipë pi'tëpën kojtëpën.

2 Reyes 25:20

Yë Nabuzaradán ojts ya'atë ja'ay tmënëjkxta'ay ma ja Babilonyë yajkutujkpën, jam ënety yajpaaty Riblá, ma ja nyaaxjotmën ja Hamat. Jamts ojts tni'ënä'ämë ets ja tsumjyä'äy tyaj'o'kta'atëty. Jëtu'un ja Judá ja'ayëty ojts jam yaj'ixkäjxtaaynyëtë ma ja nyaax kyajpnëtyën.

Isaías 5:13

Paatykyëjxm, mëët yë'ë ko ja naax kajpn ka'ap jyä'äkyukë, ni'amukë mnëjkxta'aja'antë wiink naax wiink kajpn tsumy matsy. Tëkokyë ja ja'ayëty mëët ja kyutuunk yuu'o'kta'aja'antë.

Jeremias 10:18

Jëtu'un yë Wintsën y'ënä'äny: Tyam jëkämës nnajtskäxëjanë ya'atë ja'ayëty mëti'ipë tsënaaytyëpën ma ya'atë kajpnën. Jotmayjyotyës npëjkta'aka'antë etsës n'ëk'ixa'any pën xye'eypyatëpës.

Jeremias 16:13

Paaty miitsëty ntimy'ixkäxa'antë ma ya'atë kajpnën ets jam najtswopëja'antë ma tu'uk kajpnën mëti'ipë yë m'ap m'ok ets miitsëty ka'ap të xy'ixy'atën, jam nëjkx xëëny koots xymyëtuntë ja wiink tios, ka'ap n'ëkpa'ëyowanëtë nijëna'a.

Jeremias 24:8

E yë Sedequías mëti'ipë jam Judá yajkutujkpën ets kopktëjkëty ets tëkokyë Jerusalén ja'ayëty mëti'ipë ojts wyë'ëmtën kajpnjotm ëkë mëti'ipë ojts nyëjkxtën jap Egiptë tsënääpyë, jëtu'unës njawëja'antë tä ja higo tëëmën mëti'ipë ma'atëtyën, mëti'ipë ka'ap tjëkyepyën wi'ix yajë'kxëty.

Jeremias 38:19

Ënet ja Sedequías y'ëtsooy: Yë'ëjës ntsë'këtëp yë Judío ja'ayëty mëti'ipë të tpuwa'akëtën yë Caldeo ja'ayëty. Ko ëjts nnäkyë'ëyakëtëty ma yë'ëjëtyën, ëxëëkës nëjkx xytyuntë.

Jeremias 40:1

Ojts yë Jeremías myëkäjpxyë yë Wintsën, tëë ënety yë Nabuzaradán yaj'ëwaatsëpëtsëmyë jam Ramá. Yë Nabuzaradán jam ojts tpaaty yë Jeremías mëët yë Jerusalén ja'ayëty ets Judá ja'ayëty tsumy matsy mëti'ipë ënety yajmënëjkxantëpën jam Babilonyë.

Jeremias 40:7

Ko tnija'awëtyë yë tsiptuunpë wintsën ets tsiptuunpëtëjkëty, jutiiyë ja'ayëty mëti'ipë ënety juuky të wyë'ëmtën, ko ja Babilonyë yajkutujkpë të tpëjktä'äky yë Guedalías, yë Ahicam yë myaank ets yajkutukëty ma ja ëyoopëja'ayëtyën, ye'etyëjkpë, to'oxytyëjk ets pi'k ëna'k, mëti'ipë ënety ka'ap të yajmënëjkxtën jam Babilonyë,

Jeremias 52:26

Ojts yë Nebuzaradán tyajnëjkxta'ay ya'atë ja'ay jam ma Babilonyë yajkutujkpën, jam Riplá ma Hamat yë nyaaxjotmën, jam yë Babilonyë yajkutujkpë ojts tni'ënä'ämë ets tyaj'ooktëty. Jëtu'un'äämpy ojts yë Judá kajpn tsumy matsy nyëjkxnë wiink kë'ëy wiink kajpn.

Daniel 2:14

Ënet ja Daniel ojts mëët ja jot winma'any niwijypyë tmëkäjpxy ja Arioc, ja tsiptuunpë wintsën, mëti'ipë ënety të nyiminëtën ets yaj'ooka'anëtë.

Deuteronomio 4:27

Yë Wintsën jëtu'unyë nëjkx m'awojpwa'kxëtë naaxwiinyëtë apëtsëmy, niwäänë mjaakwë'ëmtëty.