Jeremias 39:8 - Biblia Dc en Mixe de Quetzaltepec

⁸ Yë Caldeo ja'ayëty ojts tjëënmo'otë ja kutujkëntëjk ets ja ja'ay ja jyëën tyëjkëty mëti'ipë jamën kajpnjotm, ojts tjijtë'kta'atë ja potsy mëti'ipë ja Jerusalén kajpn nyapots'ajtypyën.

Biblia Mixe de Quetzaltepec

⁸ Yë Caldeo ja'ayëty ojts tjëënmo'otë ja kutujkëntëjk ets ja ja'ay ja jyëën tyëjkëty mëti'ipë jamën kajpnjotm, ojts tjijtë'kta'atë ja potsy mëti'ipë ja Jerusalén kajpn nyapots'ajtypyën.

Jeremias 39:8 ပူးပေါင်းရင်းမြစ်များ

Nehemías 1:3

Tääjës xy'ëtsoowtë: Mëti'ipë ojts kyä'äktën ets ka'ap yajwojpëtsëëmtë nyaaxjotyëty, jam tsyënaaytyajknpëjktë ma mutskëtypë ja kajpnën, yë'ëjëty yajxon jam mëk y'ëyoownëtë ets natsëtyu'unënëp kë'ëm ko n'ëk'ijxmëty wi'ix jyatën kyëpätën. E yë Jerusalén kajpn ënät, yë'ë tëë ja pyoty jyijtë'ktaaynyë ets ja nyitëjk'aaw jëna'ajëp ja ja'ay t'ano'ktutaaynyë.

Jeremias 38:18

E pën mijts ka'ap mnäkyë'ëyäkyë ma Caldeo ja'ayëtyën, yë'ëjëty jyëënmo'ojantëp ya'atë kajpn ets nëjkx wyintooykyëtä'äky, e mijts ka'ap nëjkx tii mëk'ajtën xy'ëkmëët'ajnë wi'ix mkä'äkëtyën.

Jeremias 21:10

Jä'ä ko tëëjës ntuknipëjktaakë koos nyajmina'any yë ëyo'on jotmay ma ya'atë naax kajpnën, jëtu'un tä jeexyë oyajtën nyajminyënës. Ya'atë naax kajpn yë'ëjës ntukë'ëtëjkëp yë Babilonyë yajkutujkpë ets tyajtooytyëkoyëty. Ëjts Wintsën, ëjts ënaanp.

Miqueas 3:12

E paatykyëjxm, mëët ko miitsëty ka'ap tii oy xytyuntë, yë Jerusalén kajpn, mëti'ipë yajtijpën Sión kopk, jëtu'un jyata'any tä ja'ay yë kyam tnëëtu'utajta'ayën ets xit ko'ow jyata'any ets ja Sión kopk nëjkx wyinyo'onëtyä'äy, ujtsjoty nëjkx y'awinpity.

Amós 2:5

Paatykyëjxmës nyajnitooytya'aja'any yë Judá kajpn ets tääpë jëën yë'ë nyo'okäämpy yë kutujkëntëjk mëti'ipë jamën Jerusalén.

Lamentaciones 2:7

Ka'ap të tkupëky yë wintsë'këntyakn, ka'ap të tkupëky yë tsajptëjk; yë mëtsip të tukkë'ëtëjkëtyä'äy yë potsy mëti'ipë ijty nyapots'ajtypyën yë naax kajpn. Jëtu'un jap tsajptëkoty ja'ay yaxnëtë jyojknëtë tä jeexyë jap xyëëwtuntën.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënety ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Lamentaciones 1:10

Tëë yë mëtsip tjä'äpëjkta'ay mëti'ipë Jerusalén jyä'ä'ajtypyën. Ojts yë naax kajpn t'ixy wi'ix kyajpntëjkëtyë yë ja'ayëty mëti'ipë wiink tios y'ëwtajtëpën, ja ja'ay mëti'ipë mnikajpxën ets ka'ap nijëna'a jap tyëkëtëty ma mjëën mtëjkën ma nätyu'ukmukë y'ityën.

Jeremias 37:10

Oy jeexyë miitsëty mjatimmyëtaktëpë ets jeexyë Caldeo ja'ayëty may xyjyayaj'o'ktëpë, ja mëti'ipë wë'ëmtëpën juuky, mëti'ipë je'eyë tsëtyujtëpën jam tsipjotm, yë'ë pëtë'ëkantëp ets ëxëëk mtuna'anëtë ets tjëënmo'oja'antë ja naax kajpn.

Jeremias 34:22

Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Jeremias 34:2

Ëjts, mëti'ipë Wintsën'ajtpën, mëti'ipë yë Israel ja'ayëty Tyios'ajtëpën, mijts ntuknipëjkpy ets nëjkx xy'ënëëmë yë Sedequías yajkutujkpë, mëti'ipë jam Judá ënä'ämpën: Jëtu'un yë Wintsën y'ënä'äny: Ëjts nyajkutukäämpy ets Babilonyë yajkutujkpë myinëty ma mnaax mkajpnën ets tjëënmo'ojëty yë mkajpn.

Jeremias 17:27

E pën miitsëty ka'ap mja'akyukëtë ets ka'ap xypyatuntë ja n'ënä'ämënës ets po'kxënxëëw ka'ap xypyo'kxtë. Pën mënajxtëp ja tsëmy kë'ëy, ja juy tooky jam ma ja tëjkëtyaknën, ma ja naax kajpn yajnitëkën, ëjts njëënmo'ojäämpyës tääpë naax kajpn, nyajnitooyäämpyës yë Jerusalén yë tyëjk aaw ets ko ënety jëtu'un ntunyës, ni pën nëjkx kyamayë tyajpi'itsëty ja jëën.

Jeremias 7:20

Paaty ëjts maas nWintsën'atyën, tyamës n'ëna'any ko nyajkëta'akäämpyës yë ntsip n'äkë ma ya'atë kajpnën; ma ya'atë ja'ayëtyën, ma aayjëyujk ujtsjëyujkën, ma aay kepyën aay ujtsën ets ma pëjktä'äkyën. Jëtu'unës yë ntsip n'äkë nyajnaxa'any tä patoyë jëënën mëti'ipë ka'ap pën myäyëtëty tyajpi'itsëty.

Isaías 5:9

Tëës xy'ënëëmë ja Wintsën mëti'ipë maaytyääyëpën winë: Kanaak ja jëën tëjk y'atëkoyä'äny; oy jënu'un oytyuny jyakëxë'ëky, ni pën nëjkx jap kyatsëënë.

2 Crónicas 36:19

Ojts tno'oktë ja tsajptëjk, nyajijtutaaytyë ja Jerusalén kajpn ets tjëën ixkä'tsëtyë ja akujktëjk.

2 Reyes 25:8

Ma wyëxtujk anyën ja mëmëkoxk po'opë, ma myëmajkmokx taxk jëmëjtpetyën ja Nabucodonosor ja kyutujkën, ënät jam jyä'äjty Jerusalén ja tyuunpë mëti'ipë xyëëwajtypyën Nabuzaradán, mëët nimay ja tsiptuunpëtëjk,

Salmos 79:7

Jä'ä ko yë'ëjëty ojts ëxëëk tuntë yë Jacob yë jyä'äy, ets xit ko'ow tuuntë ja naax kajpn.

Jeremias 32:29

Yë Caldeo ja'ayëty mëti'ipë jam nyitëkëjantëpën yë Jerusalén kajpn, ko ënät tnitëkëtëty, tääts tjëënmo'oja'antë ets tnino'kta'aja'antë, näjyëtu'un ja jëën tëjk ma ijty jam tëjkëjxm tmo'otën yë Baal yë wyintsë'kën, ma tukwinjoktën ja poom ets tsatym nyëë tëëpë nyimaanaxyën, mëti'ipës ojts xytyuk'yajjoot'anpëktën.

Ezequiel 16:41

Nëjkxëp yajjëën'ixkonë ja mtëjk ets nëjkx mnitukë ma ënety jam may ja to'oxytyëjk të nyiye'eypyätën. Nyajkutëkoyäämpyës jëtu'unpë ja mtuunk ets ka'ap nëjkx xy'ëkpatnë ja ye'etyëjk mëti'ipë mëjuyëpën ets mëëtko'knëtëty.

Ezequiel 23:47

wä'än yë naax kajpn tkuka'atsy ets wä'än tukuumnaxy; wä'än tyaj'o'ktaayëtë y'u'unk y'ëna'k ets wä'än tnino'ktaayëtë jyëën tyëjkëty.

Ezequiel 33:21

Ma myëkoxk anyën ja mëmajkpo'opë, ma majkmäjtsk jëmëjt kyä'pxyën ma ënety tsumy matsy të nyajmënëjkxëmën wiink naax wiink kajpn, jääjës tu'uk yë ja'ay xynyimiiny jam tsyoony Jerusalén ets xytyukmëmëtyäkyës ko tëë ënety ja mëtsip tnitëkë ja naax kajpn.

Jeremias 5:10

Wä'än yë myëtsip tëkëtë ets wä'än naxmëtäänëtë yë tsatymyon oy tkatimyajkutëkoytyëty. Wä'än tnëtëjta'atë yë xye'enty, jä'ä ko ka'ap y'ëjtsëty n'ëkjä'ä'ajnë.