Jeremias 39:7 - Biblia Dc en Mixe de Quetzaltepec

⁷ Yë Sedequías ojts yajni'ënä'ämë ets wyiintsaa yajjuutëty ets atsumy kë'ëtsumy nyëjkxëty mëët yë pujxn aats jam Babilonyë.

Biblia Mixe de Quetzaltepec

⁷ Yë Sedequías ojts yajni'ënä'ämë ets wyiintsaa yajjuutëty ets atsumy kë'ëtsumy nyëjkxëty mëët yë pujxn aats jam Babilonyë.

Jeremias 39:7 ပူးပေါင်းရင်းမြစ်များ

Ezequiel 12:13

Ntukujëpijpë'ëkäämpyës yë ntsaayës ets yë'ë mëët nmatsa'anyës. Jam Babilonyë nyajnëjkxa'anyës, ma Caldeo ja'ayëtyën, ja naax kajpn mëti'ipë ka'ap nëjkx t'ixyën ets jam nëjkx y'ooky.

Jeremias 52:11

E yë Sedequías ojts yajni'ënä'ämë ets wyiintsaa yajjuutëty ets yajtsumëty mëët yë pujxntä'äky, jëtu'un jam Babilonyë yajmënëjkxëty. Tsumy ënety jap y'ity ko ojts y'o'knë.

2 Reyes 25:7

y'ijx ja Sedequías ko ja y'u'unk y'ëna'k yajyo'kpujxtë ets y'o'ktë tyëkooytyë. E ja Sedequías ajuuky ojts tmënëjkxtë jam Babilonyë.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.

Salmos 119:8

Ëjts npatunäämpyës yë m'ënä'ämën mtëyajtën. Këtiis mijts nijëna'a xy'ëxmats xymyajtstu'utëty.

Jeremias 20:4

Jä'ä ko jëtu'un yë Wintsën y'ënä'äny: Kutsë'ëkë nyaj'awinpita'any, yë'ëpaat nëjkx mtsë'ëkëty yë ja'ay mëti'ipë mëët oy të mnäjyawëtyën; m'ixëp ko ënety ja mmëku'uktëjk yaj'ookyë yë myëtsiptëjk. Nkë'ëyakäämpyës yë Judá ja'ayëty ma Babilonyë yajkutujkpën, may nëjkx tsumy matsy yajmënëjkxtë jam Babilonyë ets may nëjkx yajkupuxtë.

Jeremias 34:3

Mijts ka'ap nëjkx tjëkyepy mkä'äkëty; nëjkxëp myajmatsy ets nëjkx jam myajkë'ëyäky, nëjkxëp myajmënëjkxy tsumy matsy jam Babilonyë.

Jeremias 44:30

Nkë'ëyakäämpyës yë Hofra, Egiptë yajkutujkpë, ma myëtsipën mëti'ipë ëxëëk tsë'ëkën, jëtu'un ijxtëmës nkë'ëyäjkyën ja Sedequías, Judá yajkutujkpë, ma ja myëtsipën Nabucodonosor, Babilonyë yajkutujkpë mëti'ipë ënety ëxëëk tsë'ëkën.