Jeremias 38:4 - Biblia Dc en Mixe de Quetzaltepec

⁴ Ënet ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Biblia Mixe de Quetzaltepec

⁴ Ënät ja wintsëntëjkëty t'ënëmaaytyë ja yajkutujkpë: Tyaapë ja'ay wä'än timy'ooky, ni'ikyë tsë'ëkëwinkajpxë yë tsiptuunpëtëjk mëti'ipë yaa naaxjoty kajpnjoty niwäänë të jyaakwë'ëmtën ets ja'ayëty. Ya'atë ja'ay ka'ap oypyë tmëmay tmëtajy ma kajpnën, ni'ikyë tsoky ets ja'ay o'ktëy jyatëty.

Jeremias 38:4 ပူးပေါင်းရင်းမြစ်များ

1 Reyes 21:20

Tä ja Ahab t'ëtsooy ja Elías: ¿Tyamës nijawë ko mijts, nmëtsiptëmës jëtu'un të xypyääty? Jëtu'un, tëë yam npaaty, jëtu'un y'ëtsooy ja Elías. Jä'ä ko mijts nitii oy xykyatuny, aakyë'ë mtuumpy ka'apë myëtëyëtyën Wintsën wyintum.

2 Crónicas 24:21

E ja ja'ayëty wiink tja'akyujkëtë, paaty ojts nyäkyajpxëtë ets jäpyë tsajptëkoty tyaj'o'ktë, ja yajkutujkpë Joás yë'ë ojts kë'ëm tni'ënä'ämë.

Esdras 4:12

Tyam ëëtsëty nikajpxtë ets mijts myajtuknijawë ko ja jutië ja'ayëty mëti'ipë të xykyexyën ets wyimpitëty ma nyaax kyajpnëtyën yaa Jerusalén maas ntsëënëtën, tëëjës ja jya'të ets tëë ja tniwa'aktë ja tsajptëjktuunk ma ya'atë ja naax kajpnën mëti'ipë käjpxy kyumëtoownajxtëpën ets ëxëëkpë kyajpn'atyën. Tëë ja potsy'ëjx tyaj'o'oyëtya'atë ets tam ja potsy këjää tnayajtu'uye'eynyëtë.

Nehemías 6:9

Yë'ëjëty jä'äjëtën ojts tjawinma'any'atë ets jeexyë xy'ëtsë'ëkëtës ets jeexyë ja tuunk yaj'ëxmatsy ets jeexyë ka'ap wyintu'upëky; e ëëtsëty ni'ikyënëmës ja ojts amëjaaw ntuuntsoontë.

Éxodo 5:4

E ja mëj'ënä'ämpë mëti'ipë jap Egiptë yajkutujkpën tyaa ojts y'ëtsowëtë: Mijts Moisés ets mijts Aarón ¿tii ko nëkoo ja'ayëty xywyinma'anytyuktëkëtë ma jam tyuntën? Nëjkxtë, nëjkx yë mtuunk ixtë.

Jeremias 11:21

Ets ja Anatot ja'ayëty, mëti'ipë ënety myääytyëp tyajtëpën xyaj'ooka'antës ets mëti'ipë ënantën ets ka'ap ja Wintsën ja xyëëw nikajpx nimëtyakëtyës këtiipës xyaj'ooktëty,

Jeremias 18:23

E mijts Wintsën, wa'ats xynyija'awëtyä'äy wi'ix myäytyën tyajtën ets xyaj'ooka'antës. Këtii xymyä'kxëty yë tyëko'oyënëty ets këtii yë nyëë pyokyëty xyjyä'äytyëkoyëty. Wä'än tka'atë mijts mwintuuy ets mëët ja mtsip m'äkë tëytyun.

Jeremias 26:11

Ënet ja teetytyëjkëty, ja käjpxynyajxpëtëjkëty ets ja mayjyä'äyëty ojts t'ënëëmëtë ja kopktëjkëty mëj'äämpyë y'itën ma ja kajpnën: Tyaapë ja'ay, patëp y'ookëty, jä'ä ko tëkatsy të tnikäjpxy yë naax kajpn. Miitsëty tëë wa'ats xymyëtowtë mëët yë mkopk mtatskëty.

Jeremias 29:7

Tuntë, wä'än yë naax kajpn t'oy'ity ma tsumy matsy myajpaatën wiink naax wiink kajpn ets niwaantsow nimëpëjktsowëtë ma ëjtsën, jä'ä ko pën tääpë naax kajpn yajpatp jotkujk, nän jotkujk miitsëty myajpaata'antë.

Jeremias 38:16

E ja Sedequías yajkutujkpë ame'tsyë ojts tatskmëkajpxë ja Jeremías ets t'ënëmaay: Yë Wintsënës yë xyëëw ntukkajpxypejtypyës ko ka'ap mijts ni'ënä'ämëja'any, ka'ap pën myaj'ookëtëty ets ka'ap nkë'ëyaka'any ma ja ja'ayëtyën mëti'ipë ënantëpën ko m'ookëty.

Jeremias 38:25

Ko yë wintsëntëjk nijawëtëty ko tëë nkajpxëm nmëtyakëm tsojk mniminëtëty ets myajtëwëtëty wi'ix të nmëtyakëmë ets wi'ixës të xy'ënëëmën, e mijts tëë myajtukwinwanë ko myajnimä'kxa'any, nëjkxëp myaj'ënëëmë ets tëkokyë winë xynyimëtyakta'ajëty.

Jeremias 43:3

Yë Baruc, yë Nerías yë myaank, yë'ë të m'ënë'ëmxëty ets mijts tëkatsy winë xynyimëtya'akëty ma ëëtsëtyën, jëtu'un yë'ë myëta'akëty etsës xyaj'ook xyajtëkoytyëty ets xymyënëjkxtëtyës tsumy matsy jam Babilonyë.

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Amós 7:10

Yë teety Amasías, mëti'ipë jam teety'ajtpën Betel, ojts tëkok tkäjpxynyikexy yë Israel yajkutujkpë ets t'ënëmaay: Tää yë Amós jyëtity ma Israel kajpnën, yë'ë nyipëtë'ëkäämpy yë yajkutujkpë. Yë naax kajpn ka'ap t'ëktsojknë ets ni'ikyë kyajpx'ëtë'ëtsëty.

Lucas 23:2

Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

Hechos 16:20

Ko yajmëjajtë ma ja kutuunkën ënät t'ënëmaaytyë ja kutuunktëjk: Ya'atë ja'ayëty, jutiis yë'ëjëty, nëkoo kajpn t'ëk'atsijpnëtë.

Hechos 17:6

e ko ka'ap tpatë ja Pablo ets ja Silas jap tëkoty, ënät tyajtso'ontë ja Jasón mëët ja wiinkpë ja mëpëjkpëtëjkëty; witsy jëtuty jam tyajtso'ontë, ets tukyax tukjojkëtë: Ya'atë ja'ayëty tëë tyajma'ta'atë yë naax kajpn naaxwiinyëtë apëtsëmy, e tëë yaa näjyëtu'un myintë,

Hechos 24:5

Tëës yajxon nijawëtë ko ya'atë ja'ay y'ëyo'onpëjktä'äky ets ja jutiis ja'ay tyajjoot'anpëky ets tyajnäwyä'kxyë tu'kë'ëyë naaxwiinyëtë ja'ay ets yë'ë nyikopk'ajtyp ko t'ijxpëktë tu'uk ja Nazaretëtë ja'ay ja y'ijxpëjkën.

Hechos 28:22

Yë'ës njamëtowantëp wi'ix mijts mmay mtajy, jä'ä ko nija'awëtëpës ko oymyaajëty aak ëxëëk ja'ay tnikäjpxy tnimëtya'aktë ya'atë jemypyë ijxpëjkën.