Jeremias 38:23 - Biblia Dc en Mixe de Quetzaltepec

²³ Ets Jeremías tjaakënëmaay yë yajkutujkpë: Tëkokyë yë to'oxytyëjktëjkëty ets yajkutujkpë yë y'u'unk y'ëna'k, yë'ë nëjkx yajkë'ëmo'otë yë Caldeo ja'ayëty; mijts yajkutujkpë ka'ap nëjkx mmayë mkä'äkëty, nëjkxëp myajkë'ëyäky ma ja Babilonyë yajkutujkpën ets nëjkxëp yë Jerusalén kajpn tno'oktë.

Biblia Mixe de Quetzaltepec

²³ Ets Jeremías tjaakënëmaay yë yajkutujkpë: Tëkokyë yë to'oxytyëjktëjkëty ets yajkutujkpë yë y'u'unk y'ëna'k, yë'ë nëjkx yajkë'ëmo'otë yë Caldeo ja'ayëty; mijts yajkutujkpë ka'ap nëjkx mmayë mkä'äkëty, nëjkxëp myajkë'ëyäky ma ja Babilonyë yajkutujkpën ets nëjkxëp yë Jerusalén kajpn tno'oktë.

Jeremias 38:23 ပူးပေါင်းရင်းမြစ်များ

2 Reyes 25:7

y'ijx ja Sedequías ko ja y'u'unk y'ëna'k yajyo'kpujxtë ets y'o'ktë tyëkooytyë. E ja Sedequías ajuuky ojts tmënëjkxtë jam Babilonyë.

Jeremias 21:10

Jä'ä ko tëëjës ntuknipëjktaakë koos nyajmina'any yë ëyo'on jotmay ma ya'atë naax kajpnën, jëtu'un tä jeexyë oyajtën nyajminyënës. Ya'atë naax kajpn yë'ëjës ntukë'ëtëjkëp yë Babilonyë yajkutujkpë ets tyajtooytyëkoyëty. Ëjts Wintsën, ëjts ënaanp.

Jeremias 32:4

ets Sedequías yajkutujkpë ka'ap nëjkx myäyë tkukä'äkëty yë caldeo ja'ay, nëjkxëp yë Babilonyë yajkutujkpë myätsyë ets kwanë nëjkx twinkuwa'akë.

Jeremias 34:3

Mijts ka'ap nëjkx tjëkyepy mkä'äkëty; nëjkxëp myajmatsy ets nëjkx jam myajkë'ëyäky, nëjkxëp myajmënëjkxy tsumy matsy jam Babilonyë.

Jeremias 37:8

Ja Caldeo ja'ayëty nyitëkëjantëp ja Jerusalén kajpn ets tjëënmo'oja'antë ets tyajtooytyëkoya'antë.

Jeremias 38:18

E pën mijts ka'ap mnäkyë'ëyäkyë ma Caldeo ja'ayëtyën, yë'ëjëty jyëënmo'ojantëp ya'atë kajpn ets nëjkx wyintooykyëtä'äky, e mijts ka'ap nëjkx tii mëk'ajtën xy'ëkmëët'ajnë wi'ix mkä'äkëtyën.

Jeremias 38:24

Ënet ja Sedequías yajkutujkpë t'ëtsooy ja Jeremías: Pën mtsojkpy mja'ap yë mjuukyajtën, këtii ni pën ya'atë aaw ayuk xytyukmëmëtya'akëty.

Jeremias 39:5

E ja caldeo tsiptuunpëtëjkëty ojts y'ixëtë ets pyatso'onëtë. Jam yë Sedequías yajnajtspatëy ma ja joyjyotën mëti'ipë Jericó nyitënääpyën. Ënet yajmajtsy ets ojts yajmënëjkxy ma ja Nabucodonosor yajkutujkpë yajpaatyën jam Riblá, ma Hamat y'itjotmën. Jam yë Nabucodonosor ojts tni'ënä'ämë ets Sedequías yë y'u'unk y'ëna'k yajyo'kpujxta'atëty ets tëkokyë yë jyä'äy mëti'ipë ënety jyiiky'äjtyp myëku'uk'ajtypyën e yë'ë wintuuy ojts y'o'kta'atë.

Jeremias 41:10

Ojts yë Ismael tmajtsmujkta'ay ja to'oxy'ëna'k mëti'ipë yajkutujkpë nyëëx'ajtypyën ets ja ja'ayëty mëti'ipë jam yajpatëpën Mispá, mëti'ipë ja Nebuzaradán, tsiptuunpë wintsën të tmo'oyën yë Guedalías ets yë'ë mëët y'itëty. Ojts yë Ismael tmajtsmujkta'ay ja ja'ay ets tsyo'ony. Jam ënety të tuknipëjktaakë jyata'any ma ja Amón nyaaxjotmën.

Jeremias 6:12

Jyëën tyëjkëty, kyam tyu'ujëty ets y'u'unk tyo'oxytyëjkëty, wiink ja'ay nëjkx tjä'ä'ajta'ay. Jä'ä ko tëëjës ntuknipëjktaakë koos ntëytyuna'any ya'atë ja'ayëty mëti'ipë tsënaaytyëpën ma ya'atë kajpnën. Ëjts Wintsën, ëjts ënaanp.

Ezequiel 14:9

E ko tu'uk yë käjpxynyajxpë tëkatsy winë tkajpxnaxëty, ëjts Wintsën, ëjts ënety të nwin'ëëny tääpë käjpxynyajxpë; nëjkxëpës nixajë'ëky ets ntëytyunyës ets njo'otsa'anyës maas yë nnaax nkajpnën, Israel kajpn.

Ezequiel 17:15

Je'eyëp ko ja Judá yajkutujkpë ja myaank ojts ja Babilonyë yajkutujkpë tmëtsiptsoony ets jap Egiptë tkejxy yë jyä'äy kwaay juupyë ets t'amëtooy ja mayjyä'äy. ¿Miitsëty wi'ix m'ëna'antë, wä'än jëtää tyaapë ja'ay myëta'akëtyë? ¿Wä'än jëtää yë ja'ay juuky wyë'ëmëtyë mëti'ipë ënety të tkäjpxy kyumëtoownaxyën tu'uk yë käjpxytyu'unënë?

Ezequiel 43:3

Jëtu'unës të n'ixy tääjës ojts n'ëk ijxpën ko ja Wintsën ja Jerusalén kajpn tyajkutëkooy ets jëtu'un tääjës ojts jam n'ixyën Quebar. Tëës nwintä'äky naaxkoy,