Jeremias 38:22 - Biblia Dc en Mixe de Quetzaltepec

²² tu'kë'ëyë ja to'oxytyëjktëjkëty mëti'ipë ënety të wyë'ëmtën ma myajkutujktaknën, wa'ats nëjkx jap yajju'ta'atë ets nëjkx yë'ë yajmo'otë ja Babilonyë ja'ayëty yë tsyiptuunpë wintsëntëjkëty, jëtu'un ja to'oxytyëjk nëjkx y'ëna'antë: Yë ja'ayëty mëti'ipë ënety mëët oy të nyäjyawëtyën yë yajkutujkpë ojts wyin'ëënyë ets jëtu'un ojts myëmëtä'äkyë; ojts y'ëxmajtsënë ko myo'ontstëjkëy ets ojts jam nyikäkënë.

Biblia Mixe de Quetzaltepec

²² tu'kë'ëyë ja to'oxytyëjktëjkëty mëti'ipë ënäty të wyë'ëmtën ma myajkutujktaknën, wa'ats nëjkx jap yajju'ta'atë ets nëjkx yë'ë yajmo'otë ja Babilonyë ja'ayëty yë tsyiptuunpë wintsëntëjkëty, jëtu'un ja to'oxytyëjk nëjkx y'ëna'antë: Yë ja'ayëty mëti'ipë ënäty mëët oy të nyäjyawëtyën yë yajkutujkpë ojts wyin'ëënyë ets jëtu'un ojts myëmëtä'äkyë; ojts y'ëxmajtsënë ko myo'ontstëjkëy ets ojts jam nyikäkënë.

Jeremias 38:22 ပူးပေါင်းရင်းမြစ်များ

Job 6:15

E miitsëty mëku'uktëjkëty, nimaajës xykyaputëkëtë. Jëtu'un miitsëty myajpatnëtë tä nëëwokën mëti'ipë tëë tyëtsnën.

Salmos 41:9

Yë'ëpaat yë nmëku'ukës mëti'ipës ënety mëët oy nnäjyawëtyën, mëti'ipës ënety mëët tu'ukyë nkay n'uukyën, nän tëës xymyëtsiptsoony.

Salmos 69:14

Këtiis xy'ëxmatsëty ëyo'ontum. Mijtsës xyajtso'okëp ma ja'ayëtyën mëti'ipës xy'ëxëëk'ijxtëpën, etsës xyjyëwow xyjyëwitsëty ma ja monyë tukyën.

Salmos 69:2

tsyapës nkënajxnë këk mo'ontsjoty, ets ka'ap ma t'ëkjëkyäjpnë maas nwa'kta'atsëty. Tëës nkiinë këkmejyjoty, ets nëëkap yë'ëjës xytsyëëmnëjkxnëp ma nëë mëk pyëyi'ikyën.

Isaías 42:17

Mëti'ipë ja'ay awinax tyuk'ijxpäjtëpën ets mëti'ipë myëkajpxtëpën yë tsaatsetsy, kepy tsyetsy ets t'ënëëmëtë: Miits myaj'ëwtajtp, nitsëtyu'un kutsëtyu'un nëjkx kyäkta'atë.

Jeremias 13:21

Mijts Jerusalén, ¿wi'ix m'ëna'ana'any ko ënety yë'ë m'ëne'emyë ja ja'ay mëti'ipë myaj'ijxpëjkën? Jëtu'un ja pëjkën ijxën mtukja'ta'anyë tä tu'uk to'oxytyëjkën mëti'ipë u'unk maay yajja'täämpyën naaxwiiny.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Jeremias 27:14

Këtii xymyëpëkëty yë y'aaw y'ayukëty tääpë käjpxynyajxpëtëjkëty ko y'ëna'antëty ko ka'ap mnäkyë'ëyakëtëty ma Babilonyë yajkutujkpën, nëkoopë je'eyë y'anta'aktë.

Jeremias 27:15

Yë Wintsën jëtu'un y'ënä'äny ko ka'ap yë'ëjëty të kyäxëtë; nëkoopë y'anta'aktë ko tii tkajpxtë ëjts nxëëwkyëjxmës. Miitsëty tsumy matsy je'eyëm myajmënëjkxa'antë wiink naax wiink kajpn mëët ja käjpxynyajxpëtëjkëty mëti'ipë nëkoo ëxaty të m'ënë'ëmxëtën ets jam nëjkx m'ooktë.

Jeremias 38:19

Ënet ja Sedequías y'ëtsooy: Yë'ëjës ntsë'këtëp yë Judío ja'ayëty mëti'ipë të tpuwa'akëtën yë Caldeo ja'ayëty. Ko ëjts nnäkyë'ëyakëtëty ma yë'ëjëtyën, ëxëëkës nëjkx xytyuntë.

Jeremias 38:21

Yë Wintsën tëëjës xytyuk'ëwaanë wi'ix mjata'any mkëpäta'anyën ko m'ënaanpëty ka'ap mnäkyë'ëyaka'anyë ma Babilonyë ja'ayëtyën:

Jeremias 41:10

Ojts yë Ismael tmajtsmujkta'ay ja to'oxy'ëna'k mëti'ipë yajkutujkpë nyëëx'ajtypyën ets ja ja'ayëty mëti'ipë jam yajpatëpën Mispá, mëti'ipë ja Nebuzaradán, tsiptuunpë wintsën të tmo'oyën yë Guedalías ets yë'ë mëët y'itëty. Ojts yë Ismael tmajtsmujkta'ay ja ja'ay ets tsyo'ony. Jam ënety të tuknipëjktaakë jyata'any ma ja Amón nyaaxjotmën.

Jeremias 43:6

ye'etyëjk to'oxytyëjk, mëj mutsk, ja yajkutujkpë ja nyëëxëty ets nitëkokyë ja ja'ayëty mëti'ipë ënety ja Nebuzaradán, tsiptuunpë wintsën të tuknipëkyën ja Guedalías ets mëët tyuunmukëty, yë'ëpaat yë Jeremías ets Baruc.

Jeremias 46:21

Ja tsyiptuunpëtëjkëty mëti'ipë mëjuy tuuntëpën, ni'kxëty ets mëjjëty jyayaj'ixtë, yë'ëjëty je'eyë kyä'äka'antë ets ka'ap tmëmëta'aka'antë ja ëyo'on jotmay, jä'ä ko yë'ë miimp wiinkoonp ja ëyo'on ma ëxëëk jyata'antën ets yajtëytyuna'antë.

Jeremias 46:5

E ¿tiijës n'ijxyp? Tsë'ëkë tsë'ëkë jyaak winpitë. Jëtu'unyë kyääkwa'kxta'atë mëti'ipë tsip'ixyëtyën ko ka'ap y'ëkmëtaknëtë; pëyi'ikyë jyänty kyä'äktë, ni pën kyanäjyë'ixyë. Aak kutsë'ëkë oy myaa'ajnë. Ëjts Wintsën, ëjts ënaanp.

Jeremias 6:12

Jyëën tyëjkëty, kyam tyu'ujëty ets y'u'unk tyo'oxytyëjkëty, wiink ja'ay nëjkx tjä'ä'ajta'ay. Jä'ä ko tëëjës ntuknipëjktaakë koos ntëytyuna'any ya'atë ja'ayëty mëti'ipë tsënaaytyëpën ma ya'atë kajpnën. Ëjts Wintsën, ëjts ënaanp.

Jeremias 8:10

Paatykyëjxm wiink ye'etyëjkës nmo'ojäämpy ja tyo'oxytyëjkëty ets nyaax kyamëty wiink ja'ayës ntukë'ëtëjkëjäämpy. Jä'ä ko wä'än tmëjëty tmutskëty, aak yi'iyë myëmaay myëtajtëp wi'ix wyitpaat myeenypyaatëty mëët ja ëxëëktu'un ëxëëk kajpxën; wä'än yë'ë'atë käjpxynyajxpëtëjkëty ets teetytyëjkëty, ka'ap tii oy tpaatë.

Lamentaciones 1:13

Jam tsajpjotm yë Wintsën të xytyuknikexyës yë jëën mëti'ipës nwaay mpajk të tyajtooytyëkoyën; jam ntu'u'amës jamës yë xyoky etsës të xyajwinpity; tëëjës xynyike'eky ets xëmës n'ëyoy njotëkoy.

Lamentaciones 1:2

Tu'ktsu'um jyi'iy yä'äxy; pëyë'ktëëp yë wyiin nëë ma y'apënuukyën. Nitu'uk yë y'atsoky ja'ay kyajjotkujkmo'oyë. Aak tëë yë y'ëxmajtsta'ayë mëti'ipë ijty mëët oy nyämyäyën; myëtsip të y'awinpijta'atë.

Lamentaciones 5:11

Jam ma Sión kajpnën ets jam ma Judá kajpnën ka'ap ja to'oxytyëjkëty ets ja to'oxy'ëna'këty pën të wyinkutsë'ëkëty.

Miqueas 7:5

Këtii xymyëpëkëty ja y'aaw y'ayuk ja mmëku'uk mëti'ipë mëët oy mnämyäyën ets këtii xytyuk'ijxpätëty ja ja'ay mëti'ipë mëku'ukja'apën; mëk xykyëwent'atëty ja m'aaw m'ayuk ko mëtya'akëty mëët ja mto'oxytyëjk.