Jeremias 38:21 - Biblia Dc en Mixe de Quetzaltepec

²¹ Yë Wintsën tëëjës xytyuk'ëwaanë wi'ix mjata'any mkëpäta'anyën ko m'ënaanpëty ka'ap mnäkyë'ëyaka'anyë ma Babilonyë ja'ayëtyën:

Biblia Mixe de Quetzaltepec

²¹ Yë Wintsën tëëjës xytyuk'ëwaanë wi'ix mjata'any mkëpäta'anyën ko m'ënaanpëty ka'ap mnäkyë'ëyaka'anyë ma Babilonyë ja'ayëtyën:

Jeremias 38:21 ပူးပေါင်းရင်းမြစ်များ

2 Crónicas 36:12

Je'eyëp ko yë'ë ka'ap ojts oy winë tuny ma Wintsënën, ka'ap ja jyot wyinma'any tyaj'o'oyëy ma ja Tiosmëtuunkën, Jeremías kanaak'ok jya'ënëmaayë.

Job 23:13

Ko yë'ë tuknipëjktaakë tii tuna'any, tyuunpy yë'ë; ka'ap pën tjëkyepy wyinma'anytyuktëkëtëty.

Job 34:33

¿Ëkë mtsojkpy ets Dios mkumayëtëty ijxtëm kë'ëm xytsyokyënë, oy të xy'ixtijyë? Pën mijts winë myajkutujkpy ets ka'ap y'ëjtsëty, tukmëmëtyaktëk ëëtsëty mëti'ipë mnija'apën.

Éxodo 16:28

Ënet ja Dios ojts t'ënëëmë ja Moisés: ¿Jëna'a jëtää mja'akyukëja'antë, miitsëty xëmë yowë je'eyë xykyäjpxykyutëjanëtë yë n'ënä'ämënës ntëyajtënës ets n'aaw n'ayukës?

Jeremias 26:15

Je'eyëp tëy ko yajxon xytyimwinmaytyëty: pën xyaj'o'ktëpës, miitsëty ets nitëkokyë ja'ayëty mëti'ipë kunaax kukajpnëtyën pokymyëët nëjkx wyë'ëmta'atë mëët ko ënety të xyaj'ooktë tu'uk ja'ay mëti'ipë ka'ap tii poky tmëëtëtyën; jä'ä ko ëjts Wintsënës të xykyexy ets miitsëty ntukmëtowtëty ya'atë aaw ayuk mëti'ipë të xymyëtowtën.

Jeremias 38:20

Tä ja Jeremías y'ëtsooy: Mijts yajkutujkpë, ka'ap jyamëty mnäkyë'ëyaka'anyë ma yë'ëjëtyën. Mijts yajkutujkpë, yë'ë tun mëti'ipë yë Wintsën të mtukni''ixëtyën mëti'ipë të ntukmëmëtyä'äkyën. Këtiipë wi'ix mjatëty ets mjuukyajtën tsyo'okëty.

Jeremias 38:22

tu'kë'ëyë ja to'oxytyëjktëjkëty mëti'ipë ënety të wyë'ëmtën ma myajkutujktaknën, wa'ats nëjkx jap yajju'ta'atë ets nëjkx yë'ë yajmo'otë ja Babilonyë ja'ayëty yë tsyiptuunpë wintsëntëjkëty, jëtu'un ja to'oxytyëjk nëjkx y'ëna'antë: Yë ja'ayëty mëti'ipë ënety mëët oy të nyäjyawëtyën yë yajkutujkpë ojts wyin'ëënyë ets jëtu'un ojts myëmëtä'äkyë; ojts y'ëxmajtsënë ko myo'ontstëjkëy ets ojts jam nyikäkënë.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Ezequiel 2:7

Mijts kajpxnax yë n'ayukës, oy tmëpëk tkamëpëktëty, jä'ä ko yë'ëjëty je'eyë kyäjpxykyumëtoownaxtë.

Hechos 18:6

E ko ja jutiis ja'ayëty jyoot'anpëjktë ets t'ënëmaaytyë ëxëëkjaty ja Pablo, ënät ja Pablo wyit twinxijty, jëtu'un tpëjktäky tu'uk ja ijxpäjtën ko ka'ap y'oyëty mëti'ipë ja jutiis ja'ayëty tyuuntëpën ets t'ënëmaay: Mkë'ëmpoky miitsëty pën m'ëyoowtëp xëmëkyëjxm, ka'apës ma ëjts mpoky'atëty. Tyamës nnëjkxëty ma ja ja'ayëtyën mëti'ipë ka'ap jyutiis'atën.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.