Jeremias 38:17 - Biblia Dc en Mixe de Quetzaltepec

¹⁷ Ënet ja Jeremías t'ënëmaay ja Sedequías: Jëtu'un yë Wintsën y'ënä'äny mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Pën mijts tu'ktonyë mnäkyë'ëyäkyë ma Babilonyë tsiptuunpëtëjkëtyën, mnäyajtsokëp ënety mëët ja m'u'unk m'ëna'k, m'u'unk mto'oxytyëjk ets ja naax kajpn ka'ap nyitoyëty.

Biblia Mixe de Quetzaltepec

¹⁷ Ënät ja Jeremías t'ënëmaay ja Sedequías: Jëtu'un yë Wintsën y'ënä'äny mëti'ipë maaytyääyëpën winë, mëti'ipë yë Israel ja'ayëty Tyios'ajtëpën: Pën mijts tu'ktonyë mnäkyë'ëyäkyë ma Babilonyë tsiptuunpëtëjkëtyën, mnäyajtsokëp ënäty mëët ja m'u'unk m'ëna'k, m'u'unk mto'oxytyëjk ets ja naax kajpn ka'ap nyitoyëty.

Jeremias 38:17 ပူးပေါင်းရင်းမြစ်များ

Génesis 12:13

E paaty yam n'ënëëmë, këtiipës wi'ix njatëty nkëpätëty ets këtiipës nëjkx xyaj'ook xyajtëkoytyë mëët mijtskyëjxm. Jëtu'un m'ëna'anëty ko mijts n'utyëty.

2 Reyes 24:12

Tä ja Joaquín, Judá yajkutujkpën mëët ja tyaak, ja tsyiptuunpëtëjk ets ja wyintsëntëjk y'ënantë ko ka'ap myëta'aka'antë; ojts yajtsuumnëtë ets ja yajkutujkpë Babilonyë yajkutujkpë myëtaknë. Ya'atë jëtu'unpë jää ojts tyunyë jyätyë ma ënety tyuktujk jëmëjtpetyën ma ja Nabucodonosor yajkutukyën jam Babilonyë.

2 Reyes 25:27

Ma ënety y'i'px wëxtujk anyën ja mëmäjtskpo'opë, ma më'i'px majkmokx mäjtsk jëmëjt y'apetyën ma ja yajkutujkpë Joaquín, Judá ja'ay yajmënëjkxyën jap Babilonyë; jää ojts tyëkë yajkutujkpë yë Evil-merodac. Tyaapë yajkutujkpë ojts yë ama'atjot tmëët'aty, paaty tpa'ëyooy ja Joaquín ets tju'ty jap pujxn tëkoty,

1 Crónicas 17:24

Wä'än ja m'aaw m'ayuk t'atëy xëmë ets wä'än ja mxëëw tnaxy mëj'äämpy ets käjpxy y'ëna'anëty yë Wintsën yë'ë maaytyääyëp winë, mëti'ipë y'ëwtajtëpën ja Israel. Ko yë David ja kyutujktakn xëmëkyëjxm y'ijtëwëty ma y'u'unk y'ëna'kën ets mijts kë'ëm mëk mtimpyëjk'it mtimyajts'itëp.

Esdras 9:4

Tëkokyë ja ja'ayëty mëti'ipë ënety të tpaatën jatëkok ja nyaax kyajpn ets mëti'ipë mëk tsyë'këtyëpën ko ja Wintsën tukjoot'anpëjkp ets ëxëëk xytyu'unmëty ko ja nëë poky nmëtëjkëmëty ma ja naax kajpnën, miintaaytyë ma ëjtsën, ëjts ka'apës ojts nwa'ayu'kxy, koonëm tpaty jënäkyxyëëw ma ja wintsë'kën yajyäkyën.

Job 23:13

Ko yë'ë tuknipëjktaakë tii tuna'any, tyuunpy yë'ë; ka'ap pën tjëkyepy wyinma'anytyuktëkëtëty.

Salmos 80:14

Dios mëti'ipë maaytyääyëpën winë, tun yë mëyajtën, winpit jatëkok. Ku'ijxnax jam tsajpjotm ets mëmay mëtaj ya'atë naax kajpn, mëti'ipë jëtu'unën tä tsatym kyepyën.

Salmos 80:7

Dios, mëti'ipë maaytyääyëpën winë, mijts m'a'ixëp ets jatëkok ëëtsëty jëtu'un nja'ay'atëty tä pya'tkë'p'ajtyën. Ni''ijxkëtaktëk ëëtsëty ets jëtu'un jatëkok nyajpaatëtyës ëwaatsëtuuy.

Jeremias 27:12

Ëjts Jeremías, ojtsës nkajpxnajxta'ay ya'atë aaw ayuk ma Sedequías yajkutujkpën, mëti'ipë jam Judá ënä'ämpën ets ojtsës n'ënëëmë: Näkyë'ëyakëtë ma Babilonyë yajkutujkpën ets ma nyaax kyajpnën ets mjuuky'atëty.

Jeremias 27:17

Këtii xymyëpëktëty. Nikë Näkyë'ëyakëtë jam ma Babilonyë yajkutujkpën ets mjuuky'atëty. ¿Tii mpëktëp mpaatëp ko ya'atë naax kajpn jyatëty xit ko'ow?

Jeremias 27:8

E pën jää yë naax kajpn mëti'ipë ka'ap nyätyuk'ëne'emyën yë Nabucodonosor, ëjts ntëytyunäämpyës tääpë naax kajpn mëët yë tsip, yuu xëëw ets pa'am ëyo'on, koonëm ja naax kajpn aakjam yajpata'atëty ma Nabucodonosor y'ëne'emyën. Ëjts Wintsën, ëjts ënaanp.

Jeremias 38:2

Jëtu'un yë Wintsën y'ënä'äny: Mëti'ipë wë'ëmtëpën kajpnjoty, yë'ë nëjkx yaj'ookëtë jëën tsip, yuu xëëw ets pa'am ëyo'on. E mëti'ipë näkyë'ëyajkëtëpën ma Caldeo ja'ayëtyën, tämyëm jyaakwë'ëmtëty juuky.

Jeremias 39:3

mëët tëkokyë ja Babilonyë tsiptuunpëtëjk mëti'ipë mëj'äämpy ijtëpën ets jam nyäpyëjktakëtë ma ja kajpn yajnitëkën itkujkytsyow. Tam ja mëti'ipë xyëëwajtypyën Nergal-sarézer, samgar-nebó, Sarsequim, wintsën y'ity ma ja kutujktaknën ets ja wiinkpë mëti'ipë xyëëwajtypyën Nergal-sarézer, nän wintsën y'ity.

Jeremias 40:9

Ets ja Guedalías y'ënëmaayëtë, yë'ë tyios tyukkajpxpejtyp: Këtii mtsë'ëkëtë ko yë caldeo ja'ay m'ënä'äma'anëtë. Jam wë'ëmtë tsënääpyë Babilonyë ets oy myajpaatëty.

Jeremias 44:7

Ëjts Wintsën mëti'ipë maaytyääyëpën winë, mëti'ipë ja Israel ja'ay Tyios'ajtëpën, ëjts ënaanp. ¿Tii ko kë'ëm tääpë ëyo'on jotmay mnätyukniminëtë, wi'ix ko miitsëty kë'ëm xy'ëwa'atstë ets ni'ëmukë y'ooktëty yë Judá ja'ayëty, ye'etyëjk to'oxytyëjk, pi'k ëna'k ets yë'ëpaat mëti'ipë tim je'eyë të myëxu'unk'atyën, këtiipë pën wyë'ëmëty?

Ezequiel 8:4

Tap ënety ja myëj'ajt y'oyajtën ja Israel Wintsën, mëti'ipës të n'ëkwin'ixjpën jam joyjotm.

Amós 5:27

Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Dios mëti'ipë maaytyääyëpën winë ets jëtu'un txëëwaty.