Jeremias 37:7 - Biblia Dc en Mixe de Quetzaltepec

⁷ ja ja'ayëty mëti'ipë të nyiminyëtën: Ënëëmëtë yë Judá yajkutujkpë mëti'ipë të mkäxëtën etsës winë xyajtëwtëty, ko ja yajkutujkpë mëti'ipë jap Egiptë ënä'ämpën tëë ja tsyiptuunpëtëjk wyimpijta'atë mëti'ipë të y'ëna'antën ko mputëkëja'anyë.

Biblia Mixe de Quetzaltepec

⁷ ja ja'ayëty mëti'ipë të nyiminyëtën: Ënëëmëtë yë Judá yajkutujkpë mëti'ipë të mkäxëtën etsës winë xyajtëwtëty, ko ja yajkutujkpë mëti'ipë jap Egiptë ënä'ämpën tëë ja tsyiptuunpëtëjk wyimpijta'atë mëti'ipë të y'ëna'antën ko mputëkëja'anyë.

Jeremias 37:7 ပူးပေါင်းရင်းမြစ်များ

Lamentaciones 4:17

Ëëtsajtëm oy jënu'un wiin nyaj'ënu'kxëmëty ets oy jënu'un nja'ëwxijtmëty ja näypyutëkë, ka'ap tii mpaata'anëmë. Yë'ë ntsaty'ëwxijtëmë tu'uk yë kajpn mëti'ipë ka'ap tjëkyepyën xyajtsokmëty.

Ezequiel 17:17

Paatykyëjxm ko ënety yë Babilonyë yajkutujkpë tnipëtë'ëky yë kajpn ets twinwëëtëty; t'oytyunëty yë ye'eypyäjn jam potsykyëjxm ets jap kajpnjoty tyëkëty ets may yaja'ay ookëty; yë Egiptë yajkutujkpë ka'ap pyutëkëja'anyë ets ka'ap tyuknikäxa'anyë tsiptuunpëtëjk ets mayjyä'äy,

Jeremias 37:3

Ojts yë Sedequías tkexy yë Jucal, yë Selemías yë myaank ets ja teety Sofonías, yë Maaseías yë myaank ets nëjkx t'ixtë ja Jeremías ets t'ënëëmëtëty: Kukajpxtaktëkës ma Wintsënën mëti'ipës nTios'ajtëpën.

Jeremias 21:2

Tun yë mëyajtën, yajtëw wäänë yë Wintsën mëët ëëtsëty, yë Nabucodonosor mëti'ipë jam Babilonyë yajkutujkpën, yë'ëjës ëxëëk xytyuuntëp ets tëëjës yë nnaax nkajpn tyajnatuky. Wä'änxyëp yë Wintsën yë myëj'ajtën tyaj'ixëtëty ets jeexyë yë Nabucodonosor tyajwinpity ets jatëkok tnajtskäxëty ma nyaax kyajpnën. Ënet ja Wintsën ojts tmëkäjpxy yë Jeremías,

2 Reyes 22:18

Ënëëmë näjyëtu'un ja yajkutujkpë mëti'ipë jam tuunpën Judá, mëti'ipë të mkäxëtën ets xyajtëwa'antë ja Wintsën ja mjotmayëty, ko yë Wintsën, mëti'ipë yë Israel ja'ayëty y'ëwtajtëpën, jëtu'un y'ënä'äny: Mëët ko xyjyotmaypyiky ja mëti'ipë të xymyëtoyën,

Ezequiel 29:16

yë Israel kajpn ka'ap jatëkok t'ëktuk'ijxpäjnëty yë Egiptë kajpn, nëjkxëp tja'akyukëtë ok ko ojtstëm tsyuu'atë ko näypyutëkë t'ixtaaytyë jap Egiptë. Ënet nëjkx nijawëtë ko ëjts Wintsën.

Jeremias 2:36

¿Wi'ix ko janty poj'am xytyimyajtëkatsa'any ja mja'ay mëti'ipë mëët mnäpyiky mnämyätsyën? Näyjyëtu'un ënät ja Egiptë kajpn ka'ap oy mmëtuna'anyë, tä ja Asiria kajpnën ka'ap ojts oy mmëtunyë.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Jeremias 2:18

¿Tii ënät mtimpyaat mtimy'ixëp ko mnëjkxëty jap Egiptë ets xy'uukëty ja Nilë nëë? ¿Tii ënät mtimpyaat mtimy'ixëp ko mnëjkxëty jam Asiria ets xy'uukëty ja Éufrates nëë?

Jeremias 2:37

Wintsëtyu'un jëjptsëtyu'un jatëkok jap Egiptë mwinpitëty jä'ä ko tëëjës ja naax kajpn n'ëxmajtsta'ay mëti'ipë ënety mmëkwinkajpxëyëpën; e oy jënu'un mëët oy mjanäjyawëtëty, ka'ap nitii xypyaata'any mëët yë'ëjëty.

Jeremias 21:1

Ënet yë Sedequías yajkutujkpë tkejxy yë Pashur, yë Malquías yë myaank, mëët yë teety Sofonías, yë Maaseías yë myaank ets nëjkx t'ixtë yë Jeremías ets t'ënëëmëtëty:

Jeremias 37:5

Ko ojts jap Egiptë tsyoontë ja tsiptuunpëtëjkëty mëti'ipë yë faraón jyä'äy'äjtypyën. Yë Caldeo ja'ayëty ojts tnijawëtë mëti'ipë ojts ja Jerusalén kajpn tnitëkëtën, poj'am jam tsyo'ontaaytyë.

Jeremias 37:6

Ënet ja Wintsën ojts t'ëne'emy ja Jeremías ets t'ënëëmëty

Lamentaciones 1:7

Yë Jerusalén kajpn tja'amyejtsy ko ojts wyi'imy nätyu'uk mon tuk; jyä'ämyejtsyp ko ojts matsy wit meeny tmëët'aty; tja'amyejtsy ko ojts myëtsip myëmëtä'äkyë ets ka'ap pën pyutëjkëyë, ko ja myëtsip y'ijxëtë ets nyëxik tyukxikë ma ënety o'ktëy jyätyën.

Ezequiel 30:22

Paaty ëjts maas nWintsën'atyën, jëtu'unës n'ëna'any: Ëjts mëtsipës yam n'awinpity ma yajkutujkpën, mëti'ipë jap Egiptë ënä'ämpën. Ntëjjäämpyës yam mäjtskëty yë kyë'ë, tu'uk yë oypyë ets tu'uk mëti'ipës të ntëjyën ets jëtu'un tmajtstu'utëty yë tyiypyujxn.

2 Reyes 24:7

Ja yajkutujkpë mëti'ipë jap tuunpën Egiptë ka'ap ojts maa y'ëknëjkxnë, jä'ä ko ja yajkutujkpë mëti'ipë jam ënä'ämpën Babilonyë tëë ënety ja naax kajpn tniwaanta'ay mëti'ipë të tnitsiptunyën; jampaat ënety të tjä'äpëky ma ja wokën mëti'ipë Egiptë ja'ay jyä'ä'ajtëpën ets tyimja'ty ja ma ja mëjnëëjën mëti'ipë yajtijpën Éufrates.

Isaías 30:7

Ka'ap tii myäyë, ka'ap tukjaty wi'ix pyutëkëtëtyën, paatyës të nxëëwmo'oy: Mëj jëyujk mëti'ipë je'eyë ni'tspën ets ka'ap tii tuny.

Isaías 36:6

Jëtu'unës n'ixy ko yë'ë Egiptë mtuk'ijxpejtyp. Oy, yë Egiptë ja'ayëty jëtu'un yë'ëjëty tä kepy xya'kën, ko yajmatsy tääts kyë'ëtëkë. Jëtu'un tääpë yajkutujkpë, mëti'ipë jap Egiptë ënä'ämpën ets jëtu'un tyajjaty tyajkëpety mëti'ipë tuk'ijxpäjtëpën.