Jeremias 36:10 - Biblia Dc en Mixe de Quetzaltepec

¹⁰ Ënet ja Baruc jam tsajptëjk'ëkë'ëm wya'ak'a'awëy, ma ja tëjkëtyaknën mëti'ipë tyijtëpën Jempyë Tëjk Aaw ma ja Guemarías ja tyëjkën, yë Safán yë myaank mëti'ipë jääpyën, ojts tkajpxta'ay tu'kë'ëyë ja Wintsën ja y'aaw y'ayuk mëti'ipë jap miinpën këxja'ay ma ja noky axaatsyën.

Biblia Mixe de Quetzaltepec

¹⁰ Ënät ja Baruc jam tsajptëjk'ëkë'ëm wya'ak'a'awëy, ma ja tëjkëtyaknën mëti'ipë tyijtëpën Jempyë Tëjk Aaw ma ja Guemarías ja tyëjkën, yë Safán yë myaank mëti'ipë jääpyën, ojts tkajpxta'ay tu'kë'ëyë ja Wintsën ja y'aaw y'ayuk mëti'ipë jap miinpën këxja'ay ma ja noky axaatsyën.

Jeremias 36:10 ပူးပေါင်းရင်းမြစ်များ

2 Samuel 20:25

Yë Sevá yë'ë ijty kyujaaytyääpy winë, e yë Sadoc ets Abiatar yë'ë ojts tyeety'atë.

2 Samuel 8:17

Yë Sadoc, yë myaank yë Ahitub ets Ahimélec, yë myaank yë Abiatar yë'ë ojts y'itë teety; yë Seraías yë'ë ijty winë kyujääpy

1 Reyes 6:36

Jap tëkotsyow, ojts tyajkojy yë nyitëja'aw, tëkëëkpëky t'apojtstujky, ma tyajtuunyën yë tsaatsetsy ets tu'kwaats yë ajë kepy.

2 Reyes 15:35

ojts tyajkojy ja tsajptëjk'aaw jamtsow jëjp'am. Je'eyëp ko ka'ap tjëpëjktaay ja jëën tëjk ma ënety y'itën ja ka'apë tyiosëtyën ma ja ja'ay ja wyintsë'kën tyajktën ets ja pyoom tyajtoytyën.

2 Reyes 18:37

Ënet ja Eliaquim, mëti'ipë kyëwent'ajtypyën ja kutujkëntëjk; ja Sebná, mëti'ipë ja noky myëët'ajtypyën ma jap winë kuja'ay myinyën ets ja Joah mëti'ipë ja yajkutujkpë jyääpyë'ajtypyën ja wyit tkë'tstaaytyë mëët ja monyëtukyë ets ojts tninëjkxtë ja Ezequías, tääts tukmëmëtyaktaaytyë tä ënety ja Asiria ja'ay, tsiptuunpë wintsën të y'ënä'änyën.

2 Reyes 22:3

Ma ënety myajkmokx tëkëëk jëmëjtpetyën ma ja Josías yajkutukyën, ënät yë yajkutujkpë ojts tkexy yë jyääpyë jam ma ja tsajptëjkën, ja jyääpyë jä'ä txëëwajtyp Safán, yë'ë myaank yë Asalías ets yë'ë y'ok'u'unk yë Mesulam ets t'ënëmaay:

Jeremias 26:10

Ja kopktëjkëty mëti'ipë jam Judá mëj'äämpy ijtëpën, ko tnija'awëtyë wi'ix jam jyäty kyëpetyën, ënätyë jam tsyo'ontë ma ja kutujkëntëjkën, ma ja yajkutujkpë y'ëne'emyën ets ojts nyëjkxtë ma tsajptëjkën. Jam nyaaxwä'tstë ma ja Jempyë Tëjk Aawën.

Jeremias 26:24

Yë Ahicam, yë Safán yë myaank, yë'ë ojts tnikajpxtu'uty ja Jeremías ets ka'ap yajkë'ëyäjky ma ja mayjyä'äyën këtiipë tyaj'ooktëty.

Jeremias 29:3

Ya'atë noky yë'ë ojts tmënëjkxy yë Elasá, yë Safán yë myaank ets Guemarías, yë Hilquías yë myaank, mëti'ipë ja Judá yajkutujkpë kyäjxën jam Babilonyë ets nëjkx jam nyäwya'këxë'ëkëtë ma ja Nabucodonosor yajkutujkpën. Ja noky jëtu'un y'ënä'äny:

Jeremias 35:4

ets ojts nwoownëjkxtës jam ma tsajptëjkën, jap tëkoty nkuwo'owëtyës yë Hanán y'u'unk y'ëna'këty, yë Igdalías yë myaank mëti'ipë ijty Dios y'ëwtajtypyën. Yë ya'atë tëkot akojmuky mëët yë tyëkot ma kopktëjkëty y'itën mëti'ipë ma tsajptëjkën tuuntëpën, jam yajpaaty ma Maaseías kopkën, yë Salum yë myaank mëti'ipë ijty këwent'ajtpën ma tsajptëjk yajnitëkën.

Jeremias 36:11

Yë Micaías, yë Guemarías yë myaank, yë Safán y'ok'u'unk, wa'ats tmëtoowtaay ja Wintsën ja y'aaw y'ayuk mëti'ipë ja Baruc kyäjpxypën mëti'ipë jap miinpën këxja'ay ma ja noky axaatsyën,

Jeremias 36:25

Yë Elnatán, yë Delaías ets Guemarías ojts mëktä'äky tja'ënëëmëtë ja yajkutujkpë ets këtii tno'okëty ja noky axaatsy, e yë'ë ka'ap nyi''ijxë'këtë,

Jeremias 36:6

Paaty mijts ntuknipëky ko jatëkok tpaatëty ja nyixëëw ma ja'ay y'ayuu'atën, tääts mnëjkxëty ma tsajptëjkën ets jap xykyajpxëty tëkokyë mëti'ipës të nnaskajpxën ets të xykyëxja'ayën jëtu'un tmëtoowtëty yë ja'ayëty ja Wintsën ja y'aaw y'ayuk, yë Judá ja'ayëty mëti'ipë të tsyoontën ma kyajpnëtyën ets të myintën ma tsajptëjkën,

Jeremias 36:8

Yë Baruc jëtu'un tuuntaay tä ënety ja Jeremías käjpxynyajxpë të tyuknipëkyën, ojts jam nyijkxy ma ja tsajptëjkën ets tkajpxtaay ja noky axaatsy ma ënety të tkëxja'ayën ja Wintsën ja y'aaw y'ayuk.

Jeremias 43:3

Yë Baruc, yë Nerías yë myaank, yë'ë të m'ënë'ëmxëty ets mijts tëkatsy winë xynyimëtya'akëty ma ëëtsëtyën, jëtu'un yë'ë myëta'akëty etsës xyaj'ook xyajtëkoytyëty ets xymyënëjkxtëtyës tsumy matsy jam Babilonyë.

Jeremias 52:25

Ja ja'ayëty mëti'ipë jam Jerusalén yajpatëpën, yë'ë ojts yajmatsy ja tsiptuunpë wintsën, mëti'ipë nyikopk'ajtypyën ja tsiptuunpëtëjk; ojts näjyëtu'un yajmatstë ja niwëxtujkpë ja ja'ayëty, mëti'ipë ja yajkutujkpë kyëwent'ajtëpën, mëti'ipë ënety jam kajpnjotm yajpatëpën; ja tsiptuunpë wintsën mëti'ipë ja tsiptuunpëtëjk ijty jyääymyujkpyën ets nitëkë'px majk ja kopktëjkëty, mëj'äämpyë y'itën jam kajpnjotm.

Ezequiel 40:38

Tam ijty wiinkpë ja tëjk mëti'ipë mëët nyäwyinku'ixëtyën ja tëjkwiin mëti'ipë jamën ma tëjkëtyaknën. Jap yajpujtë ja jëyujk ooky mëti'ipë wintsë'kën'ajtpën nino'oky.