Jeremias 35:2 - Biblia Dc en Mixe de Quetzaltepec

² Nëjkx jam ma Recab ja'ayëtyën ets xy'ënëëmëty wä'än tmintë ma tsajptëjkën, jap tëkoty xykyuwowëty ets xymyo'ojëty yë tsatym nyëë mëti'ipë tëë nyimaanaxyën.

Biblia Mixe de Quetzaltepec

² Nëjkx jam ma Recab ja'ayëtyën ets xy'ënëëmëty wä'än tmintë ma tsajptëjkën, jap tëkoty xykyuwowëty ets xymyo'ojëty yë tsatym nyëë mëti'ipë tëë nyimaanaxyën.

Jeremias 35:2 ပူးပေါင်းရင်းမြစ်များ

1 Reyes 6:10

Ojts ëpëky näjyëtu'un tuknakoj'ëwtity ja tëjk, jä'ä kyëjxmëty tu'kxajpk ja tu'kkë'ënux, mëti'ipë ojts mëët ja tsajptëjkpotsy nyämyajts'ityën, yë'ë tyukuwijtstë ajë kepy.

1 Reyes 6:8

Ja nyitëjk'aaw ja tëjk mëti'ipë ojts yajtukpa'akojën ja tsajptëjk ëpa'tkë'ëytsyowpyë, a'oytsyow ojts yajpëjktä'äky; e ja nyiye'eypyäjn ja mëmäjtsk nikë'ëpë ets ja mëtëkëëk nikë'ëpë yë'ë ojts tu'uk tpotstë yë nyi'escalerë, nawinjë'ëk tpojtstë.

1 Crónicas 2:55

ets ja jyä'äy ja soferitë ja'ayëty mëti'ipë ijty jam tsënääpyën Jabés, jä'ä jëtu'unëty mëti'ipë yajtijtëpën tiratejë ja'ayëty, simatejë ja'ayëty ets sucatejë ja'ayëty. Yë'ë ya'atë ojts yajtijtë quenitas ma tsyoontën yë Hamat, mëti'ipë tyeety'ajtën Bet-recab.

1 Crónicas 23:28

yë'ë myëwë'ëmtë ja teety'ajtk, mëti'ipë ja Aarón y'u'unk'ajtyp y'ok'ajtypyën, ma ja tuunk ënety tyu'uye'eyä'änyën jap tsajptëkoty, jap tëja'p, tëkoty ets ma yajpuja'anyën ja apëjk atu'unën kënu'kxypyë ets tëkokyë tiituunk jap yajpatpën.

1 Crónicas 28:12

Ojts näjyëtu'un tmo'oy ja nyinoky wi'ix ja tëjk yajtukpa'akojëtyën, wi'ix ja tëjkwiin y'itëtyën, ma y'itëtyën ja mëti'ipë ja'ay yojxtëpën ets mëti'ipë yajnipëjkpäjtpën ja ëmaayëtypë.

1 Crónicas 9:26

E ja mëti'ipë ojts yajxon tyimyajtuknipëktën këwent'atëty ja taxkpëkpyë ja tëjkëtyakn, mëti'ipë Leví ja'ayëty, ka'ap ijty nijëna'a t'awa'ktu'utë ja tëjk'aaw, xëmë jam yajpaatë ets tkëwent'atë ja Dios ja jyëën tyëjk.

1 Crónicas 9:33

Tam'ajtëp ijty näjyëtu'un yë ëëpë yaxpë, jam ja tyim'ijtëpë ma ja tsajptëjkën, mëti'ipë nyikopk'ajtëpën ja Leví ja'ayët;, nän yi'iyë ijty tyimtuunk'ajtëp, ka'ap tii ëpëky tuntë.

2 Crónicas 3:9

Ja pujxn mëti'ipë tyukuwojptën jä'ä ënety tu'ukjaty jye'emtyëty, mëkoxk mëko'px nuuky. Ojts näjyëtu'un tkooytyä'äy mëët yë pu'ts pujxn ja tëkot mëti'ipë këjxm ijtpën.

2 Crónicas 31:11

Paatykyëjxm yë Ezequías ojts tni'ënä'ämë ets t'oytyuntëty tu'uk yë tëjk, winkon ma ja tsajptëjkën ets jap yajpëjkë'ëkëtyën winë. Ko kyojtaay,

Esdras 8:29

mëk xykyëwent'atëty ets koonëm yakijpxta'ajëty ma ënety jam ja teety wintsëntëjk, Leví ja'ayëty ets mëjja'aytyëjkëty kë'ëm t'ixtën, jam tsajptëkotm, jam Jerusalén.

Nehemías 13:5

ojts tëjkmo'oy jap mëjtëkoty ya'atë Tobías, jap ma ënety ja jë'kxy pëky yajnipëjkpetyën, ja poom, ja apëjk atu'unën, ja tu'kpëkpyë mëti'ipë yajjëpëjkpën ko majkpëky yajpëjkwä'kxy tä ja tsajpmokën, ja uuky ets ja on, mëti'ipë yajmooytyëpën ja Leví ja'ayëty, ëëpë xuxpëty, ëëpë yaxpëty ets ja tëjkëwent'ajtpëty, ëpëky ja ayajk ako'onën mëti'ipë yajyajkpën kë'ëmwinma'any mëti'ipë yajmooytyëpën ja teetytyëjkëty.

Jeremias 35:3

E ëjts Jeremías, ojtsës ninëjkxy yë Jaazanías yë myaank yë nmëxëëwës mëti'ipë näjyëtu'un xyëëwajtypyën Jeremías ets Habasinías yë y'okmaank ets myëkä'äxtëjk ets y'u'unk y'ëna'k ets tu'kë'ëyë ja'ayëty mëti'ipë Recab ja'ay'ajtëpën,

Jeremias 35:4

ets ojts nwoownëjkxtës jam ma tsajptëjkën, jap tëkoty nkuwo'owëtyës yë Hanán y'u'unk y'ëna'këty, yë Igdalías yë myaank mëti'ipë ijty Dios y'ëwtajtypyën. Yë ya'atë tëkot akojmuky mëët yë tyëkot ma kopktëjkëty y'itën mëti'ipë ma tsajptëjkën tuuntëpën, jam yajpaaty ma Maaseías kopkën, yë Salum yë myaank mëti'ipë ijty këwent'ajtpën ma tsajptëjk yajnitëkën.

Jeremias 35:8

Ëëtsëty yë'ë nmëmëtoowtëpës ets ntuuntëpës mëti'ipë ojts yë n'ap n'okëtyës Jonadab xytyuk'ënä'ämtën, paaty ka'ap nijëna'a n'uuktës yë tsatym nyëë mëti'ipë tëë nyimaanaxyën, ëëtsëty ets nto'oxytyëjkëtyës ets n'u'unk n'ëna'këtyës ka'apës tääpë tsatym nyëë n'uuktë,

Ezequiel 40:16

Tu'ukjaty ja tëjk ojts yajpëjktakta'ay ja nyi'ëwa'atsajtën, jap tëkotsyow yë'ë myëët'ajtyp yë pujxn mëti'ipë y'apëjktujkpyën ets näjyëtu'un ja nyixeny mëti'ipë yajpatpën maajaty yajnitëkën ojts yajpëjktä'äky nyi'ëwa'atsajtën. Näyjyëtu'un ja tëjkwiin ojts yajpëjktä'äky ja nyi'ëwa'atsajtën jootjoty. Ma ja nyixenyën jam ojts kyëxkojy yë tëëxy kepy.