Jeremias 34:8 - Biblia Dc en Mixe de Quetzaltepec

⁸ Ojts ja Wintsën tmëkäjpxy ja Jeremías, tëë ënety ja Sedequías yajkutujkpë tuny tu'uk ja käjpxytyu'unën mëët ja mayjyä'äy mëti'ipë kukajpnajtëpën jam Jerusalén, yë'ë ënety të tkäjpxy'atë ets tyaj'ëwaatsëpëtsëma'antë ja ëyoopë mëtuunpë.

Biblia Mixe de Quetzaltepec

⁸ Ojts ja Wintsën tmëkäjpxy ja Jeremías, tëë ënäty ja Sedequías yajkutujkpë tuny tu'uk ja käjpxytyu'unën mëët ja mayjyä'äy mëti'ipë kukajpnajtëpën jam Jerusalén, yë'ë ënäty të tkäjpxy'atë ets tyaj'ëwaatsëpëtsëma'antë ja ëyoopë mëtuunpë.

Jeremias 34:8 ပူးပေါင်းရင်းမြစ်များ

Jeremias 34:17

Paatyës mëti'ipë Wintsën'ajtpën, jëtu'unës n'ëna'any: Miitsëty ka'apës të xymyëmëtowtë, ka'ap të xy'ëxmatstë ets të xyaj'ëwaatsëpëtsëmtë ja mjëëky mmëku'ukëty mëti'ipë të xyajmëtuntën; e ëjts yë'ëjës nnajtsmatsëjäämpy yë tsip käjpxy, yuu xëëw ets pa'am ëyo'on, mëti'ipë ëxëëk myajjat myajkëpätëtëpën ets naax kajpn tsyë'ëkëtëty. Ëjts Wintsën, ëjts ënaanp.

2 Reyes 11:17

Ok ja teety Joiadá tuuny tu'uk ja käjpxytyu'unën mëët ja Wintsën, ja yajkutujkpë ets ja naax kajpn mëti'ipë ja Wintsën jyä'ä'ajtypyën ets näjyëtu'un tuuny ja käjpxytyu'unën ja yajkutujkpë mëët ja kajpn.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Nehemías 9:38

Mëët ya'atë kyëjxm, tyam ëëts yajxon nikajpxtë nokykyijxy ets wä'än yajxon tyajjaaypyäjta'ay, ets ja noky mëti'ipë ënät pëtë'ëkëpën yë'ë wyinkukaatsëtëp ets tsya'atëp ëëts yë nkopktëjkëty, Leví ja'ayëty ets teetytyëjkëty.

2 Crónicas 29:10

Paatyës të ntuknipëjktaakë koos ja käjpxytyu'unën oypyë ntuna'any mëët yë Wintsën, mëti'ipë Israel ja'ayëty y'ëwtajtëpën ets Wintsën tyajjëwa'akëty ja tsyip y'äkë ma ëëtsajtëmën.

2 Crónicas 23:16

Ok ja Joiadá tuuny ja käjpxytyu'unën mëët ja naax kajpn ets ja yajkutujkpë, ojts nikajpxtë ko yë'ë xyëëwajtëp Wintsën ja nyaax kyajpn.

Deuteronomio 15:12

Pën yë mmëkunaax mmëkukajpn nätyo'këp ma mijtsën, wä'än yë'ëjëty ye'etyëjk ëkë to'oxytyëjk ets mëtuna'anyë. Tëtujkjëmëjt nëjkx je'eyë mëtunyë, ko wëxtujk jëmëjt kya'pxnëty, jä'ä nëjkx xyajwë'ëmy ëwaatsëtuuy.

Isaías 58:6

Ka'ap jyëtu'unëty. Ëjts ënätës ntukjotkëta'aka'any pën m'ayuu'ajtp: Ets ja tsumjyä'äy yaj'ëxmatstëty ets ja nipaye'eyën y'itëty, ets xymyëkäjëty ja tsajpkaa mëti'ipë kutsumy yajpatpën, ets yajnajtsmatsëty ja ja'ay mëti'ipë yajtëytyuunpën, ets tyimkutëkoyëty ma ja yajkutujkpëtëjk ëxëëk y'ëtë'ëtstën y'ëna'antën;