Jeremias 34:7 - Biblia Dc en Mixe de Quetzaltepec

⁷ E ja tsiptuunpëtëjkëty mëti'ipë yë Babilonyë yajkutujkpë jyä'äy'äjtypyën tëë ënety tyajnatuktë ja Jerusalén ets ja Judá kajpn mëti'ipë yajtijpën Laquis ets Azecá ja këwent'atypë y'itën.

Biblia Mixe de Quetzaltepec

⁷ E ja tsiptuunpëtëjkëty mëti'ipë yë Babilonyë yajkutujkpë jyä'äy'äjtypyën tëë ënäty tyajnatuktë ja Jerusalén ets ja Judá kajpn mëti'ipë yajtijpën Laquis ets Azecá ja këwent'atypë y'itën.

Jeremias 34:7 ပူးပေါင်းရင်းမြစ်များ

2 Reyes 14:19

Jam Jerusalén tëë ënety yajnikäjpxytyunë ja Amasías, paaty kyeky ets ojts nyijkxy jam Laquis; je'eyëp ko ojts ënätyë ja myëtsiptëjk pyanëjkxyë ets jam yaj'o'kë.

2 Reyes 19:8

Ja Asiria tsiptuunpë ojts tnijawë ko ja Asiria yajkutujkpë tëë ënety jam tsyoony Laquis. Ënet jam tsyo'ony Jerusalén ets jam Libná tpaty ma ënety jam nyitsiptunyën.

2 Crónicas 27:4

Ojts tyajkojy naax kajpn jam Judá, ojts tyajpëtë'ëky potsy mëjatyëtypë mëti'ipë ja naax kajpn tyukuwanën, kanaak ja potsy ojts tyajpëtë'ëky jam yukjotm ma ja'ay y'ijx'it kyëwent'atën.

Isaías 36:2

Jam Laquis, jam ojts tsyoontë ja wyintsëntëjk mëti'ipë ja tsiptuunpë ja'ay nyiwintsën'ajtëpën ets nimiintë ja Ezequías mëti'ipë ënety jam Jerusalén yajkutujkpën. Jam nyäpyëjktakëtë ma ja nëë nyikoompetyën, mëti'ipë yajtijpën Witpujtakn.

Jeremias 11:12

Ënet nëjkx yë Judá ja'ayëty ets Jerusalén ja'ayëty t'amëtowtë yë näypyutëkë ma ja tyiosëtyën mëti'ipë ënety të twinno'ok të twinxamtën mëët ja poom jok, e yë'ëjëty ka'ap nëjkx myäyë yajtso'okëtëty ko ënety ja ëyo'on jotmay tyukja'tëtë.

Jeremias 34:1

Ko ojts yë Jerusalén kajpn ets kajpn mëti'ipë mëët nyätyu'kmëtsëpa'an'atyën nyitëkëty yë Nabucodonosor jampë Babilonyë yajkutukyën, mëët tu'kë'ëyë yë tsyiptuunpëtëjk mëti'ipë wiink naax wiink kajpn tso'ontëpën mëti'ipë yë Nabucodonosor nyitënääpyën, jää ojts yë Wintsën tmëkäjpxy yë Jeremías ets t'ënëmaay:

Jeremias 4:5

Nikajpx nimëtya'aktë jam Jerusalén ets jam Judá, tukxu'uxtë yë pujxnxuxn ma tu'kë'ëyë naax kajpnën, jëtu'un mëk mya'axtëty mjoktëty: Ja'amtë. Tsojk ntu'ukmujkëmë. Ja'amta'ayëm ma ja naax kajpnën mëti'ipë ta'tspëky yajpatpën ets këwent'aty, ijtpën.

Jeremias 8:14

Ets nëjkx ja naax kajpn y'ënä'äny: ¿Tii ko yaa nwë'ëmëty? Nikë tsojk nja'amëmë ma kajpnën këwent'atypë wä'än jam n'o'këmë. Yë nWintsën'ajtëm Dios je'eyëm xyaj'ooka'anëmë mëët yë nëë tsooymyëëtpë mëti'ipë yaj'o'kpën, jä'ä ko tëë nmëtëko'oyëmë.

Miqueas 1:13

Miitsëty Laquis ja'ayëty, mëti'ipë je'eyë të kyäjpxykyumëtoownaxtën tä yë Israel ja'ayëtyën, mëti'ipë ojts ëxëëk tyajjat tyajkëpätën ja Sión kajpn, ko tuk'ixtsumëtë yë mkëwaayëty yë kepy wintëkäämpë.

Deuteronomio 28:52

Ja mnaax mkajpn wa'ats nëjkx tyajnatujkta'atë, koonëm ja nyipotsy tjijtë'kta'atëty; ja potsy oy ënety jënu'un jyata'tspëkyëty ets jyakëjxmëty, mijts ka'ap tjëkyepy xytyukjotkujk'atëty. E jëtu'un jyata'any kyëpäta'any ja naax kajpn mëti'ipë ënety ja mWintsën të mjamo'oyën, ja mmëtsip nëjkx tjä'ä'ajnë.

Josue 10:3

Paatykyëjxm ojts yë Adonisédec kanaak yë noky tyaj'oyë ets tuknikejxy ja yajkutujkpë Hoham mëti'ipë jam ënä'ämpën Hebrón, ja Piream mëti'ipë ënä'ämpën Jarmut, ja Jafía mëti'ipë jam ënä'ämpën Laquis ets ja Debir mëti'ipë jam ënä'ämpën Eglón, ets t'ënëmaay:

Josue 10:5

Ënet ojts jyänty tyu'ukmuktë yë nimëkoxkpë yajkutujkpë mëti'ipë Amor ja'ayëtyën, jä'ä ja yajkutujkpëtëjk mëti'ipë jam yajpatëpën Jerusalén, Hebrón, Jarmut, Laquis ets Eglón, tu'ukyë ojts tsyoontë aakmëët yë tsiptuunpëtëjkëty ets tninëjkxtë ja Gabaón kajpn.

Josue 12:11

Tarmut, Laquis,

Josue 15:35

Jarmut, Adulam, Socó, Azecá,

Josue 15:39

Laquis, Boscat, Eglón,