Jeremias 34:22 - Biblia Dc en Mixe de Quetzaltepec

²² Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Biblia Mixe de Quetzaltepec

²² Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Jeremias 34:22 ပူးပေါင်းရင်းမြစ်များ

2 Samuel 16:11

Ets tni''ijxwinpijty yë Abisai ets ja tsyiptuunpë wintsën, t'ënëmaay: Pën yë'ëpaatës yë nkë'ëm u'unk xyaj'ooka'any, wi'ixpëm jëtää yë ja'ay ka'apës mpën'atyën tä yë Benjamín y'u'unk y'okën. Wä'än t'ixy pën xypyojkpës, yë Wintsën ënät të tyuk'ëne'emyë.

2 Reyes 25:6

Ja caldeo ja'ayëty ojts tmatstë ja yajkutujkpë Sedequías ets ojts tukninëjkxtë ja yajkutujkpë jampë tyunyën Babilonyë, jam ënety yajpaaty Riblá, ma ja Hamat nyaaxjotmën. Jam ja Nabucodonosor tyajnitujkëy ja Sedequías,

2 Reyes 25:9

ets tjëën ixko'onëtyë ja tsajptëjk, ja akujktëjk ets tëkokyë ja jëën tëjk mëti'ipë ënety jam kajpnjotm yajpatëpën; jä'ä nyino'ktë jëyëjp ja tyëjkëty ja wintsëntëjkëty,

2 Crónicas 36:17

Ënet ja Wintsën tuknipëjktakëy ets ja yajkutujkpë caldeo ja'ay, tyaj'o'kta'ajëty ja ëna'ktëjk mëti'ipë jap yajpatëpën tsajptëkoty; aak tsujkn tyukyaj'o'ktë, ye'etyëjk to'oxytyëjk, mëjja'ay mutskja'ayëty ets wä'än yë'ëty mëti'ipë ka'ap y'oy'at myëk'atën. Tëkokyë ja ja'ayëty aak ojts ja Wintsën kyë'ëyajkta'ajëtë ma ja caldeo ja'ayëtyën.

Isaías 13:3

Tëës nmëkajpxmuky ja njotmëktëjkës, tëëjës ja ntsiptuunpëtëjk nmo'oy ja ënä'ämën, mëti'ipë tyukxoontaktëpën koos nmëtä'äky, ets tyajnaxtëty ja tëytyu'unën.

Isaías 24:12

Xit ko'ow ja kajpn të jyäty, ja tëjk akaj, kujy jëpipy të jyajta'ay.

Isaías 37:26

¿E mijts ka'ap të xynyijawë ko ëjts Wintsënajtp, ëjts winë ntuknipëjktakëp ko tii tyunyë jyätyë? Ëjts tëëyëpës jëtu'un ntuknipëjktaakë ijxtëm tyam winë tyunyë jyätyën; paatykyëjxm mijts may ja naax kajpn të xyajkutëkoy ets je'eyë xit ko'ow të xytyuunta'ay.

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënety ka'ap nitu'uk ja ja'aynyën; tëë ënety ja jëën tëjk tyukwatsta'ay, ets tëë ënety ja kam tu'u y'awinpijta'ay anë'ëk tëëtsë'ëk,

Isaías 64:10

Ix ja mnaax nkajpn aak aanë'ëk aak tëëtsë'ëk yajpatnëtë, ets ja Jerusalén kajpn tëë xit ko'ow jyajtaaynyë.

Jeremias 2:15

¿Wi'ix ko jëtu'un myëtsip nyipëtë'ëkyë kaajën ets jëtu'un yaj'ixy ni'tsëp yowë? Xit ko'ow ja nyaax kyajpn të tyu'unxëtë; tëë nyino'kxta'ayxyëtë ja nyaax kyajpnëty ets ni pën juuky të kyawë'ëmy.

Jeremias 32:29

Yë Caldeo ja'ayëty mëti'ipë jam nyitëkëjantëpën yë Jerusalén kajpn, ko ënät tnitëkëtëty, tääts tjëënmo'oja'antë ets tnino'kta'aja'antë, näjyëtu'un ja jëën tëjk ma ijty jam tëjkëjxm tmo'otën yë Baal yë wyintsë'kën, ma tukwinjoktën ja poom ets tsatym nyëë tëëpë nyimaanaxyën, mëti'ipës ojts xytyuk'yajjoot'anpëktën.

Jeremias 33:10

Jëtu'un yë Wintsën y'ënä'äny: Miitsëty jëtu'un m'ëna'antë ko ya'atë itjot aanë'ëk tëëtsë'ëk yajpatnë, ko ka'ap pën ja'aynyë ets ka'ap tii jëyujknë; ko yë Jerusalén kajpn ets Judá kajpn tukwa'ats të y'awinpity, ko ka'ap jap tii ja'aynyë ets ka'ap jap tii jëyujknë. E yajmëtowaanp jatëkok

Jeremias 34:2

Ëjts, mëti'ipë Wintsën'ajtpën, mëti'ipë yë Israel ja'ayëty Tyios'ajtëpën, mijts ntuknipëjkpy ets nëjkx xy'ënëëmë yë Sedequías yajkutujkpë, mëti'ipë jam Judá ënä'ämpën: Jëtu'un yë Wintsën y'ënä'äny: Ëjts nyajkutukäämpy ets Babilonyë yajkutujkpë myinëty ma mnaax mkajpnën ets tjëënmo'ojëty yë mkajpn.

Jeremias 38:23

Ets Jeremías tjaakënëmaay yë yajkutujkpë: Tëkokyë yë to'oxytyëjktëjkëty ets yajkutujkpë yë y'u'unk y'ëna'k, yë'ë nëjkx yajkë'ëmo'otë yë Caldeo ja'ayëty; mijts yajkutujkpë ka'ap nëjkx mmayë mkä'äkëty, nëjkxëp myajkë'ëyäky ma ja Babilonyë yajkutujkpën ets nëjkxëp yë Jerusalén kajpn tno'oktë.

Jeremias 39:8

Yë Caldeo ja'ayëty ojts tjëënmo'otë ja kutujkëntëjk ets ja ja'ay ja jyëën tyëjkëty mëti'ipë jamën kajpnjotm, ojts tjijtë'kta'atë ja potsy mëti'ipë ja Jerusalén kajpn nyapots'ajtypyën.

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Jeremias 50:13

Jä'ä ko ntukjoot'anpëkäämpyës yë'ë ets nitu'uk yë nyija'ay nkayajwë'ëma'anyës. Ko ënety jam pën nyäxy, je'eyë tsyë'ëkëty mëët ko ënety t'ixy wi'ix ja tëytyu'unën të t'ëxajën tääpë kajpn.

Jeremias 52:13

ets tno'ktëkooy ja tsajptëjk ets ja kutujkëntëjk ets ja jëën tëjk jampë kajpnjotm yajpaatyën, yë'ë ni'ik ja wintsëntëjkëty ja jyëën tyëjkëty mëti'ipë ënety mëj'äämpy të y'itën;

Jeremias 52:7

Ënet ja Jerusalén ja'ayëty tyajjujtë ja mëjpotsy mëti'ipë ja kajpn nyapots'ajtypyën. Oy ënety jam ja caldeo ja'ayëty tjayaj'itë ja naax kajpn natuky, jap nyajxtaaytyë ja tsiptuunpëtëjkëty, Israel ja'ayëty ets kyäktë. Jam pyëtsëëmtë ma ja tëjkëtyaknën ma mäjtsk ja potsy nyäpyäätyë, koots kyäktë, jam nyajxtë ma ja kamjotmën mëti'ipë yajkutujkpë jyä'ä'ajtypyën, yë'ë ojts tpanëjkxtë ja tu'u mëti'ipë jam Jordán nëjkxpën.

Jeremias 9:11

Yë Jerusalén kajpn, tsaa jëtätjot ets wax ijtakn nyaj'awinpita'anyës; yë Judá kajpn aanë'ëk tëëtsë'ëkës nyaj'awinpita'any ets ni pën jam kyatsëënëja'any.

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënety ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Miqueas 7:13

Yë naaxwiinyëtë, aanë'ëk tëëtsë'ëk y'awinpita'any mëët ko të tyëkoytyë yë naaxwiinyëtë ja'ay, jëtu'un wyinpëtsëma'any ja y'ëxëëktu'un y'ëxëëk kajpxënëty.

Zacarías 1:12

Ënet ja Wintsën ja tyäjpjotmëtë kukäjpxy y'ënäny: Wintsën mëti'ipë maaytyääyëpën winë, tëkë'px majk jëmëjt tyam nyëjkxnë ma mijts xymyëtsipë'atyën yë Jerusalén kajpn ets tëkokyë yë Judá kajpn. ¿Jënaak jëmëjt jyaak naxa'any etsës xymyëët'atëty ja pa'ëyo'ow mnajts'ëyo'owën?

Zacarías 7:14

Paatyës nyaj'aye'eywya'kxtaaytyë, tä jeexyë pyojwa'kxtën mëët yë pojxujtyk, xiitsow yaatsow ma ja naax kajpnëtyën mëti'ipë ënety ka'ap t'ixy'atën ets ja nyaax kyajpnëty aanë'ëk tëëtsë'ëk y'awinpijty, ni pën jam kyatsëënëjany. Janty oy ënety tääpë kajpn të yajpaaty e yë'ëjëty mon tuk tyaj'awinpijtë.

Mateo 22:7

Ënet ja yajkutujkpë ojts yajxon jyoot'anpëky ets tkejxy ja tsyiptuunpëtëjk ets tyaj'o'kta'atëty ja yajja'ay'o'kpëty ets tnaxkuno'okëtyë ja nyaax kyajpn.