Jeremias 34:21 - Biblia Dc en Mixe de Quetzaltepec

²¹ Tëës näjyëtu'un ntuknipëjktaakë ets Sedequías, Judá yajkutujkpë mëët yë tyuunpëtëjk kya'atëty ma ja myëtsiptëjkëtyën, ma ja Babilonyë ja'ayëtyën mëti'ipë tsiptuuntëpën, mëti'ipë tu'ktsojkyë ja tsipt të tyajxäämtën.

Biblia Mixe de Quetzaltepec

²¹ Tëës näjyëtu'un ntuknipëjktaakë ets Sedequías, Judá yajkutujkpë mëët yë tyuunpëtëjk kya'atëty ma ja myëtsiptëjkëtyën, ma ja Babilonyë ja'ayëtyën mëti'ipë tsiptuuntëpën, mëti'ipë tu'ktsojkyë ja tsipt të tyajxäämtën.

Jeremias 34:21 ပူးပေါင်းရင်းမြစ်များ

2 Reyes 25:6

Ja caldeo ja'ayëty ojts tmatstë ja yajkutujkpë Sedequías ets ojts tukninëjkxtë ja yajkutujkpë jampë tyunyën Babilonyë, jam ënety yajpaaty Riblá, ma ja Hamat nyaaxjotmën. Jam ja Nabucodonosor tyajnitujkëy ja Sedequías,

Jeremias 22:25

ets nkë'ëyaka'any ma mmëtsipën mëti'ipë ooky m'ixanëpën ets mëti'ipë ëxëëkëm xytsyë'ëkën. Yë'ë ntukë'ëtëkëjäämpy yë Nabucodonosor, mëti'ipë jam ënä'ämp yajkutujkpën Babilonyë, ma Caldeo ja'ayëtyën.

Jeremias 32:3

Yë Sedequías yajkutujkpë yë'ë ojts nyi'ënä'ämëty ets yajtsum yajmatsëty, jä'ä ko y'ënä'äny: Jëtu'un yë Wintsën tnikäjpxy: Ëjts nyajkutukäämpy ets ya'atë naax kajpn jam kya'ajëty ma Nabucodonosor kyë'ëjotmën mëti'ipë jam Babilonyë yajkutujkpën,

Jeremias 32:4

ets Sedequías yajkutujkpë ka'ap nëjkx myäyë tkukä'äkëty yë caldeo ja'ay, nëjkxëp yë Babilonyë yajkutujkpë myätsyë ets kwanë nëjkx twinkuwa'akë.

Jeremias 44:30

Nkë'ëyakäämpyës yë Hofra, Egiptë yajkutujkpë, ma myëtsipën mëti'ipë ëxëëk tsë'ëkën, jëtu'un ijxtëmës nkë'ëyäjkyën ja Sedequías, Judá yajkutujkpë, ma ja myëtsipën Nabucodonosor, Babilonyë yajkutujkpë mëti'ipë ënety ëxëëk tsë'ëkën.

Jeremias 52:10

mëët yë y'u'unk y'ëna'k ets wyintsëntëjk, jampë Judá kyukajpn'atën, ets yajyo'kpuxtëty yë'ë wyintuuy.

Jeremias 52:8

E yë tsiptuunpëtëjkëty, yë Caldeo ja'ayëty, ojts tpatsoontë ja Sedequías yajkutujkpë ets tnajtspatëtyë jam joyjotm winkon ma Jericó kajpnën. Ja Sedequías ja tsyiptuunpëtëjk ojts y'ëxmajtstaayënë ets jëtu'unyë kyääkwa'kxtaaytyë.

Lamentaciones 4:20

Tëë yajtsumy yajmatsy mëti'ipë ja Wintsën wyin'ijxën, mëti'ipë ijty ëëts xyjyotkujkmooytyëpën, ja yajkutujkpë mëti'ipë ijty ëëts n'antijtëpën: Yë'ë wyintuuy jotkujk njuuky'ata'antës ma naax kajpnën.

Ezequiel 17:12

Myajtëwëp yë naax kajpn pën wyinmëtoowtëp tii ya'atë ijxpäjtën jyatijpyën. Jëtu'un xy'ënëëmëtëty: Yë Babilonyë yajkutujkpë ojts myiny jyä'ty ma Jerusalén kajpnën ets tmajtsy yë Judá yajkutujkpë mëët tëkokyë yë wyintsëntëjk ets ojts tsumy matsy tmënëjkxy jam Babilonyë.

Ezequiel 17:16

Ëjts Wintsën, jëtu'unës n'ëna'any ets njuukyajtënës yam ntukkajpxpejtyp, ko tääpë ja'ay jyëkyejpy y'ookëty jä'ä ko tëë tukxi'iky ja käjpxytyu'unën ets ka'ap të tpatuny ijxtëm të y'ënë'ëmxëtyën ja yajkutujkpë mëti'ipë të jyapëjktä'äkyën ets yajkutukëty.

Ezequiel 17:20

Jëtu'unës yam ntuna'any tä ja'ay tkujëpipyën yë nëë jëyujk ets nmajtsmuka'anyës; nmënëjkxa'anyës jam Babilonyë, jamtsës nyajnitukëja'any mëët ko ka'ap të xymyëj'ixyës.